လူရှင်းလွန်းလို့ ဂျယ်လီငါးတွေတောင် တွေ့နေရပြီဖြစ်တဲ့ ဗင်းနစ်မြို့ရဲ့ အခြေအနေ

Marco Capovilla, Pixabay-zizome

အီတလီရဲ့ Venice (ဗင်းနစ်) မြို့ဟာ ကမ္ဘာလှည့်ခရီးသွားတွေအတွက် အိပ်မက်မြို့တော်လို့တောင် တင်စားလို့ရပါတယ်။ အနုပညာပေါကြွယ်ဝပြီး ရိုမန့်တစ်အဆန်ဆုံး မြို့တွေထဲက တစ်မြို့လို့လည်း ဆိုရမှာပါပဲ။

အမြဲတမ်း မျက်စိတစ်ဆုံး ခရီးသွားတွေနဲ့ ပြည့်နှက်နေတဲ့ Venice မြို့လေးဟာ ကူးစက်ရောဂါကြောင့် လုံးဝခြောက်သွေ့သွားခဲ့တာ တစ်လကျော် နှစ်လနီးပါးလောက်ရှိနေခဲ့ပါပြီ။

Marco Capovilla

လမ်းမပေါ်မှာ လူသွားလူလာတွေ ရှင်းသွားတဲ့အတွက် မြို့လေးဟာ တိတ်ဆိတ်ငြိမ်သက်နေပါတယ်။ Venice ရဲ့ တူးမြောင်းတွေဆိုတာလည်း အရင်တုန်းက ခရီးသွားတွေကြောင့် လှေလေးတွေနဲ့ အမြဲရှုပ်ယှက်ခတ်နေရာမှ အခုဆိုရင် ရှင်းလင်းသွားခဲ့ပါပြီ။ အမှိုက်သရိုက်တွေလည်းမရှိ၊ လှေသွားလှေလာတွေလည်း မရှိတော့တဲ့အတွက် တူးမြောင်းထဲက ရေတွေဟာ ငြိမ်သက်လို့နေပြီး တစ်နေ့တစ်ခြား ကြည်လင်လာနေတယ်ဆိုတဲ့အကြောင်းတွေလည်း လူမှုကွန်ယက်မှာ ဓာတ်ပုံတွေနဲ့တကွ တွေ့ဖူးကြမှာပါနော်။

Marco Capovilla
Marco Capovilla

နောက်ထပ်ထူးခြားချက်ကတော့ တလောကမှ ဇီဝဗေဒပညာရှင် Andrea Mangoni တွေ့ခဲ့တဲ့မြင်ကွင်းလေးတစ်ခုပါ။ အဲဒါကတော့ ဂျယ်လီငါးလေးတစ်ကောင် တူးမြောင်းထဲ လွတ်လွတ်လပ်လပ် ကူးလူနေတာပါတဲ့လေ။ ဂျယ်လီငါးလေးတွေဆိုတာ ရေမသန့်ရင်တို့၊ အထူးသဖြင့် လူတွေရှိတဲ့နေရာတွေဆိုရင် မလာကြတာများပါတယ်။

 

တွေ့ခဲ့တဲ့နေရာကတော့ Venice ရဲ့ Baretteri တံတားနားမှာပါတဲ့။ ရေမျက်နှာပြင်နဲ့ ကပ်ကပ်လေးကို ကူးနေတာကို ကြည့်ခြင်းအားဖြင့် ဂျယ်လီငါးလေးအနေနဲ့ စိတ်ချလက်ချလွတ်လွတ်လပ်လပ်ရှိနေတာ သေချာကြောင်း Andrea Mangoni က Boredpanda ကကို ပြောထားပါတယ်။

READ
မြို့လယ်ခေါင်က အမှိုက်ပုံးထဲမှာ ခေါင်းညှပ်နေခဲ့တဲ့ အမျိုးသား

လူတွေအနေနဲ့ အကြောင်းရှိမှ အပြင်ထွက်၊ အိမ်ထဲမှာပဲနေနေကြတာဟာ သဘာဝတရားကြီးအတွက်တော့ အသက်ရှူချောင်စေတဲ့ ကာလလို့တောင် ပြောရမလိုပါပဲ။

 

Penny

SHARE