တစ်နေ့ကို အပင်တစ်ပင်စိုက်ပြီး သစ်တောကြီးတစ်ခုဖြစ်လာအောင် ဖန်တီးခဲ့သူ

အပင်စိုက်လေ့ရှိသူများသာ ပုံမှန်အရွယ်အစား မြက်ခင်းပြင်တစ်ခုရအောင် ဘယ်လောက်ကြိုးစားအားထုတ်ရတယ်ဆိုတာ နားလည်ကြမှာပါ။ ဒါကြောင့် လူမနေတဲ့ ကျွန်းကြီးတစ်ကျွန်းကို ဧက ၁၃၀၀ ကျော် သစ်တောကြီးတစ်ခုဖြစ်လာအောင် လုပ်ဖို့ဆိုရင်တော့ ဘယ်လောက်တောင် ခက်မလဲဆိုတာ စဉ်းစားသာ ကြည့်ကြပါ။

သစ်တောကြီး ဖြစ်ပေါ်လာတဲ့ ကျွန်းကတော့ အိန္ဒိယနိုင်ငံက မာဂျူလီကျွန်းဖြစ်ပြီး ကမ္ဘာ့အကြီးဆုံး မြစ်တွင်း ကျွန်းကြီးတစ်ကျွန်းဖြစ်ပါတယ်။ Jadav Payeng အမည်ရ အမျိုးသားဟာ ထိုကျွန်းပေါ်မှာ ၁၉၇၉ ခုနှစ် သူ အသက် ၁၆ နှစ်အရွယ်က စလို့ တစ်ရက်ကို အပင်တစ်ပင်နှုန်းကျ စတင်စိုက်ပျိုးခဲ့တာဖြစ်ပါတယ်။ အခုဆို အသက် ၅၀ ရှိပြီဖြစ်တဲ့ Jadav ဟာ နယူးယောက်မြို့က ဧက ၈၄၀ ရှိတဲ့ Central Park ဥယျာဉ်ကြီးထက်တောင် ကြီးမားတဲ့ သစ်တောကြီးတစ်ခုကို ဖန်တီးနိုင်ခဲ့ပါပြီ။ အဆိုပါသစ်တောဟာ ကျားတွေ၊ ကြံ့တွေ၊ ငှက်တွေနဲ့ ဆင်အကောင်တစ်ရာကျော်တို့ရဲ့ ခိုနားရာ ဖြစ်နေပြီလည်း ဖြစ်ပါတယ်။

PA

Jadav ဟာ အသက်မွေးဝမ်းကျောင်းအလုပ်အနေနဲ့ ဇနီးနဲ့အတူ အနီးအနားက ရွာတွေဆီ နွားနို့ပို့တဲ့ အလုပ်ကို လုပ်ပြီး သစ်ပင်စိုက်တာကိုလည်း နောက်ဆုံးထွက်သက်အထိ ဆက်လုပ်သွားမယ်လို့ ဆိုပါတယ်။ Jadav အပင်စစိုက်တဲ့အချိန်ကနေ အနှစ် ၃၀နီးပါး ကြာချိန်… ၂၀၀၇ ခုနှစ်မှာတော့ ကမ္ဘာက သူ့ရဲ့ ပတ်ဝန်းကျင်အပေါ် စောင့်ရှောက်မှုတွေနဲ့ပတ်သက်လို့ စသိလာခဲ့ပါတယ်။ ပတ်ဝန်းကျင် ထိန်းသိမ်းရေး သတင်းထောက်တစ်ဦးဖြစ်တဲ့ Jitu Kalita အမည်ရ အမျိုးသားက Jadav ရဲ့ သစ်တောကို တွေ့သွားခဲ့ရာမှပါ။ Kalita ရိုက်ကူးခဲ့တဲ့ Jadav နဲ့ သူ့သစ်တောအကြောင်းကိုတော့ Forest Man လို့ အမည်ပေးထားခဲ့ပါတယ်။

READ
ကမ္ဘာပေါ်မှာရှိတဲ့ အထူးဆန်းဆုံး နဲ့ အရှားပါးဆုံး သတ္တ၀ါ (၁၀)မျိုး

“အဝေးကနေ သစ်တောလို အရာတစ်ခု ထူးဆန်းစွာ တွေ့ခဲ့ရပါတယ်။ ကိုယ်တိုင်ရောက်သွားတဲ့အခါမှာတော့ ကိုယ့်မျက်စိကိုယ် မယုံနိုင်ခဲ့ပါဘူး။ စွန့်ပစ်ကျွန်းတစ်ကျွန်းဟာ သစ်တောကြီး ဖြစ်နေခဲ့တာပါ” လို့ Kalita က သူ့အတွေ့အကြုံကို ဝေမျှပါတယ်။ Jadav ကလည်း Kalita ရောက်လာတုန်းက မုဆိုးတစ်ယောက်လို့သာ ထင်ခဲ့ပြီး နောက်ဆုံး သူနဲ့ သူ့သစ်တောအကြောင်းကို လာမေးခဲ့သူ ဖြစ်နေခဲ့တယ်ဆိုပါတယ်။ Jadav ဟာ နိုင်ငံတစ်ဝှမ်းက သတင်းစာတွေမှာ ‘Forest Man of India’ လို့လည်း ဖော်ပြခြင်း ခံခဲ့ရပြီး အိန္ဒိယအစိုးရမှ ချီးမြှင့်တဲ့ Padma Shri ဆုကို ရရှိခဲ့ပါတယ်။

PA

“လူတွေဟာ သဘာဝတရားကို ဘာမှမကျန်တော့တဲ့အထိ ဖျက်ဆီးပစ်နေကြပါတယ်။ လူတွေအန္တရာယ်ကနေ ဘာဆို ဘာမှ မလုံခြုံနိုင်တော့ပါဘူး။ ဒါကြောင့် သစ်ပင်တွေ လာခုတ်ချင်သူတွေကိုလည်း ကျွန်တော့် သစ်ပင်တွေကို ခုတ်မယ်ဆိုရင် ကျွန်တော့်ကိုသာ အရင်သတ်သွားပါလို့ပဲ ကျွန်တော်ပြောပါတယ်” လို့ Jadav က ပြောပါတယ်။ သူက ဆက်ပြီး “ဒီနေရာဟာ မြို့ပြနဲ့ ကွာခြားပါတယ်။ မြို့ပြက လူတွေဟာ အခန်းတွေထဲမှာ အဲကွန်းတွေ ဖွင့်ပြီး ပြင်ပမှာ လေထုတွေ ညစ်ညမ်းနေတာ ဂရုမစိုက်ကြပါဘူး။ ဒီကလူတွေကတော့ ကိုယ့်အလုပ်ကိုယ်လုပ်၊ လေကောင်းလေသန့်ရှူပြီး အေးချမ်းစွာ နေထိုင်ကြပါတယ်” လို့ ဆိုပါတယ်။

READ
ပြောင်းလဲတတ်တဲ့ သဘာဝရဲ့အလှကို ရိုက်ပြခဲ့တဲ့ ဖင်လန်နိုင်ငံက ဓာတ်ပုံဆရာ

အခုဆို Jadav ပထမဆုံး စိုက်ခဲ့တဲ့ သစ်ပင်ဟာ ပင်စည်တွေ အတော်တောင် ကြီးမားနေပါပြီ။ သူက ထိုသစ်ပင်ကို ပုတ်ပြီး “မင်းကြောင့်သာ မဟုတ်ရင် ငါကမ္ဘာလောကကြီးကို မြင်ခွင့်ရခဲ့မှာ မဟုတ်ဘူး” လို့  Jadav က ပြောခဲ့ပါသေးတယ်။

Ref: Lad Bible

SHARE