လက်ထပ်ပြီးစ ဇနီးမောင်နှံတွေအတွက် ငွေကြေးစီမံခန့်ခွဲနိုင်မယ့်အကြံပြုချက်(၅)ချက်

Anucha Naisuntorn/Shutterstock

ချစ်သူတွေဘ၀တုန်းက ကိုယ့်ရဲ့ဝင်ငွေနဲ့ ပတ်သက်လို့ ပြဿနာမရှိပေမယ့် လက်ထပ်ပြီးသွားပြီဆိုရင်တော့ ဘာပဲဖြစ်ဖြစ် ကိုယ့်တစ်ယောက်တည်းအတွက် တွေးလို့မရတော့ပါဘူး။ ပစ္စည်းတစ်ခုခုဝယ်ရင် ကိုယ်လိုအပ်တာလည်းဝယ်ရမယ်၊ သူလိုအပ်တာလည်းဝယ်ရမယ်၊ အိမ်အတွက်လိုနေလားဆိုတာလည်း တွေးရမယ်။ ဒီလိုနဲ့ အသုံးစရိတ်ကလည်း ပိုများလာမှာပါ။

ဒီဆောင်းပါးလေးမှာတော့ လက်ထပ်ပြီးစ ဇနီးမောင်နှံတွေအတွက် ငွေကြေးကို ဘယ်လိုစီမံခန့်ခွဲမလဲဆိုိတဲ့ အကြံပြုချက်လေးတွေ ထည့်သွင်းပေးထားပါတယ်။ အသုံးဝင်၊မ၀င် ဆိုတာတော့ ဖတ်ကြည့်လိုက်ဦးနော်။

(၁)။ နှစ်ယောက်ဝင်ငွေစုစုပေါင်းကို အရင်တွက်ပါ

နှစ်ယောက်သား ရရှိမယ့်ဝင်ငွေ စုစုပေါင်းကို အရင်တွက်ဖို့လိုပါတယ်။ တစ်ယောက်ချင်းစီရဲ့ အသုံးစရိတ်ရှိမယ်၊ အိမ်အသုံးစရိတ်ရှိမယ်၊ ဒီကြားထဲမှာ ပေါ်လာမယ့် သာရေးနာရေးစားရိတ်တွေရှိမယ်။ အဲဒီအတွက် ကဏ္ဍတစ်ခုစီအလိုက် ကုန်မယ့်ငွေပမာဏကို သပ်သပ်စီဖယ်ထားဖို့ လိုပါလိမ့်မယ်။ ကုန်ကျစရိတ် စုစုပေါင်းက နှစ်ယောက်ဝင်ငွေထက် ကျော်မသွားဖို့တော့ လိုတာပေါ့။

Masson/Shutterstock
(၂)။ လိုအပ်တဲ့ပစ္စည်းတွေဝယ်ဖို့ ပိုက်ဆံစုပါ

ကိုယ်က အိမ်ဝယ်ချင်တာ၊ ဒါမှမဟုတ် ကားဝယ်ဖို့လိုနေတာ၊ ဒီလိုမှမဟုတ်ရင်လည်း ပရိဘောဂတွေ ၀ယ်ချင်နေတာ စသဖြင့် ကိုယ်လိုတာလေးတွေရှိပါလိမ့်မယ်။ ဒီလိုဆိုရင် နှစ်ယောက်သားတိုင်ပင်ပြီး အရေးတကြီးလိုအပ်တာက ဘာလဲ၊ ဘာကိုအရင်ဆုံးဝယ်မလဲဆိုတာ ဆုံးဖြတ်ပါ။ ဆုံးဖြတ်ပြီးတဲ့နောက် အဲဒါကို ၀ယ်နိုင်ဖို့အတွက် ပိုက်ဆံစုဖို့ပါပဲ။ နှစ်ယောက်ပေါင်းဝင်ငွေထဲက အနည်းဆုံး (၃)ပုံ(၁)ပုံလောက်ကို စုနိုင်ဖို့ ကြိုးစားသင့်ပါတယ်။

READ
သင့်ချစ်သူ ဂေးတစ်ယောက်ဖြစ်လား မဖြစ်လား သိနိုင်မယ့် အချက် ၄ ချက်
TijanaM/Shutterstock
(၃)။ မလိုအပ်ပဲသုံးတာတွေကိုလျော့ပါ

သူရော ကိုယ်ရောက အရင်လို လူလွတ်တွေ မဟုတ်ကြတော့ဘူး။ ဒီတော့ အရင်တုန်းကလိုမျိုး နှစ်ယောက်သား စိတ်ထင်ရာ သုံးဖို့ဆိုတာ မဖြစ်နိုင်တော့ဘူးလေ။ ပိုက်ဆံအပိုထွက်လာဖို့အတွက် မလိုအပ်ပဲ သုံးနေမိတာတွေကို လျော့ရပါမယ်။ တကယ်လိုအပ်တဲ့ပစ္စည်းမျိုးမဟုတ်ပဲ ၀ယ်မိနေတာ၊ အပန်းဖြေဖို့အတွက် ပိုက်ဆံတွေ အများကြီးသုံးနေတာ စတာတွေကို လျော့ပြီး အိမ်အတွက် လိုအပ်တဲ့ ပစ္စည်းတွေဝယ်နိုင်ဖို့ ကြိုးစားရပါမယ်။

(၄)။ အကြွေးတွေ မရှိပါစေနဲ့

တစ်ကိုယ်ရည်ဘ၀မှာ အကြွေးတွေနဲ့ လုံးလည်ချာလည်လိုက်နေတာက ဘာမှမဖြစ်ပေမယ့် အိမ်ထောင်သည်ဘ၀မှာတော့ တတ်နိုင်သလောက် အကြွေးကင်းအောင်နေသင့်ပါတယ်။ နှစ်ယောက်သား ပေးရမယ့်အကြွေးတွေရှိနေရင်လည်း အမြန်ဆုံးသာ ဆပ်ပလိုက်ပါ။ အကြွေးတွေရှိနေသရွေ့ ပိုက်ဆံစုဖို့လည်း ဖြစ်လာနိုင်မှာမဟုတ်ပဲ နှစ်ယောက်ကြားထဲမှာလည်း မကြာခဏ စကားများရတာမျိုး၊ မပြေလည်ဖြစ်တာမျိုးတွေ ရှိလာနိုင်လို့ အကြွေးပြဿနာကို အရင်ရှင်းကြပါ။

READ
ချက်ချင်းလက်ငင်း သင့်ကိုယခင်ထက်ပိုလှပနေစေမယ့် နည်းလမ်းကောင်းများ
pathdoc/Shutterstock
(၅)။ နှစ်ဦးပိုင်တဲ့ ဘဏ်အကောင့်တစ်ခုဖွင့်ပါ

ပိုက်ဆံစုပြီဆိုမှတော့ ဘဏ်အကောင့်တစ်ခုကတော့ ကျိန်းသေရှိရမှာပါ။ ဒါပေမယ့် သူ့နာမည်နဲ့ ဖွင့်ပေးပြန်ရင်လည်း သူက သုံးပလိုက်မှာကြောက်ရတယ်။ ကိုယ့်နာမည်နဲ့ဖွင့်ပြန်တော့လည်း သူက မယုံမကြည်ဖြစ်မှာစိုးရ။ အကောင်းဆုံးကတော့ နှစ်ယောက်သား မျှဝေသုံးနိုင်တဲ့ ဘဏ်အကောင့်တစ်ခု ဖွင့်ပါ။ ဒါမှ မိသားစုရဲ့ ငွေအ၀င်အထွက်ကို မြင်သာထင်သာ ရှိစေမှာဖြစ်ပြီး တစ်ယောက်ယောက်မသိပဲ ပိုက်ဆံတွေ သုံးပလိုက်တာမျိုးလည်း မဖြစ်တော့ဘူးပေါ့။

Linn

SHARE