ကန်လေတပ်တိုက်ခိုက်မှုကြောင့် အီရန်တပ်မတော်အကြီးအကဲကျဆုံးပြီး အခြေအနေတင်းမာ

Twitter/DonaldTrump

အီရန်နိုင်ငံရဲ့ တပ်မတော်အပေါ်မှာ သြဇာတိက္ကမကြီးမားလွန်တဲ့ ထိပ်သီးတပ်မှူး ဗိုလ်ချုပ်ကြီးကာဆင်ဆိုလေမာနီတစ်ယောက်ကတော့ ဒီကနေ့မနက်ပိုင်း (သောကြာနေ့မနက်ပိုင်း) အမေရိကန်လေတပ်ရဲ့ တိုက်ခိုက်မှုအတွင်းမှာ ဒဏ်ရာပြင်းထန်စွာ ရရှိခဲ့ပြီး၊ အခင်းဖြစ်နေရာမှာပဲ ကျဆုံးသွားခဲ့ပြီလို့ CNN သတင်းဌာနရဲ့ ဖော်ပြချက်အရ သိရပါတယ်။

ဒီတိုက်ခိုက်မှုကို အမေရိကန်သမ္မတ ဒေါ်နယ်ထရမ့်ကိုယ်တိုင် အမိန့်ပေးခိုင်းစေခဲ့တာဖြစ်ပြီး၊ သမ္မတထရမ့်ဟာ ဆိုလေမာနီ ကျဆုံးတယ်ဆိုတာ သိသိချင်းပဲ သူရဲ့တွစ်တာမှာ အမေရိကန်အလံပုံစံတင်ပြီး အောင်ပွဲခံခဲ့ပါတယ်။ တစ်ဖက်မှာတော့ စစ်ဘက်ရေးရာ ကျွမ်းကျင်သူတွေကတော့ နှစ်နိုင်ငံစစ်ဖြစ်မယ့်အရေးဟာ သေချာသလောက်ဖြစ်သွားပြီလို့ ဆိုကြပါတယ်။

 

အီရန်ဟာ ဗိုလ်ချုပ်ကြီးဆိုလေမာနီ ကျဆုံးသွားခြင်းကြောင့် အရေးပေါ်လုံခြုံရေးကောင်စီခေါ်ယူခဲ့ကြောင်း သိရပါတယ်။ ဒါဟာ အလွန်ကြောက်စရာကောင်းတဲ့ တုန့်ပြန်မှုကို အီရန်ဘက်က ပြန်လည်စတင်နိုင်ခြေရှိနေလို့၊ အပြစ်မဲ့ပြည်သူတွေအတွက်တော့ သတင်းဆိုးတစ်ခု ဖြစ်ပါတယ်။

YouTube/France24

အီရတ်နိုင်ငံ ဘဂ္ဂဒက်မြို့က အပြည်ပြည်ဆိုင်ရာလေဆိပ်အနီး ဆိုလေမာနီစီးနင်းလာတဲ့ကားကို အမေရိကန်လေတပ်က ပစ်ခွင်းခဲ့တဲ့ ဒုံးကျည် တိုက်ရိုက်ထိမှန်ခဲ့တာလို့ သတင်းတွေက အတည်ပြုထားပါတယ်။ ဆိုလေမာနီဟာ နိုင်ငံရေးခရီးစဉ်တစ်ခုကြောင့် အီရတ်နိုင်ငံကို ရောက်ရှိနေစဉ်မှာ အခုလို တိုက်ခိုက်ခံခဲ့ရတာပဲ ဖြစ်ပါတယ်။ သူဟာ (၁၉၉၈)ခုနှစ်တည်းကစပြီး Quds Force ရဲ့ အကြီးဆုံးရာထူးကို စတင်တာဝန်ထမ်းဆောင်ခဲ့သူပါ။

သူဟာ အမေရိကန်ဆန့်ကျင်ရေးသမားဖြစ်ပြီး၊ စစ်ရေးအရ ဖြေရှင်းနည်းတွေကို ပိုပြီးအားသာသူဖြစ်ပါတယ်။ ပင်တဂွန်ရဲ့ထုတ်ပြန်ချက်မှာ ဆိုလေမာနီဟာ အမေရိကန်သံအမတ်တွေကို တိုက်ခိုက်မှုတစ်ခုမှာ ဦးဆောင်စေခိုင်းခဲ့သူလို့ ဆိုထားပါတယ်။ အခုလိုတိုက်ခိုက်မှုက အနာဂတ်မှာဖြစ်လာနိုင်ခြေရှိတဲ့ အကြမ်းဖက်မှုတွေကို ကြိုတင်ကာကွယ်ခြင်းလို့လည်း ဆိုထားပါတယ်။

အီရန်နိုင်ငံကာကွယ်ရေးဝန်ကြီး ဗိုလ်ချုပ်အမီယာဟက်တာမီက အမေရိကန်ရဲ့လုပ်ရပ်ကို အမြန်ဆုံးတုန့်ပြန်တိုက်ခိုက်သွားမယ်လို့ ခြိမ်းခြောက်ထားပါတယ်။ သူက “ ဗိုလ်ချုပ်ကြီး ဆိုလေမာနီ လုပ်ကြံသတ်ဖြတ်ခံရခြင်းအတွက် ပြင်းထန်တဲ့ လက်တုန့်ပြန်မှု လာမှာပါ … ဘယ်သူပဲဖြစ်ဖြစ် ဒီဖြစ်စဉ်မှာ ပါဝင်ပတ်သက်သူတွေကို အကုန် လက်စားချေသွားမှာပါ ”လို့ ပြောခဲ့ပါတယ်။

အီရန်ခေါင်းဆောင်ဖြစ်တဲ့ အာယာတိုလာအလီခါမေနီကလည်း အမေရိကန်လုပ်ရပ်ကို အလွန်ဒေါသထွက်နေပြီး၊ သူတို့ရဲ့တုန့်ပြန်မှုကို အမေရိကန်အနေနဲ့ ကြံ့ကြံ့ခံရင်ဆိုင်ဖို့ ပြင်ဆင်ထားပေတော့ဆိုပြီး ရာဇသံပေး စစ်ကြေညာလိုက်ပါတယ်။ ဆိုလေမာနီရဲ့ဈာပနကို (၃)ရက်အကြာမှာ ကျင်းပမှာလို့ အလီခါမေနီက ကြေညာထားပါတယ်။

သူရဲ့ကြေညာချက်ထဲမှာ “ တုန့်ပြန်တိုက်ခိုက်တဲ့ ဂျီဟက်ဟာ အခုထက် နှစ်ဆအထိပိုမိုပြင်းထန်မှာကို ရန်သူတွေအားလုံး သိထားဖို့လိုပါတယ် … သန့်ရှင်းတဲ့လက်တုန့်ပြန်မှုကို အောင်ပွဲခံဖို့ မိမိတို့စစ်သားတွေ အဆင်သင့်ဖြစ်နေပြီ ”လို့ သတိပေးပြောကြားခဲ့ပါတယ်။

လင်းဇော်ကို

SHARE