လက်ထပ်ဖို့အထိ ရည်ရွယ်ထားတဲ့စုံတွဲတွေဆိုရင် ဒီအချက်တွေပြင်ဆင်ထားသင့်တယ်

ZhanTar/Pixabay

ချစ်သူတွေဘ၀မှာ ဘယ်လိုပဲ ပေါ့ပေါ့ပါးပါး တွဲနေကြတယ်လို့ဆိုဆို လက်ထပ်ဖို့အထိ ရည်ရွယ်လာကြပြီဆိုရင်တော့ ပြောင်းလဲကြရမှာတွေအများကြီးရှိပါတယ်။ လက်ထပ်တယ်ဆိုတာ ဘ၀နှစ်ခုကို ပေါင်းစည်းလိုက်တာဖြစ်လို့ ကြိုတင်ပြင်ဆင်မှုတွေ မလုပ်ထားနိုင်လေလေ အခက်အခဲတွေနဲ့ တွေ့ရလေလေ ဆိုတာမျိုး ဖြစ်လာမှာပါ။ ဒီတော့ လက်ထပ်ဖို့အထိ ရည်ရွယ်ထားတဲ့ စုံတွဲတွေအနေနဲ့ ပြင်ဆင်ထားသင့်တဲ့အချက်လေးတွေကို ဖော်ပြပေးလိုက်ပါတယ်နော်…။

(၁)။ အချိန်တစ်ခု တိတိကျကျသတ်မှတ်မယ်

လက်ထပ်ဖို့ရည်ရွယ်ထားတယ်ဆိုကတည်းက အချိန်တစ်ခုကို တိတိကျကျသတ်မှတ်ထားဖို့တော့ လိုပါပြီ။ လက်ထပ်ဖို့ရည်ရွယ်ထားတဲ့ စုံတွဲတွေအတွက် ဘယ်အချိန်မှာ လက်ထပ်ကြမယ်ဆိုတဲ့အချိန်သတ်မှတ်ချက်က အရေးအကြီးဆုံးဖြစ်ပြီး အဲဒီလို သတ်မှတ်ပြီးတဲ့နောက်မှာမှ တခြားအရာတွေကို ဆက်လုပ်နိုင်မှာမို့ပါ။

Counselling/Pixabay

(၂)။ ပိုက်ဆံစုမယ်

အချိန်တစ်ခု သတ်မှတ်ပြီးပြီဆိုတာနဲ့ ပိုက်ဆံစုပါ။ မင်္ဂလာပွဲအတွက်၊ ခန်းဝင်ပစ္စည်းတွေအတွက်၊ ဟန်းနီးမွန်းခရီးအတွက် စသဖြင့် ကုန်မယ့်ငွေတွေကို တွက်ချက်ပြီး အဲဒီအတွက် ကာမိအောင် ပိုက်ဆံစုဖို့လိုပါတယ်။ တစ်လအတွက် ကိုယ်စုနိုင်မယ့် ပမာဏတစ်ခု သတ်မှတ်ပါ။ ပြီးရင် မဖြစ်မနေစုပါ။ ကိုယ်စုထားတဲ့ပိုက်ဆံက မင်္ဂလာပွဲလုပ်ဖို့ မလုံလောက်ဘူးဆိုရင်တောင် ပိုက်ဆံစုနေမိတဲ့အတွက် ချစ်သူနှစ်ယောက်ကြား ကြည်နူးမှုတွေ၊ ရင်းနှီးမှုတွေ ပိုတိုးလာမှာတော့သေချာပါတယ်။

READ
Alone ဖြစ်နေတာလား? Lonely ဖြစ်နေတာလား? ဒီ၂ခုကြားမှာကွာခြားမှုရှိပါတယ်။
luxstorm /Pixabay

(၃)။ နေစရာအတွက် စဉ်းစားမယ်

အိမ်ထောင်ပြုပြီးတဲ့အခါ အရေးအကြီးဆုံးအချက်က နေစရာပါ။ ကိုယ့်မိဘအိမ်မှာနေမလား၊ ယောက္ခမအိမ်မှာနေမလား၊ ဒါမှမဟုတ် ကိုယ့်ဘာသာကိုယ် သီးသန့်နေမလား စသဖြင့် ရွေးရပါတော့မယ်။ ကိုယ်နေမယ့်နေရာပေါ်မူတည်ပြီး ကုန်ကျစရိတ်တွေရှိလာဦးမှာမို့ ကိုယ်နေဖို့နေရာ ကြိုတင်ဆုံးဖြတ်ပြီးပြီ ဆိုရင် အဲဒီအတွက် ပိုက်ဆံရှာထားဖို့လိုပြီပေါ့။

jarmoluk/Pixabay

(၄)။ နှစ်ဖက်မိဘတွေကို အသိပေးထားဖို့လိုမယ်

ကိုယ်ရော သူပါ မကြာခင် လက်ထပ်ကြတော့မယ်၊ အနာဂတ်အတွက် ပြင်ဆင်နေပြီဆိုရင် အဲဒီအကြောင်းကို နှစ်ဖက်မိဘတွေဆီ အသိပေးထားဖို့လိုပါတယ်။ သဘောမတူဘူးဆိုရင်တောင် စောစောစီးစီး သိထားရတော့ သူတို့သဘောတူလာတဲ့အထိ ကြိုးစားကြည့်လို့ရသေးတယ်လေ။ ဒီလိုမှမဟုတ်ပဲ အနားကပ်လို့ ဖွင့်ပြောကာမှ သဘောမတူဘူးဆိုရင် ဘာလုပ်ရမှန်းမသိတွေ ဖြစ်ကုန်ကြတော့မှာ။ ဒီတော့ နှစ်ဖက်မိဘတွေကို အရင်ဆုံးအသိပေးထားပါ။ မကြာခင် လက်ထပ်ကြဖို့ အစီအစဉ်တွေ ဆွဲနေပြီဆိုတာကိုပေါ့။

READ
အိပ်ယာဝင်ခါနီး နှစ်နှစ်ခြိုက်ခြိုက် အိပ်ပျော်ချင်ရင် ဒါတွေလုပ်ပါ

Linn

SHARE