မိတ်ဆွေဟောင်းတွေနဲ့ လမ်းမှာတွေ့ရင်မပြောသင့်တဲ့ နှုတ်ဆက်စကား(၄)မျိုး

Shutterstock

မမျှော်လင့်ပဲ မိတ်ဆွေဟောင်းတစ်ယောက်နဲ့ လမ်းမှာတွေ့ပြီဆိုပါစို့ ။ ကိုယ်ကတော့ မတွေ့တာကြာလို့ ခင်ခင်မင်မင်နဲ့ နှုတ်ဆက်လိုက်တယ်ဆိုပေမယ့် ကိုယ့်ရဲ့ နှုတ်ဆက်စကားကြီးက ဆိုးလွန်းတာကြောင့် တစ်ဖက်သား စိတ်အနှောင့်အယှက်ဖြစ်သွားနိုင်တဲ့ အခြေအနေမျိုး ကြုံတတ်ပါတယ်နော်။ တစ်ခါတလေတော့လည်း အဲဒီ စိတ်အနှောင့်အယှက်ဖြစ်ရတဲ့သူက ကိုယ်ကိုယ်တိုင် ဖြစ်နေရတတ်ပြီး တချို့ နှုတ်ဆက်စကားတွေက ကိုယ့်ကို စော်ကားသလို ဖြစ်နေခဲ့တာပါ။

ကဲ…ဘယ်လို နှုတ်ဆက်စကားမျိုးတွေက တစ်ဖက်သားကို စိတ်ညစ်စေသလဲ..။ ဖတ်ကြည့်လိုက်ရအောင်နော်…။

(၁)။ ၀လာလိုက်တာ

မြန်မာစကားမှာမှ တချို့စကားလုံးတွေက Body Shaming ကို အလိုလို ဖြစ်စေတာမို့ ကိုယ်နှုတ်ဆက်တဲ့အခါမှာလည်း သတိထားဖို့လိုပါတယ်။ ၀လို့ လှလို့ပါလား ဆိုရင်တောင် နည်းနည်း သက်သာ ဦးမှာဖြစ်ပေမယ့် ၀လာလိုက်တာ လို့ တစ်ယောက်ယောက်က ပြောလာရင်တော့ တော်တော်လေး စိတ်ပျက်သွားမိမှာပါ။ ကိုယ်ဝလာတာ ကိုယ်အသိဆုံးပေမယ့် တစ်ယောက်ယောက်က ၀လာတယ်လို့ ပြောရင်တော့ စိတ်ပျက်သွားတတ်ကြတာပဲလေ။

READ
တစ်ကမ္ဘာလုံးက အာရုံစိုက်ရတဲ့ အချမ်းသာဆုံးVictoria’s Secret မော်ဒယ်လ်(၅)ဦး
Shutterstock

(၂)။ ဘယ်မှာလုပ်နေလဲ၊လခဘယ်လောက်ရလဲ

ဘယ်မှာလုပ်နေလဲ လို့မေးတာက ပြဿနာ မရှိပေမယ့် လခဘယ်လောက်ရလဲ အထိ စပ်စုတာကတော့ ဘယ်ကောင်းမလဲနော်။ အဲဒီလို မေးတဲ့သူတွေနဲ့ ကြုံတဲ့အခါ လခကို အမှန်ပဲ ပြောရမလား၊ ပိုပဲပြောရမလားလို့ ဝေခွဲမရ ဖြစ်ရတာလည်း ခဏခဏပါ။ ကိုယ်က အမှန်ပြောလိုက်လို့ ကိုယ့်ရဲ့လခနည်းနေပြန်ရင်လည်း အထင်သေးသလိုလို ဘာလိုလို လုပ်ကြပြန်ရော။ ဒီတော့ အဲဒီလို လခနဲ့ပတ်သက်ပြီး စပ်စပ်စုစု လုပ်တဲ့မေးခွန်းမျိုးဆို မမေးသင့်ဘူးလို့သာ မှတ်ထားပါနော်။

(၃)။ အိမ်ထောင်မကျသေးဘူးလား

အိမ်ထောင်မကျသေးဘူးလား ဆိုတဲ့ မေးခွန်းမျိုး အမေးခံရပြီဆိုကတည်းက ကိုယ့်အသက်က အိမ်ထောင်ပြုသင့်တဲ့အရွယ်ထက် ကျော်နေပြီဆိုတာ သတိပေးလိုက်သလိုပါပဲ။ ကိုယ့်ဘာသာကိုယ် အိမ်ထောင်မပြုချင်လို့ နေနေတယ်ဆိုရင်တောင်မှ ဒီမေးခွန်းကြီးက ကိုယ့်ကိုစော်ကားသလိုဖြစ်နေပြီး ဒီအရွယ်ရောက်တဲ့အထိ တစ်ယောက်လောက်တောင် မရှာနိုင်ဘူးဆိုတဲ့အထာမျိုး ဖမ်းသွားသလို ခံစားရမှာပါ။

READ
အချစ်ထက်အလုပ်ကိုပဲဦးစားပေးတတ်တဲ့ မိန်းကလေးတွေမှာ ဒီအပြုအမူ(၅)ချက်ရှိ
Shutterstock

(၄)။ အသက်တွေတောင်ကြီးလာပြီနော်

ဒီစကားကြီးက ဘာစကားကြီးလဲ။ ဘယ်သူပဲဖြစ်ဖြစ် ကိုယ်အသက်ကြီးလာတာတော့ ကိုယ်သိတာပေါ့လေ။ ဒါပေမယ့် တကူးတကကြီး “အသက်တွေတောင် ကြီးလာပြီနော်” လို့ သတိပေးသလိုလို ဘာလိုလို ၊ စသလိုလို နောက်သလိုလို လုပ်တာကြီးကတော့ နားထောင်ရ ဆိုးပါတယ်။ အသက်တွေတောင်ကြီးလာပြီနော်…ဆိုတဲ့ စကားရဲ့နောက်မှာ (အခုထိ ဆိုးနေတုန်းပဲလား၊ အခုထိ အဆင်မပြေသေးဘူးလား ၊ အခုထိ မအောင်မြင်သေးဘူးလား၊ တဖြည်းဖြည်း ရုပ်ရင့်လာပြီ) စတဲ့ တွေးစရာတွေ ပါလာတာမို့ “အသက်တွေတောင် ကြီးလာပြီနော်” ဆိုတဲ့ စကားက တကယ့်ကို ဆိုက်ကို ပါပဲ။

Linn

 

SHARE