မြောက်ကိုရီးယားအတွက် 3G ကွန်ရက်ကို တိတ်တဆိတ် ထောက်ပံ့ပေးနေခဲ့တဲ့ Huawei

Shutterstock/astudio, Shutterstock/Es sarawuth

ယခုအဖြစ်အပျက်ကတော့ တရုတ်နဲ့ အမေရိကန်ကြားက စီးပွားရေးပဋိပက္ခပြဿနာတွေကို ပိုမိုရှုပ်ထွေးလာတော့မယ့် အခြေအနေကို ဖန်တီးလိုက်တဲ့ သတင်း ဖြစ်ပါတယ်။ အမေရိကန်အခြေစိုက် The Washington Post ကနေ အစီရင်ခံစာတစ်စောင် ထွက်ရှိလို့ လာခဲ့ပါတယ်။ ထိုအစီရင်ခံစာရဲ့ အရင်းအမြစ်ကတော့ Huawei ရဲ့ ဝန်ထမ်းဟောင်းတစ်ဦး ဖွင့်ချလိုက်ခြင်း ဖြစ်ပါတယ်။

Shutterstock/Ascannio

Huawei ကနေ မြောက်ကိုရီးယားနိုင်ငံမှာ 3G အင်တာနက်ကွန်ရက် လည်ပတ်ဖို့ ကူညီပေးနေခဲ့တာ ဖြစ်ပါတယ်။ တရုတ်အခြေစိုက် Panda International Information Technology ကုမ္ပဏီနဲ့ တွဲဖက်ကာ မြောက်ကိုရီးယားကို တိတ်တဆိတ် ကူညီပေးနေခဲ့တာဆိုရင် အနည်းဆုံး ၈ နှစ် ရှိသွားခဲ့ပြီလို့ အစီရင်ခံစာမှာ ပါရှိပါတယ်။ ဒီဖြစ်ရပ်သာ သက်သေအထောက်အထားတွေနဲ့ ပိုပြီးအတည်ဖြစ်သွားပြီဆိုရင်တော့ တရုတ်နဲ့ အမေရိကန်ကြားက တင်းမာမှုတွေက ပိုဆိုးလာနိုင်ဖွယ် ရှိနေပါတယ်။

READ
Apple WWDC 2019 မှ သိရသမျှ update များ

လက်ရှိမှာတော့ Huawei ဘက်ကနေ ထိုစွပ်စွဲချက်ကို ငြင်းဆိုထားလျက်ရှိပါတယ်။ သတင်းစာရှင်းလင်းပွဲအတွက် Huawei ဘက်က ထုတ်ပြန်စာမှာတော့ “Huawei အနေနဲ့ မိမိတို့နဲ့ ပူးပေါင်းလုပ်ဆောင်နေတဲ့ နိုင်ငံတွေနဲ့ သဘောတူညီထားတဲ့ ပစ္စည်းတင်သွင်းမှုဆိုင်ရာ စည်းကမ်းတွေ၊ ခွင့်ပြုမိန့်တွေ၊ ဥပဒေတွေ အကုန်လုံးကို လိုက်နာပြီး အလုပ်လုပ်နေတာ ဖြစ်ပါတယ်” လို့ ထည့်သွင်းရေးသားထားပါတယ်။

Shutterstock/ Paul2015

Huawei ဟာ Panda International နဲ့ ပူးပေါင်းကာ မြောက်ကိုရီးယားနိုင်ငံတွင်းရှိ Koryolink ဆက်သွယ်ရေး ကုမ္ပဏီအတွက် နည်းပညာတွေ ထောက်ပံ့ကူညီပေးနေခဲ့တာ ဖြစ်တယ်လို့ ဝန်ထမ်းဟောင်းဆီကနေ ပေါက်ကြားသွားခဲ့တာပါ။ ထိုကိစ္စကြောင့် တရုတ်၊ မြောက်ကိုရီးယား၊ အမေရိကန်တို့ကြား ဘယ်လိုဂယက်မျိုး ထစေဦးမလဲဆိုတာကိုတော့ နိုင်ငံတကာ သတင်းရပ်ဝန်းကလည်း စောင့်ကြည့်လျက်ရှိကြပါတယ်။

Source: The Washington Post

SHARE