ဒီအချက်တွေကို သင်ခံစားနေရပြီဆိုရင် သင့်မှာ စိတ်ကျရောဂါဖြစ်တော့မယ်

Shutterstock

လူတစ်ယောက်အတွက်တော့ စိတ်ကျရောဂါဖြစ်ဖို့ အကြောင်းရင်းတွေ အများကြီးပါ။အိမ်နဲ့အဆင်မပြေတာ ၊ အလုပ်ပြုတ်သွားတာ ၊ စာမေးပွဲကျတာ၊ ရည်းစားက ထားခဲ့တာ..စသဖြင့် အများကြီးပေါ့။ ဒါပေမယ့် တစ်ခါတလေ ကျတော့လည်း စိတ်ကျရောဂါ ဆိုတာက သင်မသိနိုင်တဲ့ နည်းလမ်းတစ်မျိုးနဲ့ သင့်ဆီကို ရောက်လာတတ်တာလေ။ တကယ်လို့ သင့်မှာ ဒီလိုအချက်တွေ ခံစားနေရပြီဆိုရင်၊ ဒီအချက်တွေထဲက တော်တော်များများက သင်နဲ့ ကိုက်ညီနေပြီဆိုရင် သင်ဟာ စိတ်ကျရောဂါဖြစ်ဖို့ အနီးဆုံးဖြစ်နေပြီလို့သာ မှတ်လိုက်ပါနော်။

(၁)။ အိမ်ထဲကနေ ဘယ်မှမသွားချင်

သင်ဟာ အလုပ်ရှိသူတစ်ယောက်ဆိုရင် အလုပ်ပိတ်ရက်တွေဆို အိမ်ထဲကနေ အိမ်အပြင်မထွက်ချင်တာ ပြဿနာ မရှိပေမယ့် သင်ဟာ အလုပ်မရှိသူတစ်ယောက်၊ ဘာမှ လုပ်စရာမရှိပဲ ငြီးငွေ့နေသူ တစ်ယောက်ဆိုရင်တော့ အိမ်ထဲကနေ အိမ်အပြင်ထွက်ဖို့ စဉ်းစားသင့်တယ်မဟုတ်လား။ ဒါပေမယ့် သင့်ရဲ့စိတ်ထဲမှာ အိမ်ထဲကနေ အပြင်ကို ထွက်ဖို့ ၀န်လေးနေမယ်။ အပြင်ကို မပြောနဲ့ သင့်အခန်းထဲကနေ မီးဖိုချောင်ဖက်သွားဖို့၊ အိမ်ရှေ့ဝရန်တာ ထွက်ဖို့တောင် ၀န်လေးနေမယ်၊ အခန်းထဲမှာပဲ အချိန်ရှိသရွေ့ အောင်းနေချင်တယ်ဆိုရင် သင်ဟာ အထီးကျန်စိတ်ကို ခံစားနေရတာပါ။ အထီးကျန်တာကို ခံစားရပြီဆိုတာနဲ့ စိတ်ကျရောဂါ ကလည်း သင့်ဆီကို အနှေးနဲ့အမြန် ရောက်လာတော့မှာပါပဲ။

READ
ဆေးပညာအမြင်နဲ့ ပင်လယ်ကမ်းခြေသို့ ခရီးသွားခြင်းအကျိုးကျေးဇူး
Shutterstock

(၂) တစ်ချိန်လုံးအပြစ်ရှိတယ်လို့ ခံစားနေရမယ်

သင်က မဟုတ်တာ ဘာမှမလုပ်ရင်တောင် အရင်တုန်းက လုပ်ခဲ့တာလေးတွေကို ပြန်တွေးပြီး တစ်ချိန်လုံး အပြစ်ရှိတယ်လို့ စိတ်ထဲမှာ ခံစားနေရတာ ပြဿနာပါ။ အပြစ်ရှိတဲ့စိတ်ကို ခံစားရတယ်ဆိုတာ လူတစ်ယောက်အတွက်တော့ ပုံမှန်မဟုတ်ပါဘူး။ အဲဒီလို ခံစားရတယ်ဆိုကတည်းက သင့်ဆီကို စိတ်ဓာတ်ကျတဲ့အတွေးတွေ ၀င်လာတော့မှာဖြစ်ပြီး မပျော်မရွှင်ဖြစ်လာတော့မှာပါ။

(၃) ကိုယ့်ကိုယ်ကိုယ်ဂရုမစိုက်တော့ဘူး

အရင်တုန်းက သင်ဟာ သင့်ကိုယ်သင် ကျော့မော့နေအောင် ပြင်ဆင်တတ်သူ တစ်ယောက်ဖြစ်ပေမယ့် စိတ်ကျရောဂါ ဖြစ်တော့မယ်ဆိုရင် သင့်ကိုယ်သင် ဂရုစိုက်ချင်စိတ် မရှိတော့ပါဘူး။ ဆံပင်တွေရှည်နေလည်း မညှပ်ချင်တော့ဘူး၊ အ၀တ်အစားသစ်တွေလည်းမ၀ယ်ချင်၊ ခံတွင်းနံ့ နံနေတာလည်း ဂရုမစိုက်ချင်၊ မျက်နှာမှာ ၀က်ခြံတွေ ထွက်လာလည်း ဒီအတိုင်းပစ်ထား။ အဲဒီလို ကိုယ့်ကိုယ်ကိုယ် ဂရုမစိုက်ပဲ နေလာမိပြီဆိုရင် သင့်ရဲ့ မသိစိတ်ထဲမှာ စိတ်ကျရောဂါက ပုန်းအောင်းနေပြီဆိုတာ သိထားပါနော်။

Shutterstock

(၄) အိပ်ပျော်ဖို့ တော်တော်ကြိုးစားနေရတယ်

လူတစ်ယောက်အတွက် ပုံမှန်အိပ်ချိန်က (၈)နာရီဆိုရင် သင့်အနေနဲ့ အဲဒီ (၈)နာရီ ပြည့်ဖို့ တော်တော်ကြိုးစားပြီး အိပ်နေရတယ် ဆိုပါတော့။ ညဖက်တွေဆိုရင်လည်း အိပ်မပျော်။ သင့်ရဲ့ ခန္ဓာကိုယ်ကြီးက အိပ်ချင်နေတာတောင် စိတ်က အတွေးတွေများနေ။ နောက်ဆုံးတော့ အိပ်ဆေးအကူအညီတွေ ယူရ။ မနက်ဆို လူက နှုံးပြီး မရွှင်မလန်းဖြစ်။ အဲဒီလို အိပ်ဖို့ခက်တဲ့ ညတွေကို ဆက်တိုက် ကြုံလာရတဲ့အခါ သင့်ရဲ့စိတ်ထဲမှာ ဟိုဟိုဒီဒီတွေ တွေးမိတော့တာပါပဲ။ ဆေးပညာအရတော့ ညဖက် အိပ်ပျော်နိုင်ဖို့ ခက်ခက်ခဲခဲ ကြိုးစားရသူတွေဟာ စိတ်ကျရောဂါကို လွယ်လွယ်လေး ခံစားရစေပါသတဲ့။

READ
ကိုယ်ဝန်ဆောင်ချိန်အတွင်း သင်မသိသေးတဲ့ အံ့သြဖွယ်အချက်အလက်များ
Shutterstock

(၅) လူတိုင်းက သင့်ကိုမုန်းနေတယ်လို့ခံစားရမယ်

သင့်ရဲ့ကျောင်းမှာဖြစ်စေ၊ အလုပ်မှာဖြစ်စေ သင့်ရဲ့ပတ်ဝန်းကျင်မှာ ရှိသူတွေက သင့်ကို မုန်းနေတယ်၊ သဘောမကျဘူးလို့ ခံစားရရင်လည်း သင့်ရဲ့စိတ်က ပုံမှန်မဟုတ်ဘူးဆိုတာ သိထားပါ။ တခြားသူတွေက သင့်ကို နားမလည်နိုင်ဘူးလို့ ထင်နေတယ်၊ သင်နဲ့သူတို့ဟာ အတွေးချင်းမတူဘူး၊ ဒီကမ္ဘာကြီးမှာ သင့်ကို နားလည်နိုင်တဲ့သူ မရှိဘူးလို့ ခံစားနေရပြီဆိုရင် သင်ဟာ လူ့အဖွဲ့အစည်းရဲ့ အပြင်ကို ထွက်ဖို့ ကြိုးစားတော့မှာဖြစ်ပြီး စိတ်ကျရောဂါနဲ့ ရင်ဆိုင်ရဖို့ အခွင့်အလမ်းများနေပါပြီ။

Linn

SHARE