သင့်မှာ ချစ်သူ (၂)ယောက်နဲ့အထက်ရှိတယ်ဆိုရင် ဒီအချက်တွေကို လိုက်နာပါ

သင်ဟာ ချစ်မှုရေးရာမှာ သိပ်ကျွမ်းနေတဲ့ဆရာကြီးလား၊ ဒါမှမဟုတ် ဆရာမကြီးလား…။ သင့်ရဲ့လက်ရှိအချစ်ရေးအခြေအနေက တစ်ယောက်မကတဲ့ ချစ်သူတွေရှိနေပြီး များပြားလှတဲ့အချစ်တွေကြားမှာ တိုင်ပတ်နေပြီလား။ ဒီလိုအခြေအနေတွေက စစချင်းမှာတော့ ပျော်စရာဖြစ်ပေမယ့် အချိန်ကြာလာတာနဲ့အမျှ ခေါင်းကိုက်လာတတ်တာပါ။ ဒီတော့ ကိုယ့်ရဲ့ချစ်သူတွေကို ဘယ်လို အဆင်ပြေပြေ ထိန်းထားနိုင်မလဲဆိုတာ သိချင်ရင် အောက်မှာပါတဲ့အချက်လေးတွေကို ဖတ်ကြည့်လိုက်နော်။ အကုန်လုံးမဟုတ်တောင် တစ်ချက်နှစ်ချက်ကတော့ သင့်အတွက် အသုံးဝင်လိမ့်မယ်လို့ မျှော်လင့်ပါတယ်။

(၁)။ ချစ်စနိုးခေါ်တဲ့နာမည်ကိုတစ်ခုပဲထားပါ

Martha Stewart Weddings

ကိုယ့်မှာ ချစ်သူ နှစ်ယောက်ရှိနေတယ်ဆိုရင် အဲဒီနှစ်ယောက်စလုံးအတွက် ချစ်စနိုးခေါ်တဲ့နာမည်ကို တစ်ခုတည်းထားတာ အကောင်းဆုံးပါ။ ဥပမာ – ပထမ ရည်းစားတစ်ယောက်ရပြီး အဲဒီတစ်ယောက်ကို “မေ” လို့ခေါ်တယ်ဆိုရင် နောက်ထပ်ရလာတဲ့ ရည်းစားကိုလည်း “မေ” လို့ခေါ်တာ အကောင်းဆုံးပါ။ မဟုတ်ရင် နာမည်မှားခေါ်တာမျိုးဖြစ်နိုင်ပြီး ဖြေရှင်းလို့မရတဲ့ပြဿနာမျိုးတွေဖြစ်သွားနိုင်ပါတယ်။

(၂)။ Contact List က နာမည်တွေကို ဂရုစိုက်ပါ

YouTube

ကိုယ့်ရဲ့ ဖုန်း Contact List မှာ နာမည်တွေကို ဂရုစိုက်ပြီး မှတ်သားထားဖို့လိုပါတယ်။ တချို့ကောင်မလေးတွေက Call Log ကိုကြည့်ပြီး ပြဿနာရှာတတ်တာမို့ ကိုယ်က တခြားမိန်းကလေးတစ်ယောက်ဆီကို ဖုန်းခေါ်ထားတာတွေ့ရင် သတိထားမိသွားမှာဖြစ်ပြီး ပြဿနာ တက်နိုင်ပါတယ်။ အကောင်းဆုံးကတော့ ကိုယ့်ရဲ့အထက်လူကြီးနာမည်၊ ဒါမှမဟုတ် ကိုယ့်ရဲ့ဆွေမျိုးထဲက တစ်ယောက်ယောက်နာမည်တွေကို အစားထိုးပြီး မှတ်ထားတာပါပဲ။ ဥပမာ – “မေ” က ကိုယ့်ဆီ ဖုန်းဆက်တယ်ဆိုရင် ကိုယ့်ရဲ့ဖုန်းမှာ “မေ” လို့မပေါ်ပဲ ကိုယ့်ရဲ့အထက်လူကြီးနာမည်ပေါ်လာတော့ အလုပ်ကိစ္စလုိ့အကြောင်းပြလို့ရမှာဖြစ်ပြီး ခပ်ဝေးဝေးမှာ ဖုန်းသွားပြောလို့ရနိုင်ပါလိမ့်မယ်။ အဲဒါက ကိုယ့်အတွက်လည်း လုံခြုံတယ်လေ။

READ
ဟာသပြောတတ်တဲ့ သူတွေနဲ့ ဘာကြောင့် ဒိတ်လုပ်သင့်တာလဲ ...?

(၃)။ လုံခြုံအောင်လုပ်ပါ

Scoopnest.com

ကိုယ်က ဒီတစ်ယောက်နဲ့တွေ့ဖို့ သွားတော့မယ်ဆိုိရင် အခြားတစ်ယောက် ဘယ်နေရာမှာရှိသလဲဆိုတာ သေချာ Comfirm လုပ်ဖို့ လိုပါတယ်။ ဒီလိုမှမဟုတ်ပဲ ကိုယ်သွားတဲ့နေရာက တခြားတစ်ယောက်ရှိတဲ့နေရာဆိုရင် သူတို့နှစ်ယောက်ဆုံသွားနိုင်ပြီး ကိုယ်လည်း တိုင်အကြီးကြီးပတ်ပါလိမ့်မယ်။ အဲဒီတော့ ကိုယ်လည်းစိတ်အေးအေးနဲ့သွားနိုင်အောင်၊ လုံခြုံအောင်လို့ နေရာတွေကို အရင်ဆုံး Comfirm လုပ်ဖို့လိုပါတယ်။

(၄)။ အချိန်ကို စီမံခန့်ခွဲပါ

Glamour

သင့်ရဲ့ချစ်သူတစ်ယောက်က (A) ဖြစ်ပြီး တခြားတစ်ယောက်က (B) လို့ပဲဆိုပါစို့။ ဒီလိုဆိုရင် သင့်အနေနဲ့ (A) ဆီကို ပုံမှန်ဖုန်းဆက်တဲ့အချိန်တစ်ခုထားရမှာဖြစ်ပြီး (B) အတွက်လည်း ပုံမှန်ဖုန်းဆက်တဲ့အချိန်တစ်ခု ထားရမှာပါ။ ဒီလိုမှမဟုတ်ပဲ သင့်အနေနဲ့ သင်ဆက်ချင်တဲ့အချိန်တွေ ဆက်နေမယ်ဆိုရင် သူတို့ကလည်း သင့်ဆီကို သတ်မှတ်ထားတဲ့အချိန်တွေအတိုင်းမဟုတ်ပဲ ဖုန်းတွေခေါ်ပါလိမ့်မယ်။ (A) ဆီနဲ့ ဖုန်းပြောနေတုန်း (B) ဆီကဖုန်းလာတာ ဖြစ်ကောင်းဖြစ်လိမ့်မယ်။ ဒါမှမဟုတ် (B) နဲ့ ဖုန်းပြောနေတုန်း (A) ဆီကနေ ဖုန်းလာတာ ဖြစ်ကောင်းဖြစ်လိမ့်မယ်။ ဒီလိုနဲ့ သင်ဘယ်သူနဲ့ဖုန်းပြောနေသလဲဆိုိတာ သူတို့ သိချင်လာမှာဖြစ်ပြီး သင့်အကြောင်းကို စုံစမ်းတာမျိုးဖြစ်လာနိုင်ပါတယ်။ ဒီတော့ အချိန်ကို စီမံခန့်ခွဲဖို့ ကြိုးစားနိုင်တာ အကောင်းဆုံးပါ။

READ
ယောက်ျားလေးတွေဟာ အချစ်စစ်နဲ့တွေ့တဲ့အခါမှာ ဒီလိုမျိုးလေးတွေ လုပ်လာကြတယ်…..

Linn

SHARE