အိန္ဒိယ-ပါကစ္စတန်စစ်ပွဲကြောင့် ဘန်ကောက်လေဆိပ်မှာသောင်တင်ခဲ့ကြတဲ့နိုင်ငံခြားသားများ

ဖေဖော်ဝါရီလ (၁၄) ရက်နေ့ အိန္ဒိယ၊ ကတ်ရ်ှမီးယားဒေသတွင်း ပါကစ္စတန်စစ်သွေးကြွအဖွဲ့မှ အသေခံဗုံးခွဲတိုက်ခိုက်ခဲ့မှုမှ အစပြုကာ အိန္ဒိယနဲ့ပါကစ္စတန်တို့ နှစ်နိုင်ငံကြား အချင်းချင်းအပြန်ပစ်ခတ်မှုတွေ နယ်စပ်မှာ ဖြစ်ပေါ်လျက်ရှိပြီး (၂၇) ရက်နေ့မှာတော့ ပါကစ္စတန်ဘက်မှ အိန္ဒိယအား အချိန်မရွေးဝင်တိုက်လို့ရတယ်လို့ဆိုကာ ကြိုတင်စစ်ကြေငြာချက်ကို ထုတ်ပြန်ခဲ့ပါတယ်။ (အသေးစိတ်ကို ဤတွင်နှိပ်၍ဖတ်ရှုပါ။)

လေကြောင်းမှ စစ်ပွဲတွေဖြစ်နေတာကြောင့် ခရီးသွားလေကြောင်းလိုင်းတွေကို ပိတ်ချပစ်ခဲ့ပြီး လေယာဉ်များမပြေးဆွဲတာ ယခုဆို (၂၄) နာရီကျော်နေပါပြီ။ အရှေ့တော်အာရှနိုင်ငံတော်တော်များများနဲ့ အနောက်နိုင်ငံများသို့ လေယာဉ်များ ကူးလူပျံသန်းရာမှာ ပါကစ္စတန်နဲ့ အိန္ဒိယတို့ကို ဖြတ်သွားရတဲ့အတွက် လေကြောင်းနဲ့ပတ်သက်ပြီး အထူးဂရုပြုနေရချိန်မှာ ခရီးသည်တွေရဲ့ လုံခြုံရေးအတွက် ပိတ်ချခဲ့ရတယ်လို့ဆိုပါတယ်။

ဒီဂယက်ကြောင့်ပဲ ဘန်ကောက်မှ သုဝဏ္ဏဘူမိလေဆိပ်မှာတော့ ဖေဖော်ဝါရီလ (၂၇) ရက်နေ့မှစတင်ကာ ယနေ့အချိန်အထိ အနောက်နိုင်ငံသားခရီးသွားတွေ ထောင်နဲ့ချီကာ ပိတ်မိနေခဲ့ပါတယ်။

Viral Press

ခရီးသည်ပေါင်း (၅၀၀၀) ကျော်လောက်ဟာ ကြိုတင်သိပေးခြင်းမရှိဘဲ လေကြောင်းလိုင်းတွေပိတ်ချမှုကြောင့် အခက်အခဲတွေ့နေကြပါတယ်။ တချို့ကတော့ လေကြောင်းလိုင်းမှ လေယာဉ်ချိန်နဲ့ နာရီပိုင်းစောကာ သိခဲ့ရပေမယ့် တချို့ကတော့ check in လုပ်မယ့် ကောင်တာရောက်ကာမှ ခရီးစဉ်တွေဖျက်သိမ်းထားမှန်းသိခဲ့ကြတာပါ။

READ
ပါးစပ်အုပ်ပြီး ချောင်းဆိုးဖို့ပြောတဲ့ အမျိုးသမီးကို (၁၂) နှစ်ကြာ နှောင့်ယှက်ခဲ့တဲ့ အမျိုးသား
Viral Press

ဘန်ကောက်မှ Europe နိုင်ငံများသို့ပျံသန်းမယ့် ခရီးစဉ်စုစုပေါင်း (၁၁) ခုလောက်ဖျက်သိမ်းခဲ့ကြတာပါ။ Bangkok-Frankfurt, Bangkok-London, Bangkok -Munich, Bangkok-Paris, Bangkok-Brussels, Bangkok-Milan, Bangkok-Vienna, Bangkok-Stockholm, Bangkok-Zurich, Bangkok-Copenhagen နဲ့ Bangkok-Oslo စတဲ့ ခရီးစဉ်များပဲဖြစ်ပါတယ်။

Viral Press

လေယာဉ်ပြန်ပြေးဆွဲမယ့်အချိန်ကိုလည်း အတိအကျမသိတာမို့လို့ ခရီးသည်တွေကတော့ သုဝဏ္ဏဘူမိလေဆိပ်မှာပဲ စောင့်နေခဲ့ကြတဲ့အတွက် လေဆိပ်မှတာဝန်ရှိသူများဟာ သောင်တင်နေတဲ့ ခရီးသည်တွေကို ကူညီပေးဖို့အတွက် အဖွဲ့များအရေးပေါ်ဖွဲ့စည်းစေခဲ့ပါတယ်။

Viral Press

ဖေဖော်ဝါရီလ (၂၈) ရက်နေ့မနက်အထိ လေယာဉ်ခရီးစဉ်များ ပြေးဆွဲမဆွဲကိုလည်း မသိရသေးဘူးလို့သိရပါတယ်။ ခရီးစဉ်ဖျက်သိမ်းတဲ့ လေကြောင်းလိုင်တွေထဲ Air India, Qatar Airways, Bahrain’s Gulf Air, Air Canada,  British Airways, Emirates နဲ့ Etihad Airways စသည်တို့ပါဝင်ပါတယ်။

Viral Press

Source: Nation Multimedia, Daily Mail

Penny

SHARE