ဖတ်သမျှစာအုပ်တွေကို ဦးနှောက်ထဲစွဲနေစေမယ့် နည်းလမ်း(၅)သွယ်

Pressmaster/Shutterstock

သင်က စာအုပ်ဖတ်ရတာ ၀ါသနာပါသူတစ်ယောက်ဖြစ်ပေမယ့် ကိုယ်ဖတ်တဲ့စာအုပ်တွေအကြောင်း ပြန်စဉ်းစားလိုက်တိုင်း ယောင်ဝါးဝါး ဖြစ်နေသူလား။ တချို့စာအုပ်တွေက စာအုပ်နာမည်နဲ့ဇာတ်လမ်းမတွဲမိ၊ တချို့စာအုပ်တွေကျတော့ ဇာတ်ကောင်တွေကို မမှတ်မိ၊ တချို့စာအုပ်တွေကျတော့ စာအုပ်နာမည်ကလွဲပြီး ဘာမှ မမှတ်မိ။ အဲဒီလိုတွေ ဖြစ်နေပြီလား။ ဒီလိုဆိုရင် ဒီလိုနည်းလမ်းလေးတွေသုံးပြီး စာအုပ်တွေကို ဖတ်ဖို့ ပြင်ဆင်ကြည့်ပါ။ ဖတ်သမျှ အားလုံးမဟုတ်ရင်တောင် စာအုပ်အများစုကိုတော့ မှတ်မိနေစေလိမ့်မယ်ဆိုတာ အာမခံပါတယ်….။

(၁)။ ကိုယ်တကယ် စိတ်ဝင်စားမယ်ထင်တဲ့ စာအုပ်မျိုးကို ရွေးပါ

စာဖတ်မယ်ဆိုကတည်းက ကိုယ်တကယ်စိတ်ဝင်စားမယ်ထင်တဲ့စာအုပ်မျိုးကို ရွေးပါ။ ကိုယ်က ရသစာပေတွေကိုပဲ ဖတ်ရတာ စိတ်ဝင်စားတယ်ဆိုရင် သုတစာအုပ်တွေ၊ တက်ကျမ်းလိုစာအုပ်မျိုးတွေက ကိုယ့်အတွက် ပျင်းစရာကောင်းနေမှာပါ။ ဒီလိုဆိုရင် နည်းနည်းလေး စဖတ်ပြီးတာနဲ့ အဲဒီစာအုပ်ကို သင်ဆက်ဖတ်ချင်မှာမဟုတ်သလို ၊ အဆုံးအထိ ဖတ်မိတယ်ဆိုရင်တောင်မှ စာအုပ်ထဲက အကြောင်းအရာတွေက သင့်ဦးနှောက်ထဲကို ရောက်လာမှာမဟုတ်ပါဘူး။

LOGVINYUK YULIIA/Shutterstock
(၂)။ ဖတ်နေရင်း ရပ်လိုက်တာမျိုး မလုပ်ပါနဲ့

ကိုယ်က စိတ်ဝင်စားမယ်ထင်လို့ အဲဒီစာအုပ်ကို ဖတ်ဖို့ ဆုံးဖြတ်လိုက်ပြီဆိုရင် စာအုပ်ကို ပြီးဆုံးတဲ့အထိတော့ ဖတ်ပါ။ ဖတ်နေရင်း ပျင်းလာလို့ ဆက်မဖတ်တော့ပဲ ရပ်လိုက်တာက ဘာအကျိုးမှ မရှိသလို သင့်ရဲ့အချိန်တွေကို အလကားဖြုန်းတီးလိုက်သလိုပါပဲ။ တချို့စာအုပ်တွေက ဇာတ်သိမ်းခန်းရောက်ခါနီးလေ ပိုပြီး စိတ်ဝင်စားဖို့ကောင်းလေမို့ သင့်အနေနဲ့ စိတ်ရှည်ရှည်ထားပြီး ဖတ်သင့်ပါတယ်။

READ
နေ့စဉ်အသုံးစရိတ်လျော့ချနုိုင်တဲ့နေရာများ
(၃)။ စာအုပ်ထဲမှာ မရှင်းတဲ့အချက်တွေရှိနေရင် သေသေချာချာသိအောင် လေ့လာပါ

စာအုပ်ထဲမှာ ကိုယ်မရှင်းတဲ့အချက်တွေရှိနေတယ်ဆိုရင် ကျော်မသွားပဲ သေသေချာချာသိအောင်လေ့လာပါ။ ကိုယ်မရှင်းတဲ့အကြောင်းအရာတစ်ခု၊ ကိုယ်မရှင်းတဲ့ စကားလုံးတစ်လုံးက အစ သေသေချာချာသိအောင်လုပ်ပါ။ အဲဒီလို လုပ်ချင်းအားဖြင့် စာရေးသူဖော်ပြချင်တဲ့ ဆိုလိုရင်းကို ရှင်းရှင်းလင်းလင်း မြင်လာနိုင်သလို ကိုယ်တိုင်လည်း ဗဟုသုတ တိုးပွားလာစေပါလိမ့်မယ်။

VGstockstudio/Shutterstock
(၄)။ နည်းနည်းဖတ်ပြီး များများတွေးပါ

စာအုပ်တွေအများကြီး ဖတ်နိုင်တော့မှ ဆရာကြီးမဟုတ်ပါဘူး။ စာအုပ်ကောင်းတွေကို နည်းနည်းနဲ့ ထိထိရောက်ရောက်ဖတ်နိုင်ရင်လည်း ကိုယ့်အတွက် အကျိုးရှိတာပါပဲ။ တချို့က စာအုပ်တစ်အုပ်ကို နေ့တစ်ဝက်လောက်နဲ့ဖတ်နိုင်ကြသလို တချို့ကလည်း အချိန်တွေအများကြီးယူပြီး ဖတ်တတ်ကြတယ်။ အကောင်းဆုံးကတော့ နည်းနည်းဖတ်ပြီး များများတွေးဖို့ပါပဲ။ ကိုယ်ဖတ်နေတဲ့အကြောင်းအရာက မှန်ရဲ့လား၊ အပြင်လောကနဲ့ဘယ်လိုသက်ဆိုင်နေလဲ၊ စာရေးဆရာက ဘာပြောချင်တာလဲ…စသဖြင့် စာဖတ်နေရင်းနဲ့ တွေးတတ်တဲ့အလေ့အကျင့်လေးက သင့်ကို ပိုပြီး အကျိုးရှိစေပါလိမ့်မယ်။

READ
မိသားစုထဲမှာ အဒေါ်တွေက အထူးအရေးပါသူတွေ ဖြစ်ရတဲ့ အကြောင်းရင်းများ
(၅)။ စာရေးဆရာကို အထင်မသေးမိပါစေနဲ့

တချို့စာဖတ်သူတွေရဲ့ ပြဿနာက စာရေးဆရာဟာ ကိုယ့်လောက်တောင်မတော်ဘူးလို့ ထင်မိကြတာပါပဲ။ စာအုပ်တစ်အုပ်ကို ဖတ်နေရင်းက “ဘာတွေရေးထားမှန်းမသိဘူး၊ ငါဆိုရင်တောင် သူ့ထက်ကောင်းအောင် ရေးနိုင်သေးတယ်” လို့ ထင်လာမိတာမျိုး မကြာခဏ ဖြစ်နိုင်ပါတယ်။ စိတ်ထဲမှာ အဲဒီလို ထင်လာမိပြီဆိုတာနဲ့ ဒီစာအုပ်ကို ဆက်ဖတ်ချင်စိတ်မရှိတာမျိုး၊ စာအုပ်ထဲမှာပါတဲ့အကြောင်းအရာကို အယုံအကြည်မရှိတော့တာမျိုး ဖြစ်လာနိုင်တာပါပဲ။ အကောင်းဆုံးကတော့ စာရေးဆရာကို အထင်မသေးမိပါစေနဲ့။ စာအုပ်တစ်အုပ်ဖြစ်မြောက်အောင် ရေးဖို့ဆိုတာ လွယ်တာမျိုးမဟုတ်သလို သင်ကိုယ်တိုင်လည်း စာတစ်အုပ် မရေးနိုင်သေးဘူးမို့လား။

Ko Backpacko/Shutterstock

Linn

SHARE