ကားမောင်းရတာဟာ အင်မတန် လွယ်ကူရိုးရှင်းသလောက် ကားတစ်စီးကို ကိုယ်ကိုယ်တိုင် တည်ဆောက်ဖို့ဆိုတာ သာမန်လူတစ်ယောက်အတွက် အဲဒီလောက် မရိုးရှင်းပါဘူး။ ကားတစ်စီးတည်ဆောက်ဖို့နေနေသာသာ ကိုယ်မောင်းနေတဲ့ကားပျက်ရင်တောင်မှ ဝပ်ရှော့ကို တန်းပို့ရတာ ထုံးစံပါပဲ။ ဒါပေမယ့် အခုပြောပြချင်တဲ့ အမျိုးသားတစ်ယောက်ကတော့ သူ့ရဲ့ကိုယ်ပိုင်ကားတစ်စီးကို သူကိုယ်တိုင် သူ့လက်သူ့ခြေနဲ့ တည်ဆောက်ခဲ့တာ ဖြစ်ပါတယ်။ ဒီလိုမျိုး ကိုယ်ပိုင်ကားတစ်စီး တည်ဆောက်ဖို့အတွက် အဆိုပါ အမျိုးသားဟာ အချိန် ၃ လသာ ယူခဲ့ကြောင်း Storypick သတင်းဌာနမှ ဖော်ပြချက်အရ သိရှိရပါတယ်။
View this post on Instagram
အဲဒီအမျိုးသားကတော့ အိန္ဒိယနိုင်ငံ၊ Kereala ပြည်နယ်ရှိ Rakesh Babu လို့ အမည်ရတဲ့ အမျိုးသားတစ်ယောက်ပဲ ဖြစ်ပါတယ်။ ဒီလိုမျိုးကိုယ်ပိုင်ကားတစ်စီး တည်ဆောက်ခဲ့လို့ Rakesh ကို ပညာရှင်တစ်ဦးလို့ မထင်လိုက်ပါနဲ့။ Rakesh ဟာ သာမန်လူတစ်ဦးပါပဲ။ ဒီလိုမျိုးကားကို တည်ဆောက်ဖို့အတွက် Rakesh ဟာ သူ့အဖေရဲ့ ဝပ်ရှော့ရှိ တိုလီမုတ်စပစ္စည်းတွေကိုသာ အသုံးပြုပြီး တည်ဆောက်ခဲ့တာ ဖြစ်ပါတယ်။ သူတည်ဆောက်တဲ့ ကားကတော့ အဝါရောင် Volkswagen Beetle ကားအသေးစားလေးပဲ ဖြစ်ပါတယ်။
View this post on Instagram
ကားရဲ့ ဘော်ဒီကိုတော့ အသုံးမပြုတော့တဲ့ ကားတစ်စီးစီက ယူသုံးခဲ့တာ ဖြစ်ပြီး ကားရဲ့ အင်ဂျင်ကိုတော့ Suzuki Samurai ဆိုင်ကယ်ရဲ့ အင်ဂျင်ကို အသုံးပြုခဲ့တာ ဖြစ်ပါတယ်။ ကားတာယာတွေနဲ့ မီးလုံးတွေကိုတော့ သုံးဘီးဆိုင်ကယ်အပျက်တစ်စီးစီကနေ ယူသုံးခဲ့တာဖြစ်ပြီး ကားရဲ့ bumper ကိုတော့ မော်တော်ဆိုင်ကယ် အစုတ်တစ်စီးရဲ့ ဖရိန်နဲ့ တည်ဆောက်ခဲ့တာ ဖြစ်ပါတယ်။ အရှင်းဆုံးပြောရရင်တော့ ကားရဲ့ အင်ဂျင်ကလွဲပြီး ကျန်တဲ့ အစိတ်အပိုင်းတွေကို ကားဟောင်းတွေ၊ ဆိုင်ကယ်အပျက်တွေနဲ့ သူ့အဖေရဲ့ ကားဝပ်ရှော့က တိုလီမုတ်စတွေနဲ့သာ ၃ လအတွင်း တည်ဆောက်ခဲ့တာ ဖြစ်ပါတယ်။
View this post on Instagram
“ကားကတော့ Volkswagen Beetle အဝါရောင်ကားလေးနဲ့ တူအောင် တည်ဆောက်ခဲ့တာပါ။ သာမန်ကားတွေထက်တော့ တော်တော်လေးသေးပါတယ်။ ဒါပေမယ့် အထဲမှာ လူနှစ်ယောက်ကောင်းကောင်းထိုင်လို့ ရပါတယ်။ ၁ နာရီကို ကီလို ၄၀ လောက်အထိ မောင်းနိုင်ပြီး ဓာတ်ဆီ ၄ ဂါလန်ထည့်လို့ရပါတယ်။ ကျွန်တော်ကတော့ ဒီကားလေးကို တည်ဆောက်ရတာ တော်တော်လေးကို ပျော်ပါတယ်။ ကျွန်တော်ဒီကားလေးမောင်းသွားရင် လူတွေက တော်တော်လေးကြည့်ပြီး ကျွန်တော့်ရဲ့ ကားတည်ဆောက်ထားတဲ့ လက်ရာလေးကိုလည်း ချီးကျူးကြပါတယ်”လို့ Rakesh က LinkedIn သတင်းဌာနကို ပြောကြားခဲ့ပါတယ်။
Pyi Hein Kyaw
