အိမ်ထောင်ပြုလိုက်ပြီဆိုတာနဲ့ ဒီ အခွင့်အရေးတွေကိုသင်ဆုံးရှုံးရတော့မယ်

Sharomka/Shutterstock

အိမ်ထောင်ပြုတာပဲဖြစ်ဖြစ်၊ တစ်ကိုယ်တည်းနေတာပဲဖြစ်ဖြစ် သက်ဆိုင်ရာ အားသာချက်တွေ၊ အားနည်းချက်တွေရှိကြတာပဲလေ။ တချို့ကျတော့လည်း အိမ်ထောင်ပြုတာက တစ်ကိုယ်တည်းနေတာထက် ပိုပြီး ကောင်းတယ်၊ လုံခြုံမှုတွေ၊ နွေးထွေးမှုတွေကို ခံစားရတယ် စသဖြင့် ပြောကြတယ်။ တချို့ကျတော့လည်း တစ်ကိုယ်တည်းနေတာက လွတ်လပ်တယ်၊ အနှောင်အဖွဲ့ကင်းတယ် စသဖြင့်ပေါ့။

အခု ဖော်ပြပေးမှာကတော့ အိမ်ထောင်ပြုလိုက်ပြီဆိုတာနဲ့ ဆုံးရှုံးသွားရမယ့် အခွင့်အရေးတွေ အကြောင်းဖြစ်ပြီး အိမ်ထောင်ပြုလိုက်လို့ ဘယ်လိုအခွင့်အရေးတွေ ဆုံးရှုံးသွားမလဲဆိုတာ သိချင်ရင်တော့ ဖတ်ကြည့်လိုက်နော်။

Halfpoint/Shutterstock

(၁)။ လွတ်လပ်မှုတွေဆုံးရှုံးသွားမယ်

အိမ်ထောင်ပြုလိုက်ပြီဆိုတာနဲ့ လွတ်လပ်မှုတွေကတော့ အနည်းနဲ့အများ ဆုံးရှုံးသွားမှာပါ။ ကိုယ်ဘယ်သွားသွား ဘေးမှာ တစ်ယောက်ကတော့ ပါနေတော့မှာပါ။ အရင်လို ညဖက်တွေ အပြင်ထွက်ရင် စိတ်အေးလက်အေး သွားလို့ရနေတာမျိုးလည်းမရှိတော့ဘူး။ ဆက်ပြောနေရင် အများကြီး ကျန်နေဦးမှာပါ။ လွတ်လပ်မှုတွေ ဆုံးရှုံးသွားမယ်ဆိုတာကိုတော့ လက်ခံမယ်မဟုတ်လား။

READ
အခွင့်ရှိရင် မြည်းစမ်းကြည့်သင့်တဲ့ ကမ္ဘာတစ်လွှားက ကော့တေးအမှန်အကန်များ

(၂)။ ကိုယ့်အတွက်မဟုတ်ပဲ တခြားသူတွေအတွက်ပါ စိတ်ပူရမယ်

ကိုယ်တစ်ယောက်တည်းနေတုန်းက အပူအပင် မရှိနေခဲ့ပေမယ့် အိမ်ထောင်ပြုလိုက်ပြီဆိုတာနဲ့ ကိုယ့်ရဲ့ အိမ်ထောင်ဖက်အတွက်၊ သားသမီးတွေအတွက် ပူပင်ရတော့မှာပါ။ ပုံမှန်အချိန်တွေထက် အိမ်ပြန်နောက်ကျနေပြီဆိုရင် ဘာများဖြစ်နေမလဲလို့ စိတ်ပူရမယ်၊ နည်းနည်းလေး နေထိုင်မကောင်းဖြစ်ပြီဆိုရင် စိတ်ပူရမယ် စသဖြင့် တခြားသူတွေအတွက် စိတ်ပူတာတွေ လာပါတော့မယ်။

HDesert/Shutterstock

(၃)။ ပိုက်ဆံကိုထင်သလိုမသုံးရတော့ဘူး

အရင်တုန်းကတော့ ကိုယ်ရှာသမျှ ပိုက်ဆံတွေက ကိုယ်သုံးဖို့အတွက်ပဲလေ။ ဒါပေမယ့် အိမ်ထောင်ရှင်ဘ၀ရောက်သွားရင်တော့ ပိုက်ဆံကို ထင်သလို သုံးဖို့ဆိုတာ ဘယ်လိုမှ မဖြစ်နိုင်တော့ပါဘူး။ မိသားစုအတွက် ပိုက်ဆံလုံလောက်အောင် ရှာရတော့မယ့်အပြင် အနာဂတ်အတွက်ပါ စဉ်းစားလာရပြီမို့ အိမ်ထောင်ပြုလိုက်ပြီဆိုတာနဲ့ ပိုက်ဆံက အရေးကြီးတဲ့ အခန်းကဏ္ဍကိုရောက်လာပြီလို့တောင် ပြောရမလားပဲ။

(၄)။ လုပ်ချင်တာတွေထက် လုပ်သင့်တာတွေကိုပဲ ဦးစားပေးရတော့မယ်

READ
မနက်ခင်းတွေကို လန်းဆန်းစွာ ဖြတ်သန်းနိုင်ဖို့ လုပ်ဆောင်သင့်တဲ့ အချက် (၅) ချက်

တစ်ယောက်တည်းနေတုန်းကတော့ စိတ်ထဲမှာ ခရီးသွားချင်စိတ်ပေါ်လာရင် သွားလိုက်တာပဲ၊ တစ်ခုခုဝယ်ချင်ပြီဆိုရင် ၀ယ်လိုက်တာပဲ။ လုပ်ချင်တာတွေဆိုရင် လုပ်လိုက်ရမှ။ ဒါပေမယ့် အိမ်ထောင်ကျသွားတဲ့အခါကျတော့ လုပ်ချင်တာတွေထက် လုပ်သင့်တာတွေကိုပဲ ဦးစားပေးရပါတော့တယ်။ တစ်ယောက်တည်း ပိုက်ဆံသုံးလိုက်ဖို့ထက်၊ မိသားစုအတွက် ဘာသုံးရမလဲဆိုတာ စဉ်းစားလာရတယ်။ အရင်တုန်းက ကိုယ်က ၀ါသနာပါတာတွေပဲ လုပ်ချင်ပြီး ပိုက်ဆံက သိပ်အရေးမကြီးသလို ဖြစ်ခဲ့ပေမယ့် အိမ်ထောင်ကျသွားတဲ့အခါ ပိုက်ဆံက အရေးကြီးလာပြီး ၀ါသနာပါတာတွေက အနောက်ကို ရောက်သွားတာမျိုးလည်း ဖြစ်တတ်တယ်။

IVASHstudio/Shutterstock

Linn

SHARE