ရုပ်ရည်ချို့တဲ့မှုကို လျစ်လျူရှုကာ အချစ်စစ်နဲ့ လက်တွဲတွေမြဲနေတဲ့ စုံတွဲ

Facebook

ခေတ်တွေတစ်ခေတ်ပြီး တစ်ခေတ်ပြောင်းလဲလာတာနဲ့အညီ လူတစ်ယောက်ရဲ့ ရည်ဆင်းအင်္ဂါအသွင်အပြင်ဟာလည်း လူတစ်ဦးနဲ့တစ်ဦး အဆက်အဆံလုပ်ရာမှာ သိပ်ကိုအရေးပါအရာရောက်တဲ့ ကဏ္ဍအဖြစ်သတ်မှတ်ခဲ့ကြပါတယ်။ အပေါင်းအသင်း၊ မိတ်ဆွေ၊ အဓိကအနေနဲ့ ချစ်ရေးချစ်ရာနှလုံးသားရေးမှာ အခြားအရာတွေထက် ရုပ်ရည်ကိုကြည့်ပြီး ဦးစွာဆုံးဖြတ်တတ်ကြပါတယ်။

တစ်ဖက်လူရဲ့အမြင်တင်မဟုတ်ဘဲ မိမိကိုယ်တိုင်ကကို ကိုယ့်ရုပ်ရည်ဟာ ယနေ့ခေတ်စံနှုန်းအတိုင်းမမီပါက သိမ်ငယ်တတ်ကြပြီး အရာရာမှာ မဝံ့မရဲဖြစ်တတ်ကြပါတယ်။ ရုပ်ရည်ဟာသိပ်ကိုအရေးပါတယ်လို့ မည်သို့ပင်ဆိုစေကာမူ ယနေ့ခေတ်ကြီးထဲ ကောင်းမွန်တဲ့စိတ်ဝိဥာဉ်ကိုသာ ထွင်းဖောက်ကြည့်တတ်ပြီး ရုပ်ရည်သွင်ပြင်ကို စိတ်ကူးထဲတောင်မထည့်တတ်တဲ့ ရှားပါးလူစားမျိုးတွေလည်း ရှိနေဆဲပါပဲ။

ရုပ်ရည်သွင်ပြင်ကိုမကြည့်ဘဲ နှစ်နှစ်ကာကာချစ်မိသွားတယ်ဆိုတာကို သက်သေပြခဲ့တဲ့ အမျိုးသားတစ်ဦးရှိပါတယ်။ သူကတော့ Jayaprakash လို့ခေါ်တဲ့ အိန္ဒယနိုင်ငံသားတစ်ဦးပါ။ Jayaprakash ဟာ သူ့ရဲ့ဖူးစာရှင် Sunitha ကို ငယ်စဉ်ကတည်းက တစ်ဖက်သတ်ချစ်ကျွမ်းဝင်ခဲ့သူတစ်ဦးပါ။ ၂၀၀၄ ခုနှစ် အသက် (၁၇) နှစ်အရွယ်မှာ အချစ်စစ်ကို စတွေ့ခဲ့တယ်လို့ Jayaprakash ကဆိုပါတယ်။

Facebook

သူထိုင်နေတဲ့ စာသင်ခန်းထဲ Sunitha ဝင်လာတာကို တွေ့ပြီးမှာပဲ မြင်မြင်ချင်း နှစ်သက်ခဲ့မိပါတယ်။အဲဒီအချိန်ကတည်းက Sunitha ရဲ့အကြောင်းကို Jayaprakash တစ်ယောက် ခေါင်းထဲကနေ ထုတ်လို့ကိုမရတော့ပါဘူး။

READ
ကံအကောင်းဆုံးယောက်ျားတွေဆိုတာ ဒီလိုမိန်းကလေးမျိုးကို ပိုင်ဆိုင်ထားသူပါ…

အချိန်ခဏအကြာမှာတော့ သူတို့နှစ်ဦးဟာ သူငယ်ချင်းအဆင့်သို့ရောက်ရှိကာ ခင်မင်ရင်းနှီးခဲ့ကြပါတယ်။ အခြားကောင်လေးတွေ Sunitha နားမှာမြင်တိုင်း Jayaprakash ဟာ Sunitha နဲ့ အခေါ်အပြောမလုပ်တော့တဲ့အထိကို ချစ်စိတ်တွေပိုပြီး သဝန်တိုခဲ့တာပါ။

ခင်မင်ရင်းနှီးခဲ့တဲ့ သူငယ်ချင်းသံယောဇာဉ်ကြောင့် Jayaprakash ဟာ Sunitha ဘယ်လောက် စိတ်ထားကောင်းကြောင်း စိတ်နှလုံးဘယ်လောက်လှကြောင်း သိနေခဲ့ပါတယ်။ ကျောင်းပြီးတော့ လျှောက်လှမ်းကြတဲ့ ဘဝလမ်းကြောင်းတွေကလည်း မတူညီတော့တဲ့အတွက်ကြောင့် ခေတ္တကွဲကွာခဲ့ရပါတယ်။

တစ်ရက်မှာတော့ Jayaprakash ရဲ့ ဘဝကြီးကို ဇောက်ထိုးမိုးမျှော်ဖြစ်သွားစေခဲ့တဲ့ ဖုန်းတစ်ခုဝင်လာခဲ့ပါတယ်။ Sunitha ယာဉ်မတော်တဆမှု ဖြစ်တယ်ဆိုတဲ့ သတင်းပါ။ ကိုယ်ချစ်နေရသူမို့ ပူပန်တဲ့စိတ်နဲ့ ဆေးရုံကိုသွားကြည့်ခဲ့တဲ့အခါမှာတော့ ဆံပင်တွေမရှိ၊ သွားတွေမရှိ၊ အရေပြားတွေတွန့်ကြေနေလို့ အသက် (၉၀) အရွယ်အဖွားကြီးတစ်ဦးအလား Sunitha ဟာ ထင်မှတ်ရပါတယ်။

Facebook

မိန်းကလေးလည်းဖြစ်ပြီး အခုလိုမျိုးရုပ်ပျက်ဆင်းပျက်ဖြစ်သွားရတဲ့အပေါ် Jayaprakash တစ်ယောက် စိတ်မကောင်းဖြစ်ခဲ့ရပါတယ်။ ဆေးရုံမှအိမ်ပြန်သွားပြီးတဲ့အချိန်မှာတော့ Sunitha နဲ့ပတ်သက်ပြီး Jayaprakash အကြီးအကျယ်စဉ်းစားပါတော့တယ်။ သူတကယ် Sunitha ကို ချစ်တာသေချာနေတဲ့အတွက် ဆုံးဖြတ်ချက်တစ်ခုကို ခိုင်ခိုင်မာမာချမှတ်ခဲ့ပါတယ်။

ဒါနဲ့ Sunitha ကိုချက်ချင်း message ပို့ပြီး ချစ်ခွင့်ပန်ဖွင့်ပြောခဲ့ပါတော့တယ်။ ဒီတင်မကသေးဘဲ message ထဲ လက်ထပ်ခွင့်ပါ တစ်ခါတည်းတောင်းခဲ့တာပါ။

READ
သင့်ချစ်သူ သင့်ကို စိတ်မ၀င်စားတော့ဘူးဆိုတာ သိနိုင်မယ့် အချက်(၅)ချက်

Sunitha ရဲ့ မျက်နှာကိုခွဲစိတ်မှုအကြိမ်ကြိမ်လုပ်ပြီးမှာတော့ Jayaprakash နဲ့ လက်ထပ်မင်္ဂလာပွဲကို လူအများကြား တင့်တင့်တယ်တယ်ကျင်းပကာ ရွှေလက်တွဲခဲ့ကြပါတယ်။ လူတွေကတော့ Jayaprakash ဟာ Sunitha ကို လက်ထပ်ယူတယ်ဆိုတာ သနားစိတ်ကြောင့်လို့ဆိုပေမယ့် Jayaprakash ကတော့ သူ့ရဲ့ Sunitha အပေါ်ထားရှိတဲ့ ကြီးမားတဲ့ချစ်ခြင်းတရားကြောင့်လို့ဆိုပါတယ်။

Jayaprakash နဲ့ Sunitha တို့ဟာ အခုအခါမှာတော့ ကလေးလေးနှစ်ယောက်နဲ့အတူတူ သာယာပျော်ရွှင်တဲ့အိမ်ထောင်ရေးကို ပိုင်ဆိုင်ထားကြပါတယ်။

2004. I was 17 when I saw a new girl walk past my classroom. I couldn’t stop staring. I had never seen anyone like her….

Posted by BeingYou on Friday, September 22, 2017

Source: Fabiosa

Penny

 

SHARE