ဖုန်းအခိုးခံရတဲ့ သူငယ်ချင်းတစ်ယောက်ကို မမေးသင့်တဲ့မေးခွန်းများ

Antonio Guillem/Shutterstock

ဖုန်းပျောက်ဖူးတယ်မို့လား။ ဒီနေ့ခေတ်မှာ ဖုန်းမပျောက်ဖူးတဲ့သူဆိုတာ တကယ့်ကို ဆရာကြီးပါပဲနော်။ တချို့ဆိုရင် ပြောကြတယ်။ ခေတ်မှီသူတိုင်း ဖုန်းပျောက်ကြတယ်ဆိုပြီးတော့။

တစ်ခါတစ်လေကျရင်လည်း ဖုန်းပျောက်လို့ စိတ်ညစ်နေပါတယ်ဆိုမှ ဘေးကလူတွေက ဘာတွေလာပြောကြမှန်းမသိလို့ စိတ်ညစ်ရတာလဲရှိသေးတယ်။ ဖုန်းပြန်ရအောင် ဘယ်လိုလုပ်ရမလဲလို့ စဉ်းစားရတာကတစ်မျိုး၊ သူတို့ဘေးကနေမေးနေတဲ့ ပေါက်ကရမေးခွန်းတွေကို ပြန်ဖြေနေရတာကတစ်မျိုး၊ တကယ့်ကို စိတ်ညစ်စရာပါ။

ကဲ….သင့်ရဲ့ သူငယ်ချင်းတစ်ယောက်ယောက်က ဖုန်းပျောက်တယ်ဆိုပါစို့..။ သင့်အနေနဲ့ မမေးသင့်တဲ့မေးခွန်းတွေက ဒီဟာပါနော်…။

(၁)။ ဘယ်တုန်းက ပျောက်သွားတာလဲ

အဲဒီလို မေးခွန်းမျိုးကို တစ်ခါ၊နှစ်ခါလောက် ဖြေရတာက ပြဿနာမရှိပေမယ့် ကိုယ်ဖုန်းပျောက်တာကို သိတဲ့သူတိုင်းက မေးနေရင်တော့ ဖြေရတာ တကယ့်ကို စိတ်ရှုပ်စရာကြီး ဖြစ်လာမှာပါ။ ကိုယ့်မှာ ဘယ်တုန်းက ပျောက်တာလဲဆိုတာကို ပြန်ပြန်တွေးမိတိုင်း ဒေါသတွေထွက်၊ ခါးပိုက်နှိုက်ကို စိတ်တွေတိုနဲ့ အချိန်ကြာလာတော့ လာပြီးမေးတဲ့သူတွေကိုပါ စိတ်တွေတိုလာမိတော့တာပဲ။

READ
သင်ကအရမ်းခင်ဖို့ကောင်းတဲ့သူဖြစ်ကြောင်းပြသနေတဲ့အချက်များ
sek_suwat/Shutterstock

(၂)။ ဘယ်လိုဖြစ်တာလဲ

ဖုန်းပျောက်ပါတယ်ဆိုမှ ဘယ်လိုဖြစ်ရတာလဲဆိုတော့ မသိရင်ပဲ ကိုယ်က ငတုံးကြီးလိုလို ဘာလိုလိုနဲ့ အဖြေရခက်တဲ့ မေးခွန်းကြီးပါ။ “ဒီလိုပါပဲ” လို့ ပြန်ဖြေရင်လည်း သူတို့က မကျေနပ်ကြ။ ဒီလိုနဲ့ပဲ အဖြစ်အပျက်တစ်ခုလုံးကို ပြန်ပြောပြရ။ ဖုန်းပျောက်တဲ့အချိန် အဲဒီ “ဘယ်လိုဖြစ်တာလဲ” ဆိုတဲ့ မေးခွန်းကြီး ကြားလိုက်ရရင် စိတ်တွေတိုတာ အရမ်းပဲ..။

(၃)။ ပြန်ရောင်းရင် ဘယ်လောက်လောက်တန်သေးလဲ

အဲဒီမေးခွန်းကြီးက ကိုယ့်ကို တွေတွေဝေေ၀ဖြစ်သွားစေပါတယ်။ ဒီဖုန်းလေးကို ပြန်ရောင်းလိုက်ရင်တောင် ကိုယ် ဘယ်လောက်ရဦးမယ်…ဆိုတဲ့အတွေးက ကိုယ့်ခေါင်းထဲ ၀င်လာမှာဖြစ်ပြီး အခုတော့ အလကားဖြစ်သွားပြီဆိုတဲ့ နှမျောစိတ်တွေကို ၀င်လာမိစေမှာပါ။ သူတို့ကတော့ ကိုယ့်ဖုန်းကို နှမျောလို့ မေးတာမျိုး ဖြစ်နိုင်ပေမယ့် ကိုယ့်မှာတော့ ကိုယ့်ဖုန်းလေး ဘယ်လောက်တန်မလဲဆိုတာ ကြေကွဲစွာနဲ့ တွက်ကြည့်မိနေတော့တာ။

READ
စိတ်ညစ်စရာတွေပေးမယ့်လူတွေရဲ့ အနားကနေ ဘယ်လိုရှောင်ရမလဲ
Antonio Guillem/Shutterstock

(၄)။ နောက်ဖုန်းတစ်လုံးဝယ်ဖို့ပိုက်ဆံရောရှိရဲ့လား

မသိရင် သူတို့ကပဲ ၀ယ်ပေးမှာကျနေတာပဲ။ ပြောပုံက။ “နောက်ဖုန်းတစ်လုံးဝယ်ဖို့ ပိုက်ဆံရှိရဲ့လား” တဲ့။ ကိုယ့်လက်ထဲမှာ ဖုန်းတစ်လုံးဝယ်ဖို့ ပိုက်ဆံအဆင်သင့်ရှိနေတယ်ဆိုရင် သူတို့ အဲဒီလိုမေးတဲ့အခါ ဂရုစိုက်နေစရာမလိုပေမယ့် ဖုန်းအသစ်ဝယ်ဖို့ ပိုက်ဆံလုံလုံလောက်လောက် မရှိဘူးဆိုရင်တော့ ဒီမေးခွန်းကြီးက ကိုယ့်ကို ကြေကွဲသွားစေပါတယ်။

(၅)။ နှိုက်သွားတာမသိလိုက်ရအောင် ဘာလုပ်နေတာလဲ

ဒီမေးခွန်းကြီးကလည်း ထရိုက်ချင်စရာပါပဲ။ နှိုက်သွားတာ သိလိုက်မှဖြင့် တစ်ခုခု လုပ်လိုက်မှာပေါ့။ မသိလိုက်လို့သာ အနှိုက်ခံလိုက်ရတာပေါ့။ ရှင်းနေတာပဲကို။ “နှိုက်သွားတာမသိလိုက်ရအောင် ဘာလုပ်နေတာလဲ”ဆိုိတော့ ဖြေရတာ ခက်လှပါတယ်။ တကယ့်လက်တွေ့မှာတော့ ကိုယ်ဘယ်လိုပဲလုပ်နေနေ ခါးပိုက်နှိုက်ဆိုတာကတော့ သတိလေးလွတ်တဲ့အချိန်ကိုစောင့်ပြီး ရအောင်နှိုက်မှာပဲလေ။

Antonio Guillem/Shutterstock

Linn

SHARE