အ၀လွန်ကိုယ်အလေးချိန်ကို မသတီစရာ အရည်သောက်ပြီး ထက်ဝက်လျော့ချခဲ့တဲ့ အမျိုးသမီး

ခန္ဓာကိုယ်အလေးချိန် (၁၂၆) ပေါင်ခွဲလောက် လျော့ချနိုင်ခဲ့တဲ့ အမျိုးသမီးက သူမရဲ့ အံ့အားသင့်ဖွယ် ၀ိတ်ကျခြင်း လျှို့ဝှက်ချက်ဟာ ကျင်ငယ်ရည်သောက်သုံးတာပါ လို့ ဆိုလိုက်ပါတယ်။ အသက်(၄၆) နှစ်အရွယ်ရှိပြီဖြစ်တဲ့ လေအာဆမ်ပ်စန်ဆိုသူက သူမဟာ ခန္ဓာကိုယ်ကထွက်တဲ့ ကျင်ငယ်ရည်ကို သောက်သုံးခြင်းအပြင်၊ သွားတိုက်ခြင်း၊ ခေါင်းလျှော်ခြင်းနဲ့ မျက်လုံးဆေးကြောခြင်းတို့ကိုပါ လုပ်ဆောင်ပါတယ်။

Credit: Media Drum World

လေအာဟာ ကနေဒါမှာနေထိုင်တဲ့ ကလေးနှစ်ယောက်မိခင်ဖြစ်ပါတယ်။ အရင်တုန်းက ကိုယ်အလေးချိန်ပေါင် (၂၆၀) နီးနီးရှိခဲ့တာကြောင့် နာတာရှည် ပင်ပန်းနွမ်းလျတဲ့ ဝေဒနာကို ခံစားခဲ့ဖူးသူလည်း ဖြစ်ပါတယ်။ အရမ်းဝပြီး ထုံထိုင်းလေးလံလွန်းလို့ ကိုယ့်လက်နဲ့ ကိုယ့်ဆံပင်တောင် ပြန်လျှော်ဖို့ ခက်ခဲတဲ့ အခြေအနေအထိ ဖြစ်ခဲ့ပါတယ်။ စိတ်ဓာတ်တွေ ကျလွန်းမက ကျနေရာက တစ်နေ့မှာတော့ ကျင်ငယ်ရည်ကုထုံးနဲ့ ၀ိတ်လျှော့ကြည့်ဖို့ စိတ်ကူးပေါက်လာခဲ့ပါတယ်။

READ
ရန်ကုန်မြို့ကြီးမှာနေတဲ့သူတွေ နေ့စဉ်ကြုံတွေ့နေရတဲ့ စိတ်ပျက်စရာအကောင်းဆုံးအရာ(၄)မျိုး
Credit: Media Drum World

အခုတော့ လေအာဟာ ၀ိတ်ကျပြီး ပေါင်(၁၄၀) ကျော်နဲ့ ကြည့်ကောင်းလာတာကြောင့် သူမရဲ့ ဆေးနည်းကို အခြားသူတွေဆီ ဝေမျှပေးခဲ့ပါတယ်။ “အသက်(၄၀) အရွယ်မှာ ကျွန်မ လက်မောင်းတွေ အလုပ်လုပ်လို့ မကောင်းတော့ဘူး။ ခေါင်းတောင် မလျှော်နိုင်ဘူး။ နောက်တော့ သူငယ်ချင်းတစ်ယောက် ပေါင်းခံရည်အကြောင်းနဲ့ ပတ်သက်ပြီး ကျွန်မကို ဗီဒီိယိုအတိုလေး လာပို့တော့ အဲဒီကနေ စိတ်ကူးရသွားတယ်။ ကျင်ငယ်ရည် ကုထုံးကို သုံးကြည့်မယ်ပေါ့။”

Credit: Media Drum World

“ အဲဒါနဲ့ ရေချိုးကန်ထဲမှ မတ်တပ်ရပ်ပြီး ကျင်ငယ်ရည်ကို လက်နဲ့ ခံ၊ ပြီးတော့ သောက်ချလိုက်တယ်။ ခဏလောက်ကြာတော့ ကျွန်မကိုယ် ကျွန်မ တော်တော်လေးနေလို့ ကောင်းသွားမှန်း သတိထားမိလာတယ်။ ဒါကြောင့် ၀ိတ်ကျချင်တဲ့ သူတွေကိုလည်း ကျင်ငယ်ရည် ကုထုံးနဲ့ စမ်းကြည့်ဖို့ တိုက်တွန်းလိုက်ပါရစေ။”

READ
အိမ်ကို ကြောက်ရသူတွေသာ နားလည်နိုင်မယ့် အချက်များ
Credit: Media Drum World

ကျန်းမာရေးအတွက် ကျင်ငယ်ရည်သောက်ခြင်းဟာ ကောင်းမွန်ကြောင်း သိပ္ပံနည်းကျ စမ်းသပ်လေ့လာချက်တွေ မရှိပေမယ့် လေအာကတော့ ညွှန်းမြဲညွှန်းနေတုန်းပါ။ သူမက သူမ၀ိတ်ကျရခြင်းရဲ့ အဓိက လျှို့ဝှက်ချက်ဟာ ကျင်ငယ်ရည်သောက်သုံးခြင်းဖြစ်ကြောင်း ဆိုခဲ့တဲ့အပြင် ဆက်လက်ပြီး မှီဝဲနေမည်ဖြစ်တဲ့အကြောင်းလည်း ပြောပြပါတယ်။ ဒါပေမယ့် လေအာက ဘယ်လိုပဲ ကျင်ငယ်ရည်ဟာ ကျန်းမာရေးအတွက် ကောင်းမွန်ပါတယ်ပြောပြော၊ ဆေးစစ်ချက် တိတိပပလည်း မရှိတဲ့ ခန္ဓာကိုယ်အညစ်အကြေးရည်တွေကို သောက်သုံးတာကတော့ တကယ့်ကို အော်ဂလီဆန်စရာပါပဲ။

လင်းလင်း (ShweMom)

Ref: ladbible

SHARE