(၂)နှစ်တာလုပ်ဆောင်ချက်တွေကို (၂)မိနစ်စာ ဗီဒီယိုဖိုင်နဲ့ ရှင်းပြခဲ့တဲ့ နယူးဇီလန်ဝန်ကြီးချုပ်

Twitter/JacindaArdern

နယူးဇီလန်ဝန်ကြီးချုပ်ဖြစ်တဲ့ Jacinda Ardern ဟာ ကမ္ဘာအနှံ့က နာမည်ကြီးတဲ့ ဝန်ကြီးချုပ်တွေထဲက တစ်ယောက်ပါ။ သူ(မ)ရဲ့ လုပ်ဆောင်မှုတွေ၊ တာဝန်ထမ်းဆောင်မှုတွေဟာ နယူးဇီလန်ပြည်သူတွေအတွက် အားရစရာဖြစ်ခဲ့ပြီး တခြားနိုင်ငံကလူတွေကပါ သူ(မ)ကို အားပေးထောက်ခံကြတဲ့ ဝန်ကြီးချုပ်တစ်ယောက်ပါ။

ပြီးခဲ့တဲ့ ရက်ပိုင်းတုန်းက သူ(မ) ဟာ ဝန်ကြီးချုပ်တာဝန် နှစ်နှစ်အတွင်း ဆောင်ရွက်ခဲ့တဲ့ ကိစ္စရပ်တွေ၊ လုပ်ဆောင်ချက်တွေကို နှစ်မိနစ်စာ ဗီဒီယိုဖိုင်လေးအတွက်မှာ အကုန်အပြည့်အစုံ ထည့်သွင်းပြီး သူ(မ)ရဲ့ လူမှုကွန်ရက်စာမျက်နှာပေါ်မှာ တင်ရှိထားခဲ့ပါတယ်။

အဲဒီဗီဒီယိုဖိုင်ဟာ တခဏအတွင်း အင်တာနက်ပေါ်မှာ ပျံ့နှံ့သွားခဲ့ပြီး လူကြိုက်များတဲ့ ဗီဒီယိုဖိုင်တစ်ခုလည်းဖြစ်ခဲ့ပါတယ်။ အလုပ်များနေတဲ့ ဝန်ကြီးချုပ်ဟာ အချိန်မအားလပ်မှုကြောင့် ဗီဒီယိုဖိုင်ထဲမှာ သူ(မ) လုပ်ဆောင်ခဲ့တဲ့ အဓိက လုပ်ငန်းတွေကို အကျဉ်းချုပ်ပြောသွားခဲ့ပါတယ်။

 

ဗီဒီယိုဖိုင်ထဲမှာ သူ(မ) တာဝန်ယူထားတဲ့ ၂ နှစ်တာ ကာလအတွင်း အလုပ်ပေါင်း (၉၂,၀၀၀)ကို ဖန်တီးပေးနိုင်ခဲ့ကြောင်း ၊ သစ်ပင်ပေါင်း သန်း ၁၄၀ ကို စိုက်ပျိုးထားနိုင်ခဲ့ကြောင်း၊ အိမ်ပေါင်း (၂၂,၀၀၀)ကျော်ကို ဆောက်လုပ်ပေးနိုင်ခဲ့ကြောင်း၊ ကင်ဆာရောဂါကုဆေးရုံများအတွက်လည်း လိုအပ်တဲ့ စက်ပေါင်းများစွာကို တပ်ဆင်ထားနိုင်ခဲ့ကြောင်း၊ ဆေးကုသမှုခံယူဖို့ လိုအပ်နေတဲ့ လူပေါင်း (၅) သိန်းကျော်အတွက်လည်း ဆရာဝန်တွေ စေလွှတ်ကုသနိုင်ခဲ့ကြောင်း၊ ကျောင်းသားပေါင်း (၁)သိန်းကျော်အတွက်လည်း ကျောင်းတွေမှာ စာသင်ခန်းတွေ တိုးချဲ့ဆောက်လုပ်နိုင်ခဲ့ကြောင်းကို ပြောကြားခဲ့ပါတယ်။

အဆိုပါ ဗီဒီယိုဖိုင်ဟာ အင်တာနက်တစ်ခွင်မှာ ပျံ့နှံ့ခဲ့ပြီး ကမ္ဘာအနှံ့က လူတွေဟာ  သူ(မ)ကို အားပေးထောက်ခံခဲ့ကြပါတယ်။ သြစတေးလျနိုင်ငံသားတစ်ယောက်ဖြစ်တဲ့ တွစ်တာအသုံးပြုသူတစ်ယောက်ကတော့ အဆိုပါ ဗီဒီယိုဖိုင်အပေါ်မှာ “ငါ နယူးဇီလန်ကို အခုပဲ ပြောင်းတော့မယ်၊ သြစတေးလျနိုင်ငံမှာ နေနေရတာ ရှက်စရာတောင်ကောင်းနေသေးတယ်” လို့ ရေးသားထားပါတယ်။

Twitter/SteveWilliams

အင်္ဂလန်နိုင်ငံသားတစ်ယောက်တဲ့ တွစ်တာအသုံးပြုသူတစ်ယောက်ကတော့ “သူ(မ) ယူကေနိုင်ငံကိုလာပြီး ဝန်ကြီးချုပ်လာလုပ်ပါလား” ဆိုပြီး ပြောဆိုရေးသားထားပါတယ်။   Jacinda Ardern လို ဝန်ကြီးချုပ်တွေ ကမ္ဘာအနှံ့မှာ များများ ရှိဖို့ လိုအပ်တယ်ဆိုတဲ့ ထောက်ခံအားပေးမှုတွေ တွစ်တာတစ်ခွင်မှာ ရေးသားထားကြပါတယ်။

YYK

SHARE