ပိုက်ဆံမရှိခြင်းရဲ့ကောင်းကွက် (၅)ခု

ပိုက်ဆံမရှိပါဘူးဆိုမှ ကောင်းကွက်ရှိသေးလားလို့ မေးချင်ကြမှာပါ။ ပိုက်ဆံမရှိတဲ့ဘ၀ကြီးဆိုတာ ဘယ်လိုကောင်းကွက်မှ မရှိဘူးလို့ တချို့က ထင်ကောင်းထင်နေကြပါလိမ့်မယ်။ တကယ်တော့ ပိုက်ဆံမရှိခြင်းမှာလည်း ကောင်းကွက်လေးတွေရှိပါတယ်နော်။

ဘာတွေလဲလို့ သိချင်ရင်တော့ ဆက်ပြီးဖတ်ကြည့်လိုက်ပေါ့။

(၁)။ ပိုက်ဆံတန်ဖိုးကိုနားလည်လာတယ်

ကိုယ့်လက်ထဲမှာ ပိုက်ဆံအများကြီးရှိကြည့်ပါလား။ ပိုက်ဆံတွေ စုရကောင်းမှန်းမသိ၊ အကျိုးရှိရှိသုံးရမှန်းမသိပဲ ငွေကိုရေလိုသုံးမိနေမှာ။ ဒါပေမယ့် ပိုက်ဆံမရှိတဲ့အချိန်တွေမှာတော့ ပိုက်ဆံရဲ့တန်ဖိုးကို သူများတွေထက်ပိုပြီး နားလည်တတ်လာတာ အမှန်ပါပဲ။ ဒီပိုက်ဆံလေးနဲ့ ဘယ်လိုစားရမလဲ၊ တစ်လလုံးဘယ်လိုနေရမလဲ၊ ဘာတွေဝယ်သင့်လဲ..စသဖြင့် အချိန်ပြည့်စဉ်းစားနေရတော့ ပိုက်ဆံရဲ့တန်ဖိုးကို နားလည်လာတော့တာပေါ့။

Africa Studio/Shutterstock

(၂)။ လူတွေအကြောင်းပိုသိလာတယ်

ကိုယ်ပိုက်ဆံမရှိတဲ့အချိန်မှာ ကိုယ့်ပတ်ဝန်းကျင်က လူတွေ ကိုယ့်အပေါ် ဘယ်လိုဆက်ဆံကြသလဲဆိုတာ ကောင်းကောင်းသိလာပါလိမ့်မယ်။ ပိုက်ဆံရှိတဲ့အချိန်ဆို ကိုယ့်ဘေးမှာအပေါင်းအသင်းတွေ၊ ဆွေမျိုးတွေ ရှိကောင်းရှိနေမှာဖြစ်ပေမယ့် ပိုက်ဆံမရှိတဲ့အချိန်တွေမှာတော့ တချို့တွေက အလိုလို နောက်ဆုတ်သွားကြပါတယ်။ အဲဒီတော့ သင်ပိုက်ဆံမရှိတဲ့အချိန်တွေမှာ မိတ်ဆွေစစ်နဲ့မိတ်ဆွေတုကို အလိုလို ခွဲခြားပြီးသားဖြစ်သွားမယ်။

READ
ဖခင်တွေရဲ့ ရင်တွင်းခံစားချက်ကို လှမ်းမြင်ရမယ့် တဒင်္ဂ အခိုက်အတန့်လေးများ
Africa Studio/Shutterstock

(၃)။ အချစ်စစ်ကိုရှာနိုင်လာမယ်

သင်ပိုက်ဆံမရှိပဲ မွဲတေနေတဲ့အချိန်မှာတောင် သင့်ကိုပြန်ချစ်မယ့်၊ ဒါမှမဟုတ် သင့်ကို ထားမသွားတဲ့ချစ်သူမျိုးကို ရှာတွေ့တယ်ဆိုရင် သင် ကံကောင်းတာပဲပေါ့။ သင် ပိုက်ဆံရှိတဲ့အချိန်တုန်းက ပျော်စရာကောင်းတဲ့ချစ်သူဘ၀ကို ပိုင်ဆိုင်ခဲ့ရပေမယ့် ပိုက်ဆံအဆင်မပြေဖြစ်လာချိန်မှာတော့ သင့်ချစ်သူက စိတ်ပျက်ပြီးထားခဲ့တာမျိုးတွေလည်း ဖြစ်လာနိုင်တာပဲလေ။ ဒီတော့ သင်ပိုက်ဆံမရှိတဲ့အချိန်တွေမှာ အချစ်စစ်ကို ရှာဖို့ ပိုပြီး သင့်တော်တယ်လို့တောင် ပြောနိုင်ပါတယ်။

(၄)။ အလုပ်ကိုတန်ဖိုးထားတတ်လာတယ်

အရင်တုန်းကဆို နည်းနည်းလေး ပျင်းနေရင်တောင် ပိုက်ဆံဖြတ်ချင်ဖြတ်ပါစေ၊ ရုံးမတက်ပဲ အိမ်မှာအိပ်နေမယ်ဆိုတဲ့ သင်က ပိုက်ဆံမရှိတဲ့အချိန်မှာတော့ ဘာအကြောင်းနဲ့မှ အလုပ်ကို ပျက်တော့မှာ မဟုတ်ပါဘူး။ ပိုက်ဆံမရှိတဲ့သူအများစုက အလုပ်ကို သူများတွေထက် ပိုကြိုးစားတတ်ကြပြီး ပိုက်ဆံများများရှာမယ်ဆိုတဲ့စိတ်မျိုးရှိကြတာပါ။ ဒီတော့ သင်လည်းအလုပ်ကို ပိုပြီး တန်ဖိုးထားတတ်လာမှာ အသေအချာပေါ့။

READ
သင်ဟာ သူတစ်ပါးကို အသုံးချတတ်တဲ့ လူစားမျိုး ဖြစ်နေပြီလား
max-off/Shutterstock

(၅)။ မကောင်းတာတွေ သိပ်မလုပ်ဖြစ်တော့ဘူး

အရင်လို ပိုက်ဆံတွေ ပေါပေါသီသီသုံးပြီး သူငယ်ချင်းတွေနဲ့ ထွက်သောက်တာမျိုး၊ လောင်းကစားလုပ်တာမျိုး၊ စတဲ့ ပိုက်ဆံရှိရင် လုပ်လို့ရတဲ့မကောင်းမှုတွေကို သင် လုပ်ဖြစ်မှာမဟုတ်တော့ပါဘူး။ ဘာလို့လဲဆိုိတော့ သင့်မှာ ပိုက်ဆံမရှိတော့ဘူးလေ။ အရင်တုန်းက လုပ်ခဲ့တာတွေကိုတောင် သင် ပြန်တွေးပြီးနောင်တ ရချင် ရနေဦးမှာ။ ဒီတော့ သင် ပိုက်ဆံမရှိတဲ့အချိန်တွေအတွက် ကြေကွဲမနေပါနဲ့..။ သင့်အနေနဲ့ မကောင်းတာတွေကနေ ဝေးသွားပြီလို့ သဘောထားပြီး လောကကြီးကို ရင်ဆိုင်လိုက်ပါ…။

Linn

SHARE