ကိုယ်နဲ့ အသင့်လျော်ဆုံးဖြစ်တဲ့ အသက်မွေးဝမ်းကြောင်းအလုပ်တစ်ခုကို ဘယ်လိုရှာမလဲ

Shutterstock/Tashatuvango

လူငယ်တွေအတွက် ခက်ခဲတဲ့ အရာတစ်ခုကိုဆိုရင် ပြောပါဆိုရင် အသက်မွေးဝမ်းကြောင်းတစ်ခုမှာ အောင်မြင်ခြင်းပါပဲ။ ဒါ့အပြင် လူငယ်တစ်ယောက်အနေနဲ့ ကိုယ်ဖြစ်ချင်တဲ့ဆန္ဒနဲ့ ကိုက်ညီတဲ့ အသက်မွေးဝမ်းကြောင်းမှုကို ရှာဖွေရတာ အခက်တွေ့လွန်းပါတယ်။ ဖြစ်ချင်တဲ့အိပ်မက်တိုင်း အကောင်အထည်ဖော်ဖို့ အခွင့်အရေးမရှိတဲ့ အခြေအနေမှာ အသက်မွေးကြောင်းမယ့်အလုပ်ကို ရှာရတဲ့အခါ အကန့်အသတ်ထဲကပဲ ရှာဖွေရွေးချယ်ရပါတယ်။ ဒါကြောင့် ဘယ်အသက်မွေးဝမ်းကြောင်းမှုက ကိုယ်နဲ့ အသင့်လျော်ဆုံးဆိုတာကို ရှာဖွေနိုင်ဖို့ အခုလိုပဲ အကြံပေးလိုက်ပါတယ်။

၁။ သင့်ရဲ့ စိတ်ဝင်စားမှုကို သိပါ

အရေးအကြီးဆုံးက သင့်ကိုယ်သင် သိမှုပေါ် မူတည်ပါတယ်။ သင်က ဘယ်လို လုပ်ရတာမျိုးကို အားသန်တတ်သလဲ။ စိတ်ဝင်စားတတ်သလဲ သိဖို့ လိုအပ်ပါတယ်။ နည်းပညာဘက်ကို အားသန်သူလား။ အနုပညာတွေ ဖန်တီးတဲ့နေရာမှာ အားသန်တဲ့ သူလား။ ဒါမှမဟုတ် စီးပွားရေး လုပ်တာကို စိတ်ဝါဝင်စားသူလား ဆိုတာတွေ သိဖို့ လိုပါတယ်။ အဲ့လို နယ်ပယ်ကို သိရပြီဆို အဲ့နယ်ပယ်ထဲက ဘယ်လို အပိုင်းကို စိတ်ဝင်စားတာလဲဆိုတာ ဆက်တွေးရပါမယ်။ အနုပညာ ဖန်တီးချင်တဲ့သူဆို ပန်းချီဆွဲချင်တာလား ဘယ်လို ပန်းချီတွေကို ဖန်တီးချင်လဲဆိုတာတွေကို သိအောင် လုပ်ဖို့ လိုအပ်ပါတယ်။ ဘာပဲဖြစ်ဖြစ် ကိုယ်စိတ်ဝင်စားတဲ့ နယ်ပယ်ကို အရင် စဉ်းစားပါ။

Shutterstock/fizkes

၂။ သင့်ရဲ့ ကိုယ်ရည်ကိုယ်သွေးကို သိပါ

အလုပ်တွေက စိတ်ဝင်စားတိုင်း ကိုယ်နဲ့ ကိုက်ညီသွားတာ မဟုတ်ပါဘူး။ သင့်ရဲ့ ကိုယ်ရည်ကိုယ်သွေးနဲ့ စိတ်ဝင်စားတဲ့အရာ ကိုက်ညီသွားတဲ့အခါမှသာ သင့်အတွက် သင့်လျော်တဲ့ အသက်မွေးဝမ်းကြောင်းမှု ဖြစ်တာပါ။ သင်က စကားပြောကောင်းသူလား။ စကားမပြောပေမဲ့ တစ်ခုခုကို အာရုံစိုက်ပြီး လုပ်တဲ့နေရာမှာ တော်တာလား။ ခရီးသွားရတာကို သဘောကျနှစ်ခြိုက်တတ်သူလား။ အလုပ်တစ်ခုကို အသေးစိတ်ကအစ စနစ်တကျ လုပ်တတ်တဲ့သူလား။ တစ်ခုခုစီစဉ်တဲ့အခါ အကောင်းဆုံး စီမံခန့်ခွဲတတ်တဲ့သူလား စသည်ဖြင့် သိဖို့ လိုအပ်ပါတယ်။ ဒါမှသာ သင်နဲ့ အကိုက်ညီဆုံး အသက်မွေးဝမ်းကြောင်းမှုကို ရှာတွေ့မှာပါ။

READ
LCDခန္ဓာကိုယ်ပိုင်ရှင်တွေ သေချာပေါက်ရမယ့် ကောင်းကျိုး(၁၅)မျိုး

၃။ သင် ဘာတွေ ကျွမ်းကျင်လဲ

သင်ရဲ့ ကျွမ်းကျင်မှုက စကားကောင်းကောင်းပြောတတ်တာလား။ ကွန်ပျူတာ သုံးတတ်တာလား။ ဓာတ်ပုံပညာကို နားလည်တတ်မြောက်ထားလား စသဖြင့် ပြန်စဉ်းစားဖို့ လိုအပ်ပါတယ်။ ဒါမှမဟုတ် သင်စိတ်ဝင်စားတဲ့နယ်ပယ်နဲ့ ကိုက်ညီတဲ့ ကိုယ်ရည်ကိုယ်သွေး ရှိနေတယ်ဆိုရင် အဲ့အတွက် လိုအပ်တဲ့ တတ်မြောက်ထားသင့်တဲ့အရာတွေကို ကျွမ်းကျင်အောင် လေ့လာဖို့ လိုအပ်ပါတယ်။

Shutterstock/Pasuwan

၎။ စိတ်အားအသန်ဆုံးအရာကိုပဲ ရွေးပါ

တစ်ချို့တွေအတွက် ဖြစ်ချင်တာက နှစ်ခု သုံးခု ဖြစ်နေတတ်ပါတယ်။ အဲ့လို အခြေအနေမှာဆိုရင် သင် လုံးဝ ငြင်းကို မငြင်းနိုင်တဲ့ စိတ်အဝင်စားဆုံးအရာကို ရွေးချယ်လိုက်ပါ။ ဒါက သင့်အတွက် အကောင်းဆုံးရွေးချယ်မှု ဖြစ်ပါတယ်။ တစ်ခုကို မဖြစ်မနေ ရွေးလိုက်ရတဲ့အခါ သင်နဲ့ အကိုက်ညီဆုံးအရာက ထွက်လာမှာ ဖြစ်ပါတယ်။

၅။ လက်တွေ့ဆန်ပါ

ပြောရရင် မဖြစ်နိုင်တဲ့အရာကိုတော့ စိတ်ကူးမယဉ်ဖို့ကို ဆိုလိုတာပါ။ ဥပမာ- သင်က အာကာသယာဉ်မှူး ဖြစ်ချင်တယ်၊ သင်နိုင်ငံမှာ အဲ့သည့်အလုပ်မရှိသလို အဲ့နယ်ပယ်အတွက် သင်ပေးနိုင်တာ မရှိဘူး၊ ဒါ့အပြင် နိုင်ငံခြားကို သွားပြီး လေ့လာနိုင်မယ့် အခွင့်အရေးလည်း မရှိနေဘူးဆိုရင် အဲ့အိပ်မက်ကို မရွေးချယ်သင့်ပါဘူး။ ရွေးရင် မိုက်ရူးရဲဆန်မှုပဲ ဖြစ်သွားပါလိမ့်မယ်။

READ
သဘာဝတရားရဲ့အင်အားကို လူတွေမခုခံနိုင်သေးကြောင်း သက်သေပြနေတဲ့ ဓာတ်ပုံများ
Shutterstock/UfaBizPhoto

၆။ အကျိုးအကြောင်း ကိုက်ညီမှု ရှိပါစေ

နောက်ဆုံးအနေနဲ့က သင့်ရွေးချယ်ထားတဲ့ အသက်မွေးဝမ်းကြောင်းမှုက သင့်အတွက် လက်တွေ့အရပါ ဖြစ်နိုင်တဲ့ ကိုက်ညီတဲ့အရာ ဖြစ်ဖို့ လိုပါတယ်။ ဥပမာ သင်က ဗိသုကာပညာရှင်တစ်ယောက်ဖြစ်ချင်တယ် သင်ကိုယ်တိုင်ကလည်း အနုစိတ်ဖန်တီးရတာတွေ ကြိုက်တယ် အိမ်ပုံစံတွေ ဖန်တီးရတာကို ပျော်ရွှင်နှစ်ခြိုက်တယ်ဆိုရင် အဲ့အတွက် လိုအပ်တဲ့ အရည်အချင်းအတွက် သင်တန်းတက်ဖို့ အခြေအနေ သင့်မှာ ရှိဖို့ လိုအပ်ပါတယ်။ ကျွမ်းကျင်ဖို့ လိုအပ်တဲ့အချိန်တစ်ခုလည်း ပေးနိုင်ရမယ်။ သင်ကိုယ်တိုင်ကလည်း စိတ်ပါလက်ပါ လေ့လာမှုတွေ တကယ်လည်း လုပ်နိုင်ရမယ်။ အဲ့လို အဆင်ပြေကိုက်ညီတဲ့ ပတ်ဝန်းကျင်နဲ့ အခြေအနေတွေ ရှိတဲ့အခါမှာ သင့်ရဲ့ အသက်မွေးဝမ်းကြောင်းက သင့်အတွက် ဖြစ်နေပါပြီ။

၇။ အလုပ်သင်အဖြစ် လေ့လာပါ။

တစ်ချို့က လက်တွေ့လုပ်ငန်းခွင်ထဲ ရောက်တဲ့အခါမှ ကိုယ်နဲ့ မကိုက်ညီကြောင်း သိသွားတတ်ကြပါတယ်။ ကိုယ်နဲ့ ဒီအလုပ်ထက်စာရင် တစ်ခြားအရာတစ်ခုက ပိုပြီး ကိုက်ညီကြောင်း သိသွားတတ်ပါတယ်။ ဒါကြောင့် အလုပ်သင်အဖြစ် လုပ်ကြည့်တာကလည်း သင့်နဲ့ သင့်လျော်တဲ့ အသက်မွေးဝမ်းကြောင်းမှု ဖြစ်၊ မဖြစ် သိစေပါတယ်။

Written by Kham

SHARE