တရုတ်နိုင်ငံတော်အလံကို ကာကွယ်ပါ့မယ်လို့ ကတိသစ္စာပြုလိုက်တဲ့ ဂျက်ကီချန်း

Instagram/jackiechan

မကြာသေးခင်က ဟောင်ကောင်မှာရှိတဲ့ ဆန္ဒပြသူတွေဟာ ပင်လယ်ထဲ တရုတ်နိုင်ငံတော်အလံကို လွှင့်ပစ်ခဲ့ပါတယ်။ ဒါကို တွေ့မြင်ကြတဲ့ သန်းပေါင်းများစွာသော တရုတ်မျိုးချစ်ပုဂ္ဂိုလ်တွေဟာ အလံတော်ရေချတာကို ဆန့်ကျင်တဲ့အနေနဲ့ သူတို့ကိုယ်သူတို့ အလံသယ်ဆောင်သူများဆိုပြီး ကြွေးကြော်ခဲ့ကြကြောင်း shanghaiist မှာ တွေ့ရှိ်ရပါတယ်။

တရုတ်နိုင်ငံတော်အလံကို မလေးမစားပြုလုပ်တဲ့ကိစ္စနဲ့ ပတ်သက်လို့ နိုင်ငံပိုင်မီဒီယာတစ်ခုကတော့ အလံအတွက် ကာကွယ်ပေးကြဖို့ဆိုလိုက်ပါတယ်။ နိုင်ငံတော်အလံအား ခုလို ရေထဲလွှင့်ပစ်ချမှုကို ရှုံ့ချဖို့အတွက် ကျွန်တော်/ကျွန်မဟာ အလံသယ်ဆောင်သူပါလို့ ဆိုတဲ့ ပို့စ်ကို လူမှုကွန်ယက်တွေမှာ ဖြန့်ဝေပေးကြဖို့လည်း ၄င်းမီဒီယာက တိုက်တွန်းခဲ့ပါသေးတယ်။ လက်ရှိအချိန်ထိ တရုတ်နိုင်ငံတော်အလံကို သယ်ဆောင်ထိန်းသ်ိမ်းမယ်လို့ ဆိုသူပေါင်း (၁.၄) သန်း ရှိနေပြီ ဖြစ်ပြီး (၁၀) သန်းနီးနီးက ၄င်းပို့စ်ကို လူမှုကွန်ယက်တွေပေါ်မှာ ဖြန့်ဝေခဲ့ကြပါတယ်။

weibo

ဒီထဲမှာတော့ တရုတ်အစိုးရကို လိုလားသူ ဟောင်ကောင်ဖွား စူပါစတားတစ်ယောက်ဖြစ်သူ ဂျက်ကီချန်းလည်း ပါဝင်ပါတယ်။ သူကတော့ အင်္ဂါနေ့(၆.၈.၂၀၁၉)တုန်းက သူဟာ တရုတ်နိုင်ငံတော်အလံသယ်ဆောင်သူတစ်ယောက်ပါလို့ သူ့ကိုယ်သူ ကြေညာခဲ့တာပါ။ တရုတ်အစိုးရကို လိုလားသူတွေထဲမှာ ဂျက်ကီချန်းအပြင်  ဟောင်ကောင်အနုပညာရှင်တွေဖြစ်တဲ့ ဂျော်ဒန်ချန်း၊ ဂျက်ဆန်ဝမ်း၊ ဟာဝစ်လျူနဲ့ တရုတ်ပြည်မကြီးဖွား လူဟန်၊ ခရစ္စ၀ူ၊ ဂျိမ်းကျန်းနဲ့ အိန်ဂျလာဘေဘီစတဲ့ ထင်ရှားကျော်ကြားသူတွေလည်း ပါဝင်ပါတယ်။

READ
သစ္စာဖောက်တဲ့ချစ်သူကို သတ်ပစ်ပြီး ဒံပေါက်ထဲ ထည့်ချက်ပစ်ခဲ့တဲ့ အမျိုးသမီး

 

တွစ်တာပေါ်မှာလည်း ကာတွန်းပညာရှင်တစ်ဦးဖြစ်တဲ့ ဘာဒီကောင်းက အလံသယ်ဆောင်မယ်ဆိုတဲ့ သူတွေကို သရော်စာရေးသားခဲ့ပါသေးတယ်။ ဘာဒီကောင်းက ပင်လယ်ထဲကို အလံနဲ့ ရည်းစား ပြိုင်တူကျသွားရင် ဘယ်သူ့ကို အရင်ဆုံးကယ်မလဲဆိုပြီး ရေးသားတင်ခဲ့တာပါ။ ဂျက်ကီချန်းဟာ အရင်တုန်းကတည်းက ပေကျင်းလိုလားသူဆိုပြီး ဟောင်ကောင်မှာ အဝေဖန်ခံနေရသူ တစ်ဦးလည်း ဖြစ်ပါတယ်။

READ
မျက်နှာကနေ ဆင်နှာမောင်းသဏ္ဍာန် အကြိတ်ကြီးကျနေလို့ ဆင်လူသားလို့ နာမည်တွင်ခဲ့သူ

သူဟာ တရုတ်နိုင်ငံတော်ရဲ့ ဂုဏ်အသရေကို ချီးမွမ်းဖွဲ့ဆိုထားတဲ့ တေးသီချင်းတွေကို သီဆိုလေ့ရှိတဲ့အပြင် အထူးလက်ရွေးစင်ပုဂ္ဂိုလ်တွေကိုပဲ ရွေးချယ်ဆိုခွင့်ရတဲ့ တရုတ်အမျိုးသားသီချင်းကိုလည်း ပါဝင်သီဆိုခဲ့သူတစ်ယောက် ဖြစ်ပါတယ်။ ပြီးခဲ့တဲ့ တစ်လကျော်တုန်းကလည်း ဂျက်ကီချန်းဟာ ထိုင်ဝမ်ကို သူ့ရဲ့ အယ်လ်ဘမ်အသစ်နဲ့ ပတ်သက်ပြီး မိတ်ဆက်ပွဲပြုလုပ်ဖို့ သွားခဲ့ပါသေးတယ်။ အဲဒီတုန်းကတော့ ဂျက်ကီချန်းက သူဟာ ဆန္ဒပြပွဲနဲ့ ပတ်သက်ပြီး ဘာမှမသိကြောင်း တုံ့ပြန်ခဲ့သလို တစ်စုံတစ်ရာ ဝေဖန်ဆွေးနွေးတာမျိုးလည်း မရှိခဲ့ဘူးလို့ သိရပါတယ်။

လင်းလင်း (ShweMom)

SHARE