အမျိုးသားတွေ တုပ်ကွေးဖြစ်တဲ့အခါ ကလေးတွေလိုဖြစ်သွားရတဲ့ အကြောင်းရင်း

Shutterstock/ Estrada Anton

လူတွေဟာ ဖျားနာတဲ့အခါ ဆေးဝါးတွေမှီဝဲပြီး အိပ်ရာပေါ်မှာ နာရီပေါင်းများစွာ နေကြရပါတယ်။ ဘယ်သူမဆို ဖျားနာတဲ့အခါ စိတ်မသက်မသာနဲ့ မလှုပ်ချင်မသယ်ချင်အောင် ဖြစ်ရပါတယ်။ ဒါပေမယ့် အမျိုးသမီးနဲ့ အမျိုးသား ဖျားနာတာခြင်း အတူတူမှာ အမျိုးသားတွေဟာ ဖျားတဲ့အခါ ပိုစိတ်ပျော့သွားပြီး ဂဂျီဂဂျောင်ပိုများလေ့ရှိကြောင်း Brightside မှာ တွေ့ရတဲ့သတင်းက ဆိုပါတယ်။

သိပ္ပံပညာရှင်တွေက ကျားနဲ့ မ သတ္တ၀ါတို့ရဲ့ ကိုယ်ခံအားစနစ်ကွာခြားပုံကို သုတေသနပြုခဲ့ကြပါတယ်။ သိပ္ပံပညာရှင်တွေဟာ ကြွက်တွေနဲ့ စမ်းသပ်ခဲ့ကြပြီး ကြွက်အထီးအမ၊ အသက်အရွယ်နဲ့ အအေးမိတုပ်ကွေးဝေဒနာခံစားရတဲ့အခါ သူတို့တွေရဲ့ တုံ့ပြန်ပုံတွေကို မှတ်သားခဲ့ပါတယ်။ ဒီအခါမှာ တွေ့ရှိရတာက ကြွက်မတွေဟာ အမဟော်မုန်းတစ်မျိုးဖြစ်တဲ့ estradiol ကြောင့် ကြွက်အထီးတွေထက် ပိုပြီး ကိုယ်ခံအားစနစ်ပိုကောင်းနေတယ်လို့ မှတ်ချက်ပေးခဲ့ပါတယ်။

Shutterstock/MIKE FOUQUE

ကိုယ်ခံအားစနစ်တွေနဲ့ ပတ်သက်လာရင် အမျိုးသားနဲ့ အမျိုးသမီးကြားမှာ ကွာခြားမှုရှိပါတယ်။ အမျိုးသားတွေဟာ အသက်ရှူလမ်းကြောင်းပိုင်းဆိုင်ရာ ဝေဒနာတွေကို ခံစားရတဲ့အခါ အမျိုးသမီးတွေထက် ပိုမိုဆိုးရွားတတ်ပါတယ်။ ဒါကြောင့် အအေးမိတုပ်ကွေးဖြစ်တဲ့အခါ အမျိုးသားတွေဟာ ဝေဒနာကို ပိုမိုခံစားရပြီး အခြေအနေဆိုးခဲ့ရင် ဆေးရုံတက်တဲ့အထိတောင် ဖြစ်ရနိုင်တယ်လို့ ဆိုပါတယ်။

READ
ဘဝမှာ လူဖြစ်ရကျိုးနပ်အောင်နေထိုင်နည်း (၅)မျိုး

အမျိုးသမီးတွေမှာတော့ estradiol ဟာ ကိုယ်ခံအားစနစ်ကို ကာကွယ်ပေးတဲ့ ဓာတ်ကူပစ္စည်းတစ်မျိုးဖြစ်တာကြောင့် အအေးမိ၊ တုပ်ကွေးဖြစ်နိုင်ခြေတွေနဲ့ ဝေဒနာခံစားရမှုဟာ အမျိုးသားတွေထက် သက်သာလျော့ပါးနိုင်ပါတယ်။ ဒီအချက်ကို အိမ်က မိသားစုဝင်တွေထဲမှာတော့ တွေ့ဖူးမယ်လို့ ထင်ပါတယ်။ တစ်ခါတစ်လေ အဖေတွေ၊ အစ်ကိုတွေ၊ ဦးလေးတွေဟာ သူတို့တုပ်ကွေးဖြစ်တဲ့အချိန်ကျရင် တငြီးငြီးတငြူငြူနဲ့ ပျော့ဖတ်ပြီး ကလေးတွေလို ဖြစ်ကုန်တာကို သတိပြုမိမှာပါ။

Shutterstock/ sipcrew

ဒါပေမယ့် အမေတွေ၊ အမတွေ ၊ အဒေါ်တွေ နေမကောင်းလို့ တုပ်ကွေးမိ၊ ဖျားတဲ့အခါမှာတော့ ဒီလောက်ကြီး အိပ်ရာထဲ လဲမနေပဲ ထူထူထောင်ထောင်နဲ့ လုပ်စရာရှိတဲ့ အလုပ်တွေကို လုပ်ကိုင်နိုင်ဆဲဆိုတာ တွေ့ရမှာပါ။ တကယ်တော့ အမျိုးသားနဲ့ အမျိုးသမီးဟာ ကိုယ်ခံအားစနစ်ခြင်းမတူညီတာကြောင့် အမျိုးသားတွေဟာ အအေးမိ၊တုပ်ကွေးဖြစ်တဲ့အခါ အမျိုးသမီးတွေထက် ပိုခံရကြောင်းကို သိပ္ပံနည်းကျ လေ့လာချက်အရ ဖော်ပြလိုက်ရပါတယ်။

READ
စားသလောက်မဝတဲ့ မိန်းကလေးတွေရဲ့ ကံကောင်းတဲ့အချက် (၅)ချက်

လင်းလင်း(ShweMom)

SHARE