တစ်သက်လုံး ထိုင်စားလို့မကုန်တဲ့ ငွေတွေစုမိခဲ့လို့ (၂၄) နှစ်မှာပဲ အငြိမ်းစားယူခဲ့တဲ့သူ

Twitter-Mike Rosehart

ကျွန်တော်တို့ဟာ ဆယ်ကျော်သက်အရွယ်ကစလို့ အသက် ၂၀၊ ၃၀၊ ၄၀ တန်း တချို့ဆိုရင် ၅၀၊ ၆၀ တန်းအထိ ကို စားဝတ်နေရေးအတွက် ရုန်းကန်လှုပ်ရှားရ၊ ပူပင်နေရတုန်းပဲမဟုတ်လား။ တကယ်တော့ ဘယ်သူမဆိုတော့ အသက်ကြီးလာရင် အနားယူချင်ကြတာချည်းပါပဲလေ။ ဒီအတွက် ဒီလူငယ်လေးကတော့ ကျွန်တေ်ာတို့အတွက် သဓကကောင်းတစ်ခု ဖြစ်မယ်လို့ မြင်မိပါတယ်။

သူဟာ တက္ကသိုလ်ကျောင်းသားဘဝကစ အလုပ်လုပ်ခဲ့ပြီး အသက် ၂၄ နှစ်မှာတော့ တစ်သက်လုံးအတွက် ဘဏ္ဍာရေးဖူလှုံသွားခဲ့တာကြောင့် အလုပ်မလုပ်ဘဲ ထိုင်စားနိုင်တဲ့အခြေအနေကို ရောက်ရှိသွားခဲ့တာပဲဖြစ်ပါတယ်။ ဘဝမှာ သူဘယ်လိုရုန်းကန်ခဲ့တယ်ဆိုတဲ့ နည်းလမ်းတွေကို ကျွန်တော်တို့ တစ်ချက်လောက် လေ့လာလိုက်ကြရအောင်လား။ Lad Bible မှ ကိုးကားဖော်ပြပေးလိုက်ပါတယ်။

သူ့နာမည်ကတော့ Mike Rosehart ပါ။ အလုပ်လုပ်တုန်းကတော့ IT Business Analyst အဖြစ် လုပ်ကိုင်ခဲ့သူတစ်ယောက်ပါ။ အခုဆိုရင်တော့ Mike ဟာ အသက် ၂၇ နှစ်ရှိလို့နေပြီဖြစ်ပြီး သာယာလှတဲ့မိသားစုဘဝလေးကို အချိန်ပေးရင်း ပျော်ရွှင်စွာနေထိုင်နေပါတယ်။

Twitter-Mike Rosehart

Mike ရဲ့ လျှို့ဝှက်ချက်ကတော့ (၁) အနည်းဆုံးသုံးပါ (၂) ရသမျှကုန်ရုန်းရှာပါ (၃) သူများနဲ့လိုက်မယှဉ်ပါနဲ့တဲ့။ ဒါပေမဲ့ သူ့အတွက် အခက်ခဲဆုံးအပိုင်းကတော့ ဒီစည်းကမ်းချက်တွေအကုန်လုံးကို လိုက်နာတာပါပဲတဲ့လေ။

သူ့ရဲ့ငယ်ဘဝက သာမန်ဘဝမျိုးအနေနဲ့တောင် ပြည့်စုံစွာမနေခဲ့ရပါဘူး။ ဘာကြောင့်ဆိုရင် တစ်ဦးတည်းရပ်တည်နေတဲ့ မိခင်ရဲ့လက်အောက်မှာ ကြီးပြင်းခဲ့ရသူဖြစ်ပါတယ်။ ဒါကြောင့် တက္ကသိုလ်တက်တော့လည်း မိခင်ကို ဒုက္ခမပေးချင်တဲ့အတွက်ကြောင့် ပညာတော်သင်ဆုရအောင် ကြိုးစားခဲ့ပါတယ်။ တကယ်လည်း ပညာတော်သင်ဆုရခဲ့ပါတယ်။

အသက် ၁၇ နှစ်အရွယ် တက္ကသိုလ်စစတက်ချင်းမှာတင် Mike ဟာ အလုပ်စလုပ်ခဲ့ပါတော့တယ်။ သာမန်ဝန်ထမ်းလစာထက် များတယ်ဆိုရုံလောက်ပဲများတဲ့ ပမာဏနဲ့ တက္ကသိုလ်တက်ရင်း လုပ်ခန်းခွင်ထဲစဝင်သွားခဲ့ပါတယ်။ နွေရာသီကျောင်းလည်းပိတ်ရော နယ်စပ်ဝန်ဆောင်မှုမှာ အလုပ်ရခဲ့ပြီး အရင်အလုပ်ထက် လစာ ပိုကောင်းကောင်းရခဲ့ပါတယ်။

ဒါနဲ့ပဲ ဒုတိယနှစ်မှာပဲ ကိုယ့်ဝင်ငွေနဲ့ကိုယ် အခန်းငှားနေနိုင်ခဲ့ပါတော့တယ်။ ဒါပေမဲ့ အဲဒီအချိန်တုန်းက တစ်ခန်းကို ဒေါ်လာ ၄၀၀ လောက် ပေါက်နေတဲ့အချိန်မှာ သူ့အခန်းက ဒေါ်လာ ၂၀၀ ကျော်ပဲရအောင်ရှာငှားခဲ့တာပဲဖြစ်ပါတယ်။ဒါဟာ Mike ရဲ့ အသုံးစရိတ်ခြွေတာမှုပါ။ အခန်းကဈေးပေါတော့ ခုတင်တစ်လုံးနဲ့ ပစ္စည်းတချို့လောက်ပဲ ထားလို့ဆန့်ပေမယ့်လို့ ညဖက်အိပ်ရုံလောက်ပဲဆိုတော့ Mike အတွက် အဆင်ပြေတယ်လေ။

READ
ပေါင် (၆၀၀) အထက်ကနေ မယုံနိုင်စရာကောင်းလောက်အောင် ၀ိတ်ချနိုင်ခဲ့တဲ့ သူတို့တွေ…
Twitter-Mike Rosehart

နောက် ချစ်သူရလာတော့ ချစ်သူနဲ့ ၄၅၅ ဒေါ်လာတန်အခန်းလေး တစ်ခန်းအတူတူငှားနေခဲ့ပြီး wifi ကိုတောင် အိမ်နီးနားချင်းတွေနဲ့ စပ်တူသုံးကာ အသုံးစရိတ်ကို ခြွေတာခဲ့တာပါ။ နောက် သွားရေးလာရေးအတွက်ကိုလည်း ဘတ်စ်ကားခတို့၊ မြေအောက်ရထားခတို့မကုန်စေချင်လို့အတွက် စက်ဘီတစ်စီးကို အောက်ဈေးနဲ့ဈေးပေါပေါဝယ်ခဲ့ပြီး ချစ်သူနှစ်ယောက် ဘယ်သွားသွားစက်ဘီးလေးနင်းကာ သွားခဲ့ကြပါတယ်တဲ့လေ။

တကယ်တော့ Mike ဟာ FIRE ဆိုတဲ့နည်းလမ်းတစ်ခုကို လိုက်နာနေခဲ့တာပါ။ အကျယ်ဖြန့်ရရင်တော့ “Financial  Independence and Retire Early” ပဲဖြစ်ပါတယ်။ ပိုက်ဆံတွေကိုလည်း တတ်နိုင်သလောက် အပိုကုန်အောင် လုံးဝမသုံးခဲ့ပါဘူး။ ဥပမာ ချစ်သူနဲ့ဒိတ်ရင် အပြင်မှာဝယ်စားမယ့်အစား အိမ်မှာပဲ ချက်စားတာတို့၊ အိမ်မှာပဲ ရုပ်ရှင်ကြည့်တာတို့လိုမျိုးပေါ့။ နောက် အင်္ကျီဆိုရင်လည်း အသစ်မဝယ်၊ ဖုန်းဆိုလည်း မော်ဒယ်အသစ်ထွက်တိုင်း မဝယ်ခဲ့ပါဘူးတဲ့။ ပစ္စည်းတစ်ခုကို လုံးဝသုံးမရမှ အသစ်ဝယ်ခဲ့တာပါ။

ဒီလို FIRE နည်းလမ်းကိုလည်း ချစ်သူသ သဘောကျတဲ့အတွက် သူမကိုယ်တိုင်ပါ Mike လို လုပ်ခဲ့ပါတော့တယ်။ ဒါကြောင့် အသက် ၁၉ နှစ်မှာပဲ နှစ်ယောက်သား ခြိုးခြံခြွေတာရင်း နေထိုင်ရာ လန်ဒန်မှာပဲ အိမ်လေးတစ်လုံး ဝယ်ခဲ့ပါတော့တယ်။ အဲဒီအိမ်ဟာလည်း ဒေါ်လာ ၁ သိန်းခွဲရှိနေတဲ့အတွက် သူတို့စုထာားသမျှ အကုန်လုံးနီးပါး ကုန်သွားခဲ့ပါပြီ။ ဒါကြောင့် အိမ်စရိတ်ပြန်ကာမိအောင်ဆိုပြီး Mike ဟာ အိမ်ထဲမှာရှိသမျှ အခန်းတွေအားလုံးကို အိမ်ငှားတင်ခဲ့ပါတော့တယ်။ သူရယ်၊ ချစ်သူရယ် နောက်ထပ် အိမ်ငှား ၄ ယောက်ရယ်ပေ့ါ။ မြေအောက်ခန်းမှာ နေတဲ့ အိမ်ငှားကတော့ အိမ်လခအစား လျှပ်စစ်မီတာကို ပေးဆောင်ရင်းနေစေခဲ့ပါတယ်တဲ့။

ဒီလိုနဲ့ ကျောင်းတက်လိုက်၊ အလုပ်လုပ်လိုက်၊ ပိုက်ဆံစုလိုက်နဲ့ နှစ်ယောက်သားကျောင်းပြီးသွားတဲ့အချိန်မှာတော့ ပညာသင်စရိတ်အကြွေးကင်းမဲ့စွာနဲ့ပဲ ဘွဲု့ယူခဲ့ရတဲ့အပြင်ကိုမှ ဘဏ်ထဲမှာပါ စုငွေတွေပါရှိနေခဲ့ပါပြီ။ ဒါဟာ အနောက်နိုင်ငံက သာမန်လူစားတန်းတွေမှာတောင် မဖြစ်နုိုင်တဲ့ ကိစ္စတစ်ခုပါ။

ဒီလိုနဲ့ Mike ဟာ သူ့ထက် အသက် ၁ နှစ်ကြီးတဲ့ချစ်သူနဲ့ ၂၀၁၄ ခုနှစ်မှာ လက်ထပ်ခဲ့ပါတော့တယ်။ အဲဒီအချိန် Mike ဟာ တစ်လကို ဒေါ်လာ ၃,၅၀၀ ရခဲ့ပြီး ဇနီးသည်ကတော့ တစ်လကို ဒေါ်လာ ၁၃၀၀ ကျော်နဲ့ ရပ်တည်ခဲ့ပါတယ်။ နောက်ထပ် အိမ်တစ်လုံးထပ်ဝယ်ဖို့အတွက် အိမ်တန်ဖိုးရဲ့ ၈၀% ကို ဘဏ်မှ ပိုက်ဆံချေးခဲ့ပြီး အိမ်တန်ဖိုးကျေတဲ့အထိ Mike ရဲ့ လစာထဲကပေး ပိုတဲ့ငွေတွေကို စု၊ အသုံးစရိတ်ကိုတော့ ဇနီးရဲ့ငွေထဲက ပေးနဲ့ နေလာရင်း ၃ နှစ်အတွင်းမှာပဲ လုံးချင်းအိမ်လေးတွေ၊ တိုက်ခန်းတွေ ၁၀ နေရာလောက် ပိုင်ဆိုင်သွားခဲ့ပါပြီ။

READ
ကောနေတဲ့ ရေကန်တွေကို ပြန်အသက်သွင်းပေးနေတဲ့ (၂၆) နှစ်အရွယ် သူရဲကောင်းလေး

အဲဒီအချိန် Mike တစ်ယောက် အသက် ၂၄ နှစ်။ ကုမ္ပဏီမှာလည်း ဝန်ထမ်းအဖြစ်လုပ်ကိုင်နေတုန်းပါ။ ဒါပေမဲ့ သူ့ရဲ့ ရည်မှန်းချက်က ဒေါ်လာ ၄၈၅,၀၀၀ စုမိတာနဲ့ အလုပ်မလုပ်ဘဲ ထိုင်စားဖို့ဆိုတော့ သူ့မှာရှိတဲ့ ပိုင်ဆိုင်မှုတွေဟာ ဒေါ်လာ ၇၆၀,၀၀၀ တောင်ရှိနေခဲ့ပြီမလို့ မိသားစုတစ်စုလုံး အသက်သေသည့်တိုင်းအောင် လောက်လာက်ငှငှနဲ့ လူတန်းစေ့နေနိုင်တဲ့အပြင်ကို ခရီးတွေပါ သွားလာနိုင်တဲ့အခြေအနေမျိုးပါ။ ဒါကြောင့် အသက် ၂၄ နှစ်မှာ စောစောစီးစီးနဲ့ အနားယူဖို့ ဆုံးဖြတ်ခဲ့ပါတော့တယ်။

Twitter-Mike Rosehart

ဒါနဲ့ ၂၀၁၇ ခုနှစ် ဇန်နဝါရီလမှာတော့ သူဌေးကို အလုပ်ထွက်မယ်ဆိုပြီး ပြောခဲ့ပါတယ်။ သူဌေးက သူ့ကို အသက် ၂၀ ကျော်လူငယ်တွေဖြစ်လေ့ဖြစ်ထရှိတဲ့ စိတ်ဓာတ်ကျပြီး ကယောက်ကယက်ဖြစ်တယ်ဆိုပြီး ထင်ကာ မင်းကို အချိန် ၆ လပေးမယ်၊ ဒီကြားထဲ ပြန်လာချင်လာဆိုပြီးတောင် ပြောခဲ့ပါတယ်တဲ့။ Mike တစ်ယောက် အနားယူလည်းပြီးရော တစ်နှစ်အကြာမှာ ဇနီးသည်လည်း အနားယူခဲ့ပါတယ်။ အခုဆိုရင် မိသားစုတစ်စုလုံးရဲ့ အသုံးစရိတ်ဟာ ဒေါ်လာ ၂,၃၀၀ ရှိနေပါတယ်။ ဒါကြောင့် အချိန်ရရင်ရသလို ခရီးတွေလည်းထွက်နေကာ မိသားစုနဲ့ ပျော်ပျော်ရွှင်ရွှင်ဘဝလေးကို ဖြတ်သန်းနေခဲ့ပါပြီ။

Mike ရဲ့ နည်းလမ်းလေးတွေကိုတော့ သူ့ရဲ့ဒီ YouTube Channel မှာ အခမဲ့လေ့လာနိုင်ပါတယ်နော်။

Penny

SHARE