ကမ္ဘာ့နိုင်ငံအချို့ရဲ့ ကျောင်းဝတ်စုံတွေနဲ့ ပတ်သတ်ပြီး စိတ်ဝင်စားဖွယ်ရာ အချက်များ

Wikimedia Commons

ပညာရေးဆိုတာ အရေးအကြီးဆုံး အရာတစ်ခုဖြစ်တယ်လို့ လူတိုင်း သိထားကြမှာပါ။ ပညာတက်ဖို့အတွက် မိဘတွေကလည်း သူတို့ရဲ့ ရင်သွေးတွေကို ကျောင်းတွေ၊ တက္ကသိုလ်တွေဆီကို အမြဲ ပို့လေ့ရှိကြပါတယ်။ အခုလို ၂၁ ရာစုမှာ ပညာရေးဟာ လူတွေရဲ့ ဘဝအစိတ်အပိုင်းတစ်ခုအဖြစ် ပြောင်းလဲလာခဲ့ပါပြီ။ ဒီလို ပညာတက်ဖို့အတွက် ကျောင်းတွေဆီ သွားရမှာ ကျွန်တော်တို့ဟာ သတ်မှတ်ထားတဲ့ တူညီဝတ်စုံကို ဝတ်ဆင်ရလေ့ရှိပါတယ်။ ကမ္ဘာပေါ်က တခြားနိုင်ငံတွေမှာလည်း အခုလို တူညီဝတ်စုံသတ်မှတ်ထားလေ့ရှိကြပါတယ်။ 

 ကျွန်တော်တို့ မြန်မာနိုင်ငံအတွက်တော့ အဖြူနဲ့ အစိမ်းလို့ သတ်မှတ်ထားပါတယ်။ တခြားနိုင်ငံတွေမှာလည်း အလားတူပါပဲ။ သူတို့နိုင်ငံရဲ့ ရာသီဥတု၊ ဓလေ့ရိုးရာများနဲ့ အလိုက် ကျောင်းယူနီဖောင်းများဟာ တစ်နိုင်ငံနဲ့ တစ်နိုင်ငံ ကွဲပြားပါတယ်။

အခုတစ်ခေါက်တော့ ကမ္ဘာပေါ်က နိုင်ငံတွေရဲ့ မတူညီကြတဲ့ ကျောင်းယူနီဖောင်းများရဲ့အကြောင်းကို တင်ဆက်လိုက်ပါတယ်။

ဗြိတိန်နိုင်ငံ
Wikimedia Commons

ဗြိတိန်နိုင်ငံရဲ့ ကျောင်းယူနီဖောင်းကတော့ အရင်ခေတ်ကတော့ အပြာရောင်ဖြစ်ပြီး ဈေးချိုသာဖို့အတွက် ဆိုးဆေးများနဲ့ ပြုလုပ်ထားပါတယ်။ အခုခေတ်မှာတော့ ကျောင်းယူနီဖောင်းဟာ တူညီတဲ့စံသတ်မှတ်ချက်မရှိတော့ဘဲ ကျောင်းတိုင်း ကျောင်းတိုင်း ကိုယ်ပိုင်ယူနီဖောင်းနဲ့ ဖြစ်ကြပါတယ်။ ဒါပေမယ့် ဗြိတိန်တို့ရဲ့ ထုံးစံအတိုင်း ခန့်ညားတဲ့ ယူနီဖောင်းပုံစံကိုပဲ ကျောင်းတိုင်းကျောင်းတိုင်း ယူနီဖောင်းအဖြစ် အသုံးပြုကြပါတယ်။ “ကျောင်းယူနီဖောင်းတွေမှာ အတိုမဝတ်ရ” ဥပဒေဟာ ၂၀၁၇ ခုနှစ်မှာ ဖြစ်ပွားခဲ့တဲ့ တစ်နိုင်ငံလုံးအပူလွန်ကဲချိန်မှာ ကျောင်းသားတွေရဲ့ ဆန္ဒပြမှုကြောင့် ပြောင်းလဲခဲ့ရပါတယ်။

ဂျပန်နိုင်ငံ
Wikimedia Commons

တကယ်လို့ anime ကားတွေကြည့်တဲ့သူတစ်ယောက်၊ anime ကားတွေထဲက ကောင်မလေးဇာတ်ကောင်တွေနဲ့ရင်းနှီးနေသူတစ်ယောက်ဆိုရင် ဂျပန်နိုင်ငံရဲ့ ကျောင်းယူနီဖောင်းဝတ်စုံကို သိမှာပါပဲ။ ဘာလို့လဲဆိုတော့ anime ကားတွေထဲ အရွယ်ငယ်ငယ်ကျောင်းသူတွေရဲ့ ဝတ်စုံဟာ သူတို့နိုင်ငံရဲ့ ကျောင်းယူနီဖောင်း ဝတ်စုံအတိုင်း ရေးဆွဲထားလို့ပါပဲ။

 အမျိုးသမီးတွေအတွက် ကျောင်းယူနီဖောင်းဝတ်စုံကိုတော့ Seifuku လို့ ခေါ်ပါတယ်။

ကျုးဘားနိုင်ငံ
Wikimedia Commons

ကလေးငယ်တွေရဲ့ ပညာရေးအဆင့်ကို လိုက်ပြီး ယူနီဖောင်းအပြောင်းအလဲရှိပါတယ်။ မူကြို၊ မူလတန်း၊ အထက်တန်း အလိုက် ယူနီဖောင်းများကို ပြောင်းလဲဝတ်ဆင်ကြပါတယ်။

အင်ဒိုနီးရှားနိုင်ငံ
Wikimedia Commons

အင်ဒိုနီးရှားနိုင်ငံကလည်း ကျုးဘားနိုင်ငံအတိုင်းပါပဲ။ ပညာရေးအဆင့်အလိုက် ယူနီဖောင်းအပြောင်းအလဲနဲ့ပါ။ ယူနီဖောင်းအရောင်တွေကတော့ အထက်တန်း၊ အလယ်တန်း၊ မူလတန်း အလိုက် ကွဲပြားခြားနားသွားပါတယ်။

တရုတ်နိုင်ငံ
Wikimedia Commons

တရုတ်နိုင်ငံမှာတော့ တိကျတဲ့ ယူနီဖောင်းစနစ်ရှိပါတယ်။ ယူနီဖောင်းပုံစံ ၅စုံရှိပြီး နေ့စဉ်ဝတ်ဖို့ ၃ စုံနဲ့ သတ်မှတ်ချက်အရ ဝတ်ဖို့ ၂ စုံဆိုပြီး ခွဲထားပါတယ်။

ဘူတန်နိုင်ငံ
Wikimedia Commons

ဘူတန်နိုင်ငံမှာတော့ ကလေးတွေဟာ သူတို့ရဲ့ အမျိုးသားဝတ်စုံကိုပဲ ကျောင်းယူနီဖောင်းအဖြစ် အသုံးပြုဝတ်ဆင်ကြပါတယ်။

တောင်ကိုရီးယားနိုင်ငံ
Wikimedia Commons

တောင်ကိုးရီးယားနိုင်ငံရဲ့ကျောင်းယူနီဖောင်းကတော့ ကိုရီးယားကြည့်တဲ့သူတိုင်း သိမယ်လို့ထင်ပါတယ်။ ယူနီဖောင်းရဲ့ ဒီဇိုင်းအပြင်အဆင်ဟာ အနောက်တိုင်းယဉ်ကျေးမှုကို အခြေခံယူထားပြီး ချုပ်လုပ်ထားပါတယ်။

သီရီလင်္ကာနိုင်ငံ
Wikimedia Commons

သီရီလင်္ကာနိုင်ငံကတော့ ကျောင်းယူနီဖောင်းတွေဝတ်ဆင်ဖို့အတွက် အင်မတန်တင်းကြပ် စည်းကမ်းကြီးတဲ့ နိုင်ငံတစ်နိုင်ငံဖြစ်ပါတယ်။ တခြားနိုင်ငံတွေနဲ့ ကျောင်းယူနီဖောင်းမတူညီတဲ့ တစ်ချက်ကတော့ အမျိုးသမီးများအတွက် ယူနီဖောင်းမှာ နက်ကတိုင်ပါဝင်ပြီး အမျိုးသားတွေအတွက် ယူနီဖောင်းမှာ မပါဝင်ပါဘူး။

အိန္ဒိယနိုင်ငံ
Wikimedia Commons

အိန္ဒိယနိုင်ငံမှာတော့ ကျောင်းယူနီဖောင်းဟာ စံသတ်မှတ်ချက်အနေနဲ့ မရှိပါဘူး။ ကျောင်းတိုင်းကိုယ်စီ ကိုယ်ပိုင်ယူနီဖောင်းတွေရှိကြပြီး ရာသီဥတုအလိုက် ပြောင်းလဲဝတ်ဆင်တဲ့ ယူနီဖောင်းများ ရှိကြပါတယ်။

မြောက်ကိုရီးယားနိုင်ငံ
Wikimedia Commons

စည်းမျဉ်းစည်းကမ်းတွေနဲ့ တင်းကြပ်ထားတဲ့ မြောက်ကိုရီးယားနိုင်ငံမှာတော့ ကျောင်းယူနီဖောင်းအတွက် ရွေးချယ်စရာ သိပ်မရှိပါဘူး။ မြောက်ကိုရီးယားခေါင်းဆောင်ဖြစ်တဲ့ ကင်ဂျုံအန်က မြောက်ကိုရီးယားနိုင်ငံရဲ့ ပါတီကို ထောက်ခံကြောင်း လူတိုင်းကို ပြဖို့အတွက် သူတို့နိုင်ငံရဲ့ ကျောင်းယူနီဖောင်းမှာ အနီရောင်အဝတ်စတစ်စကို ထည့်သွင်း ပြုလုပ်ထားပါတယ်။

Ye Yint Kyaw

SHARE