အလုပ်မှာ ပင်ပန်းတယ်လို့ မခံစားချင်ရင် ဒီနည်းလမ်းလေးတွေကိုသုံးကြည့်

G-Stock Studio/Shutterstock

ခုတလော အလုပ်လုပ်ရတာ ပင်ပန်းတယ်လို့ တွေးမိနေတတ်လား။ အလုပ်လုပ်နေရင်းနဲ့ ကိုယ့်ကိုယ်ကိုယ် ပင်ပန်းလိုက်တာလို့ တွေးမိနေရင်ပဲဖြစ်ဖြစ်၊ အလုပ်ကနေ အိမ်ပြန်ရောက်တဲ့အခါ ပင်ပန်းလိုက်တာလို့ တွေးမိနေရင်ပဲဖြစ်ဖြစ် အဲဒီလိုတွေးမိလိုက်တာနဲ့ သင့်မှာ အလုပ်လုပ်နိုင်စွမ်းတွေ လျော့နည်းလာတော့မှာပါ။

တစ်ခါတလေကျရင် ကိုယ်လုပ်ရတဲ့အလုပ်က ထင်သလောက်ကြီး မပင်ပန်းပေမယ့် အလုပ်မှာ ပင်ပန်းတယ်လို့ ကိုယ့်ဘာကိုယ် ထင်နေမိတတ်တယ်။ အဲဒါက ဒီလိုအကြောင်းရင်းတွေကြောင့်ပါ။

(၁)။ အလုပ်သွားတဲ့လမ်းမှာ ကားပိတ်တာ

အိမ်ကနေ အလုပ်ကို လာတဲ့လမ်းမှာ ကားပိတ်ပြီး တမေ့တမောကြီး စီးနေရတာက လူကို ပိုပြီး ပင်ပန်းစေပါတယ်။ မနက်စောစောကတည်းက ကားပိတ်တာကြောင့် စိတ်ပင်ပန်းမှုက စတင်နေပြီး ရုံးကိုရောက်လာတဲ့အခါ ကိုယ့်ရဲ့လုပ်နိုင်စွမ်းတွေက တော်တော်လျော့ကျလို့နေပါပြီ။ အကောင်းဆုံးကတော့ အလုပ်ကို စောစောရောက်အောင်သွားဖို့ ကြိုးစားတာပဲဖြစ်ပြီး ကားမပိတ်တဲ့အချိန်မျိုးတွေ အိမ်ကနေ ထွက်နိုင်ဖို့ ကြိုးစားကြည့်ပါ။

READ
မီတာခတွေကို အလွယ်တကူလျော့ချနိုင်မယ့် နည်းလမ်း(၅)သွယ်
ilozavr/Shutterstock

(၂)။ ဗိုက်ဆာတဲ့အချိန် စားစရာ တစ်ခုခုမရှိတာ

ကိုယ်က အလုပ်လုပ်နေရင်း ဗိုက်ဆာတဲ့အချိန်၊ စားစရာတစ်ခုခု ရှိမနေတာကလည်း ကိုိယ့်အတွက် စိတ်ပင်ပန်းစေတာပါပဲ။ ကိုယ်က အိမ်ကဘာမှစားမလာလို့ ထမင်းစားချိန်မတိုင်ခင် ဗိုက်ဆာနေတာပဲဖြစ်ဖြစ်၊ နေ့လည်စာ နည်းနည်းပဲ စားလိုက်ရလို့ ညနေပိုင်း ဗိုက်ဆာနေတာပဲဖြစ်ဖြစ် အဲဒီအချိန်မှာ စားစရာတစ်ခုခုမရှိဘူးဆိုရင် ကိုယ့်ကိုယ်ကိုယ် စိတ်ညစ်မိတော့တာပါပဲ။ အလုပ်လုပ်နေရင်း ဗိုက်ဆာတတ်တာကလည်း အလုပ်မှာပင်ပန်းတယ်လို့ ခံစားရစေတဲ့အကြောင်းရင်းတစ်ခုပါ။

Dragon Images/Shutterstock

(၃)။ မနားတမ်းအလုပ်လုပ်နေမိတာ

ကိုယ့်အတွက် သတ်မှတ်ထားတဲ့အလုပ်ချိန်က (၈)နာရီဆိုရင် ထမင်းစားနားချိန်ကလွဲလို့ အချိန်ပြည့် အလုပ်စားပွဲမှာ ထိုင်ပြီး လုပ်နေမိတာကလည်း ကိုယ့်ကိုယ်ကိုယ် ပင်ပန်းတယ်လို့ ထင်လာစေပါတယ်။ အကောင်းဆုံးကတော့ တစ်နာရီအလုပ်လုပ်ပြီးတိုင်း (၁၀)မိနစ်လောက် နားတာပါ။ ရုံးခန်းထဲ လှည့်ပတ်ပြီး လမ်းလျှောက်တာမျိုးပဲဖြစ်ဖြစ်၊ အလုပ်စားပွဲကနေ ထပြီး တခြားသူတွေနဲ့ စကားပြောတာပဲဖြစ်ဖြစ် တစ်နာရီခြား တစ်ခါလောက် လုပ်ပေးသင့်ပါတယ်။

READ
ပိုက်ဆံများများရှာနိုင်ဖို့အတွက် ဒီအချက်တွေကို သင်လိုက်နာဖို့ လိုလိမ့်မယ်

(၄)။ အလုပ်အကြွေးတွေပိနေတာ

ကိုယ့်အတွက် တစ်နေ့လုပ်ရမယ့်အလုပ်က တစ်နေ့မပြီးပဲ အလုပ်အကြွေးတွေများနေတာမျိုးကလည်း အလုပ်မှာ စိတ်ပင်ပန်းစေတဲ့အရာတွေထဲက တစ်ခုပေါ့။ အလုပ်တွေက တစ်နေ့အတွက် တစ်နေ့မပြီးတော့ ရုံးချိန်တွေတင်မဟုတ်ပဲ ရုံးက ပြန်တဲ့အချိန်တွေပါနောက်ကျ၊ Deadline အမီပြီးပါ့မလားလို့ တွေးပူ၊ ဒီလိုနဲ့ အလုပ်မှာ အရမ်းပင်ပန်းတယ်လို့ ကိုယ့်ကိုယ်ကိုယ်ထင်လာမိတာပါ။

တစ်နေ့အလုပ်ကို တစ်နေ့ ပြီးအောင်သာ ကြိုးစားပြီးလုပ်ကြည့်လိုက်။ တစ်ပတ်လောက်ဆို ကိုယ်ခံစားနေရတဲ့ ပင်ပန်းမှုတွေ သိသိသာသာ လျော့ကျသွားပါလိမ့်မယ်။

vectorfusionart/Shutterstock

Linn

 

SHARE