အရုပ်ကလေးတွေနဲ့ ကာတွန်းတိုလေးတွကိုဖန်တီးနေခဲ့တဲ့ ၁၂ နှစ်အရွယ်ဂျပန်မလေး

[email protected]

ကျွန်တော်များ ၁၂ နှစ်အရွယ်တုန်းက ဆော့ဖို့ပဲသိတယ်။ အခု ၁၂ နှစ်သားလေးများ ကာတွန်းတောင်ဖန်တီးနေပါပျြီတဲ့ဗျာ။ Sora News 24 မှ ကိုးကားဖော်ပြပေးလိုက်ပါတယ်။

ဂျပန်နဲ့ animation ဆိုတာ ခွဲခြားလို့ရတဲ့အရာတစ်ခုမဟုတ်ပါဘူး။ အခုကောင်လေးကတော့ သာမန် ၁၂ သားလေးလိုမဟုတ်ပါဘူး။ ဒီလို animation ဖန်တီးတယ်ဆိုတာ အရွယ်ရောက်ပြီးသားလူတွေအတွက်တောင်မှပဲ တော်တော်လေးကို ခက်ခဲတဲ့အရာတစ်ခုပါ။

Stop-motion animation အကြောင်းအရင်ဆုံး ဝေမျှပေးချင်ပါတယ်။ Stop-motion ဆိုတာ ကျွန်တော်တို့ကြည့်နေကျ ကာတွန်းကားတွေလိုမဟုတ်ပါဘူး။ သူက တကယ့်အပြင်မှာ ပစ္စည်းလေးတွေနဲ့ စင်၊ လှုပ်ရှားမှုတစ်ခုချင်းဆီကိုကိုယ်တိုင်လုပ်၊ အဲဒါတွေကို ဗီဒီယိုရိုက်၊ ရလာတဲ့ Clip တွေကို ပြန်ဆက်နဲ့ တော်တော်လေး လက်ဝင်တဲ့ animation အမျိုးအစားတစ်မျိုးဖြစ်ပါတယ်။

ကမ္ဘာကျော် stop-motion animation ရုပ်ရှင်တွေလည်း ရှိနေပါတယ်။ ဥပမာ Boxtrolls တို့၊ Coraline တို့၊ Tim Burton ရဲ့ ဂန္တဝင်မြောက်လက်ရာတွေဖြစ်တဲ့ Frankenweenie, The Nightmare Before Christmas, Corpse Bride တို့လိုမျိုးတွေပါ။ Stop-motion animation ဇာတ်ကားတွေကို ကြည့်မယ်ဆိုရင်တော့ နည်းနည်းတော့ တစ်မျိုးတစ်မည်ဖြစ်နေစေမှာပါ။ ဘာကြောင့်ဆို ကျွန်တော်တို့က နည်းပညာနဲ့ဖန်တီးထားတဲ့ animation တွေကိုပဲ ကြည့်နေကျဆိုတော့လေ။ ကဲကောင်လေးအကြောင်းပြန်ဆက်ရအောင်ဗျာ။

READ
3D မိတ်ကပ်ပညာနဲ့ အမိုက်စားဖန်တီးမှုတွေ လုပ်ပြနေတဲ့ အမျိုးသား မိတ်ကပ်ပညာရှင်

အခု ဂျပန်ကကောင်လေးကတော့ သူဘယ်သူသယ်ဝါဆိုတာ မသိရသေးပါဘူး။ ဗီဒီယိုတွေကိုတော့ Twitter account @gusokudaiou0555 မှာ တင်တင်နေခဲ့တာပါ။ သူ့ရဲ့ animation လေးတွေဟာ ကျွန်တော်တို့ရဲ့လူ့အသိုင်းအဝိုင်းလိုပဲ ဖွဲ့စည်းထားတဲ့ တိရိစ္ဆာန်အသိုင်းအဝိုင်းလေးကို ပုံဖော်ထားတာပဲဖြစ်ပါတယ်။

ဥပမာ ဒီဗီဒီယိုကိုကြည့်မယ်ဆိုရင် ကြောင်အိမ်ရှင်မလေး ဟင်းချက်နေတာကိုတွေ့ရမှာပါ။ ဟင်းအိုးထဲ အသီးအရွက်တွေထည့်လိုက်၊ ရေခဲသေတ္တာထဲက ခရမ်းချဉ်သီးလေးကိုထုတ်ထည့်လိုက်နဲ့ တောက်တဲ့တောက်တဲ့သွားပြီး ဖန်တီးထားတဲ့ဗီဒီယိုလေးက တော်တော်လေးကို ချစ်ဖို့ကောင်းနေပါတော့တယ်။

 

နောက်ထပ် ဗီဒီယိုတစ်ခုကတော့ ကြွက်ကလေးတွေရဲ့ ကော်ဖီဆိုင်လေးပါ။ တုတ်တုတ်တုတ်တုတ်နဲ့ ချစ်ဖို့ကောင်းလွန်းလို့ ကြည့်မဝတွေဖြစ်နေပါပြီနော်။

 

တကယ်တော့ ဗီဒီယိုတွေကို တင်နေတဲ့ account ပိုင်ရှင်ဟာ ဗီဒီယိုဖန်တီးတဲ့သူမဟုတ်ပါဘူး။ သူ့ရဲ့ ၁၂ နှစ်အရွယ်သမီးလေးမှ တကယ့်ဗီဒီယိုဖန်တီးသူလေးပါတဲ့။ မိဘရဲ့ပံ့ပိုးမှုကြောင့် အထက်တန်းကျောင်းတက်တာနဲ့တစ်ပြိုင်နက် stop-motion animation တွေနဲ့ ပတ်သက်တဲ့သင်တန်းတွေကို ထားပေးတော့မှာပါတဲ့။ အနာဂတ်မှာ အောင်မြင်တဲ့ ဖန်တီးသူဖြစ်လာပါစေ။

READ
အဆုံးစီရင်ဖို့ ကြိုးပမ်းခဲ့တဲ့ လူပေါင်း(၂၀၀)ကျော်ရဲ့ အသက်ကို ကယ်တင်နိုင်ခဲ့သူ

Penny

SHARE