လူတွေ အိပ်မောကျခါနီး ခန္ဓာကိုယ် ဆတ်ခနဲ တွန့်လှုပ်သွားရတဲ့ အကြောင်းရင်း

လူတွေရဲ့ အချိန်တော်တေ်ာများများဟာ အိပ်စက်ခြင်းနဲ့ပဲ ကုန်ဆုံးကြပါတယ်။ ပျမ်းမျှလူတစ်ယောက်အနေနဲ့ တစ်နေ့ကို (၈) နာရီအိပ်ဖို့ လိုအပ်ပါတယ်။ ဒါကြောင့်လည်း လူ့ဘ၀ရဲ့ သုံးပုံတစ်ပုံကို အိပ်စက်ခြင်းနဲ့ပဲ ဖြုန်းမိကြတာပါ။ စာဖတ်သူတို့အနေနဲ့ အိပ်ပျော်ခါနီးတဲ့အခါ ကိုယ်လုံးက ဆတ်ခနဲလှုပ်သွားတဲ့ အဖြစ်မျိုး ကြုံဖူးကြမှာပါ။

pexels

၎င်းအဖြစ်နဲ့ ပတ်သက်လို့ အယူအဆတွေကတော့ အမျိုးမျိုးရှိပါတယ်။ အချို့သူတွေကတော့ ၀ိညာဉ်တွေက စနောက်လို့ပါလို့ ဆိုကြပြီး အချို့ကျတော့လည်း တစ်နေ့လုံး ပင်ပန်းလာလို့ဆိုပြီးတော့ ပြောကြပါတယ်။ လူအများစုဟာ နှစ်နှစ်ခြိုက်ခြိုက် အိပ်ပျော်ခါနီး မိနစ်ပိုင်းအလိုမှာ ခန္ဓာကိုယ်က အလိုအလျောက် ဆတ်ကနဲ လှုပ်တတ်လေ့ရှိပါတယ်။ (၆၀-၇၀) ရာခိုင်နှုန်းလောက်ရှိတဲ့ လူတွေကတော့ အိပ်မက်မက်ခါနီးရင် တွန့်တာ လှုပ်တာတွေ ရှိတတ်ပါတယ်။ ခန္ဓာကိုယ် ဆတ်ခနဲလှုပ်တယ်ဆိုတဲ့ နေရာမှာ ခြေထောက်လှုပ်သွားတာ၊ လက်လှုပ်သွားတာတွေ အပြင် ပြုတ်ကျသွားသလို ခံစားမှုမျိုးပါ ပါဝင်ပါတယ်။ တစ်ခါတစ်လေ လှုပ်ရှားမှု အရမ်းပြင်းထန်သွားတဲ့ အခါမျိုးမှာတော့ လူပါလန့်နိုးလာတာတွေပါ ဖြစ်တတ်ပါတယ်။

READ
တစ်နေ့ဆေးလိပ်(၄၀)သောက်တယ်ဆိုတဲ့ ကလေးငယ် ဆေးလိပ်ပြတ်

လူတွေဟာ နှစ်ခြိုက်စွာ အိပ်မပျော်ခင်မှာ မိန်းမောနေတဲ့ အခိုက်အတန့်လေး ရှိပါတယ်။ ဒီအဆင့်ဟာ သိစိတ်ကနေ မသိစိတ်ကို ကူးပြောင်းနေတဲ့ အခိုက်ပဲ ဖြစ်ပါတယ်။ ပုံမှန်ဖြစ်ရိုးဖြစ်စဉ် ဖြစ်တာကြောင့် မထူးဆန်းဘူးလို့ ဆိုနိုင်ပေမယ့် ဒီအဆင့်မှာ ခန္ဓာကိုယ်တွင်း ပြုပြင်ပြောင်းလဲမှုတွေ အများကြီးဖြစ်သွားပါတယ်။ သိပ္ပံပညာရှင်တွေကတော့ ဒါကို myoclonus လို့ခေါ်ပါတယ်။

pexels

ထိုအချိန်မှာ ဦးနှောက်ထဲက အစိတ်အပိုင်း နှစ်ခုကတော့ အလုပ်လုပ်နေပါတယ်။ သိစိတ်ကနေ မသိစိတ်ကို ကူးပြောင်းတဲ့အဆင့်မှာ နိုးကြားအောင် ထိန်းချုပ်ပေးတဲ့ Reticular  Activating System (RAS) နဲ့ အိပ်ပျော်အောင် ထိန်းချုပ်ပေးတဲ့ Ventrolateral Preoptic Nucleus (VLPO) ဆိုပြီးတော့ အစိတ်အပိုင်းနှစ်ခုပါ။ လူတွေအိပ်ပျော်ခါနီးဆဲဆဲမှာ ထိုအပိုင်းနှစ်ပိုင်းက အပြိုင်အဆိုင်တွန်းတိုက်ပြီး အလုပ်လုပ်နေတာကြောင့် နာ့ဗ်ကြောတွေ ကမောက်ကမဖြစ်ပြီး အခုလို ခန္ဓာကိုယ် ဆတ်ခနဲ တွန့်လှုပ်တာတွေ ဖြစ်ရတယ်လို့ ပညာရှင်တွေ အဆိုအရ သိရပါတယ်။

READ
အထိုင်များသူများ ကျန်းမာရေးမထိခိုက်အောင်ဘယ်လိုလုပ်မလဲ

လင်းလင်း (ShweMom)

Ref: elitereaders

SHARE