တစ်ကိုယ်ရေအတွေးသမားတွေအတွက် သီးခြားအခန်းတွေဖန်တီးထားတဲ့ စားသောက်ဆိုင်

ကမ္ဘာ့နေရာအနှံ့မှာ စားသောက်ကုန်လုပ်ငန်းတွေနဲ့ စားသောက်ဆိုင်တွေ ဖွင့်လှစ်အောင်မြင်နေတဲ့ Gusto က ဂျပန်နိုင်ငံမှာတော့ ဝန်ဆောင်မှုအသစ်တစ်မျိုးနဲ့ ပရိသတ်ကို မိတ်ဆက်လိုက်ပါတယ်။ ဒါကတော့ ဆိုင်ကိုရောက်လာတဲ့ တစ်ကိုယ်တည်း အေးအေးဆေးဆေး နေချင်သူတွေအတွက်ပါ။

ဆိုင်ကို လူငယ်အများစုက လာရောက်ကြတာဖြစ်ပြီး၊ တစ်ချို့ကလည်း ပြင်ပက အလုပ်တွေကို ဒါမှမဟုတ် အွန်လိုင်းသင်ခန်းစာတွေကို သက်တောင့်သက်သာ လုပ်ချင်ကြပါတယ်။ ဒါကို Gusto က ထောက်ထားပြီး ဆိုင်ထဲမှာ သီးခြား အခန်းငယ်လေးတွေ ထည့်သွင်းလိုက်တာပါ။

Twitter
Twitter
Twitter

တစ်ချို့သော ကာစတမ်မာတွေက တစ်ယောက်နဲ့မှ စကားပြောလိုခြင်းမရှိဘဲ အေးအေးဆေးဆေး အတွေးလေးနဲ့ နှပ်နေချင်တာ၊ လူအချင်းချင်း မျက်လုံးချင်းတောင် မဆုံချင်ဘဲ အနားယူချိန်မှာ သက်တောင့်သက်သာ နားနေချင်တာမျိုးတွေ ရှိပါတယ်။

ဆိုင်မှာ WiFi လည်း လွှတ်ပေးထားလို့ အွန်လိုင်းက အလုပ်တွေ၊ ကျောင်းသင်ခန်းစာတွေကိုလည်း နားအေးပါးအေး လုပ်နိုင်မှာဖြစ်ပါတယ်။ ဒါဟာ သမာရိုးကျစားသောက်ဆိုင်တစ်ခုထက်၊ ကာစတမ်မာတွေအတွက် ကိုယ်ပိုင် အသေးစားရုံးခန်းငယ်လေးတွေ ထည့်သွင်းပေးထားတာလို့တောင် ပြောလို့ရပါတယ်။

 

အစားအစာတွေ မှာယူတဲ့အခါမှာလည်း လေကုန်ခံပြီး မှာနေဖို့မလိုပါဘူး။ ဆိုင်ဝန်ထမ်းရောက်လာတာနဲ့ ကိုယ်စားချင်တာ သောက်ချင်တာကို လက်ညှိုးနဲ့ထိုးပြလိုက်ရုံပဲလို့ ဆိုပါတယ်။ လူငယ်အများစုကတော့ ဒီဆိုင်လေးရဲ့ အခင်းအကျဉ်းကို အတော်လေး သဘောကျနေပြီး၊ တစ်ခြားနေရာတွေမှာလည်း ရှိလာနိုင်ပါတယ်။

လင်းသူရိန် (Shwemom)

READ
ကမ္ဘာ့သက်တမ်းအတိုဆုံး တိရစ္ဆာန်(၇)မျိုး

Source : nextshark.com

SHARE