ငလျင်လှုပ်နေချိန်မှာ အလုံခြုံဆုံးဖြစ်အောင် ဘယ်လိုနေမလဲ

Lemberg Vector studio/Shutterstock

ငလျင်လှုပ်ပြီဆိုတာနဲ့ ဘယ်သူမဆို ကြောက်ကြမှာပါပဲ။ အထပ်မြင့်တိုက်တွေမှာ နေတဲ့သူတွေဆို ပိုဆိုးတာပေါ့။ ချက်ချင်းပဲ တိုက်ကြီး ပြိုကျတော့မလား၊ ငါတို့ သေတော့မလား ဆိုပြီး စိုးရိမ်စိတ်တွေ မြင့်တက်လို့ ဘာလုပ်ရမှန်းမသိဖြစ်ကုန်တော့တာ။

တကယ်တော့ ငလျင်လှုပ်တဲ့အချိန်မှာ စိတ်ပူနေတာထက် ကိုယ့်ကိုယ်ကိုယ် လုံခြုံအောင် ဘယ်လိုနေမလဲဆိုတာက ပိုပြီး အရေးကြီးပါတယ်။ အထူးသဖြင့် အောက်မှာ ဖော်ပြထားတဲ့ နည်းလမ်းလေးတွေကို အသုံးပြုပြီး ကိုယ့်ကိုယ်ကိုယ် ဘေးကင်းအောင် နေထိုင်သင့်ပါတယ်။

SUNG YOON JO/Shutterstock

(၁)။ မကြောက်ပါနဲ့

ငလျင်လှုပ်တဲ့အချိန်မှာ ကြောက်လန့်တကြားဖြစ်နေတာထက် ဘာလုပ်ရမလဲဆိုတာကို ခေါင်းအေးအေးနဲ့ အရင်ဆုံး စဉ်းစားသင့်ပါတယ်။ ကိုယ်က အထပ်မြင့်တိုက်မှာ နေတဲ့သူဆိုရင် တိုက်အောက်ကိုပြေးဆင်းဖို့ ကြိုးစားတာထက် စားပွဲအောက်မှာနေတာ၊ တိုင်ကြီးကြီးတစ်ခုနားမှာနေတာက ပိုပြီး လုံခြုံစေမှာပါ။ တကယ်လို့သာ ကိုယ်က တိုက်အောက်ကိုပြေးဆင်းနေတုန်း တိုက်ပြိုတဲ့အထိ ငလျင်လှုပ်ခဲ့မယ်ဆိုရင် ဘေးကင်းမှာမဟုတ်ပါဘူး။

READ
အထူးအဆန်းကြိုက် ခရီးသွားများ သွားရောက်ကြတဲ့ ကမ္ဘာတစ်ဝှမ်းမှ အနိဋ္ဌာရုံနေရာများ

(၂)။ ကိုယ့်ကိုထိခိုက်စေမယ့်အရာတွေနဲ့ ဝေးအောင်နေပါ

တကယ်လို့ ငလျင်လှုပ်တဲ့အချိန် ကုိုယ်က လမ်းပေါ်ရောက်နေတယ်ဆိုရင် ဓာတ်ကြိုးတွေပြတ်တာ၊ ဓာတ်တိုင်တွေလဲကျတာ၊ အဆောက်အဦတွေပြိုနိုင်တာ၊ သစ်ပင်တွေလဲနိုင်တာ စသဖြင့် ကိုယ့်ပတ်ဝန်းကျင်မှာရှိတဲ့ အန္တရာယ်တွေကို သတိထားရပါတော့မယ်။ ကိုယ့်အပေါ် ပြိုလဲလာနိုင်ချေရှိတာတွေကို သတိထားဖို့လိုပြီး ကိုယ့်အနေနဲ့ စိတ်ချရတဲ့နေရာတစ်ခုဆီရောက်အောင် မြန်မြန်လေး ပြေးသွားလိုက်ဖို့ လိုပါလိမ့်မယ်။

Lucky Team Studio/Shutterstock

(၃)။ ဓာတ်လှေကားမသုံးပါနဲ့

ကိုယ်က ငလျင်လှုပ်လို့ ဓာတ်လှေကားနဲ့ မြန်မြန်ဆင်းလာကာမှ ဓာတ်လှေကားရုတ်တရက် ရပ်သွားတာမျိုး၊ ငလျင်ကြောင့် လျှပ်စစ်ဓာတ်အားလိုင်းတွေ ပြတ်တောက်သွားပြီး ဓာတ်လှေကားအလုပ်မလုပ်တော့တာမျိုးလည်း ဖြစ်သွားနိုင်ပါတယ်။ တကယ်လို့ သင်နေတဲ့ အထပ်မြင့်တိုက်မှာ မလုံခြုံဘူးလို့ ခံစားလာရပြီဆိုရင် ဓာတ်လှေကားကို မသုံးပဲ ရိုးရိုးလှေကားနဲ့ မြန်မြန်သာ ပြေးဆင်းလာခဲ့ပါ။

(၄)။ စဉ်းစားပါဦး

တချို့က ငလျင်လှုပ်နေတာ အရမ်းပြင်းတယ်၊ အန္တရာယ်ဖြစ်တော့မယ်လို့ ကိုယ့်ကိုယ်ကိုယ် ထင်မိတတ်ပြီး အထပ်မြင့်တဲ့ တိုက်ပေါ်ကနေ အောက်ကို မြန်မြန်ခုန်ချဖို့ ကြိုးစားတတ်ကြပါတယ်။ တကယ်လို့ ကိုယ်အောက်ကို ရောက်တဲ့အခါ ငလျင်က ဘာမှမဖြစ်ပဲ ဒီအတိုင်းပြီးသွားတယ်ဆိုရင် ကိုယ့်မှာ ကျိုးပဲ့သွားတာပဲ အဖတ်တင်မှာပါ။ ကံဆိုးရင် အသက်တောင် ဆုံးရှုံးရနိုင်တာမို့ အတတ်နိုင်ဆုံး တည်တည်ငြိမ်ငြိမ်နဲ့ စဉ်းစားဖို့ကြိုးစားတာက အကောင်းဆုံးပါ။

READ
မမူးပဲနဲ့ မူးချင်ယောင်ဆောင်နေမှန်း သိစေတဲ့နည်းလမ်း(၅)သွယ်
VectorMine/Shutterstock

(၅)။ ယာဉ်မောင်းနေချိန်မှာ သတိထားပါ

ကိုယ်က ငလျင်လှုပ်နေချိန်မှာ ကားမောင်းနေတယ်ဆိုရင်လည်း ဂုံးကျော်တံတားတွေပေါ်၊ ဒါမှမဟုတ် တံတားအောက်တည့်တည့်မှာ ရောက်မနေဖို့ သတိထားပြီး ရှောင်ရှားသင့်ပါတယ်။ အကောင်းဆုံးကတော့ ဘေးကင်းမယ့်နေရာတစ်ခုဆီ မောင်းသွားကာ ရပ်ထားတာပဲဖြစ်ပြီး ငလျင်ဒဏ်ကြောင့် တံတားတွေ ပြိုကျလာနိုင်တယ်ဆိုတာ သတိထားရမှာပါ။

Linn

SHARE