(-၇၀) ဒီဂရီရှိတဲ့ အန္တာတိကဒေသမှာ ဟင်းချက်ဖို့ကြိုးစားခဲ့ရာမှ ထွက်ပေါ်လာတဲ့ ဓာတ်ပုံများ

10/10/2018

Cyprien Verseux ဆိုသူဟာ အန္တာတိကဒေသမှာ တည်ထားတဲ့ Concordia Station project တစ်ခုမှာ အလုပ်လုပ်နေတဲ့ ပညာရှင်တစ်ဦးဖြစ်ပါတယ်။ အအေးဆုံးဆိုတဲ့ ဝင်ရိုးစွန်းဒေသဖြစ်တဲ့ အန္တာတိကဒေသရဲ့ အပူချိန်ဟာတော့ ပျမ်းမျှ -70°C လောက် ပုံမှန်ရှိနေတတ်ပါတယ်။

@CyprienVerseux/Twitter

Cyprien ဟာ နမူနာပစ္စည်းတွေ ကောက်ဖို့မရှိတဲ့အချိန် အလုပ်အားလပ်နေချိန်တွေမှာဆိုရင်တော့ သူတည်ထောင်ထားတဲ့ Blog မှာ အခုလို မြေကြမ်းရေကြမ်းရာသီဥတုဆိုးရွားလှတဲ့ ဒေသမှာနေရတဲ့ အတွေ့အကြုံလေးတွေကို ပြန်လည်မျှဝေလေ့ရှိပါတယ်။

Cyprien နဲ့အတူ ဆယ်ယောက်မျှသာရှိတဲ့ နည်းပညာရှင်၊ သိပ္ပံပညာရှင်တွေနဲ့ ဆရာဝန်၊ အစားအသောက် ချက်ပြုတ်စီစဉ်သူ စုစုပေါင်း (၁၃) ယောက်တို့ဟာ Concordia Station မှာ လေ့လာရေး လုပ်ဖို့အတွက် တစ်နှစ်မှာ (၉) လတိတိ နေခဲ့ရပါတယ်။ ဆောင်းတွင်းကာလ (၃) လမှာတော့ လူမပြောနဲ့ စက်ကိရိယာတွေပါ ဘယ်လိုမှ မလည်ပတ်နိ်ုင်တာကြောင့် သူတို့တွေ အိမ်ပြန်ခွင့်ရတဲ့ အလုပ်ပိတ်ကာလလေးပဲဖြစ်ပါတယ်။

READ
ထိုင်းလူမျိုးတို့ စွဲစွဲထင်ထင်ရှိနေတဲ့ အကျော်ကြားဆုံး သရဲမပုံပြင်

အေးလွန်းတာကြောင့် အောက်ဆီဂျင်နည်းပါးခြင်း၊ ရေခဲပြင်မှအပ ဘာမှမရှိခြင်းတို့ကြောင်း သူတို့ (၁၃) ယောက်စလုံးဟာ မသိရင် တခြားကမ္ဘာရောက်နေတဲ့အလားတောင် ထင်မိကြပါတယ်တဲ့။ ဝင်ရိုးစွန်းဒေသဖြစ်တဲ့အတွက် နေကိုလည်း နေ့တိုင်းမြင်လေ့မရှိသလို ဒီနှစ်ထဲမှာတော့ နေကို နောက်ဆုံးမြင်ခဲ့တာဟာ ဩဂုတ်လကပဲဖြစ်ပါတယ်လို့ Cyprien က ဆိုပါတယ်။ လေထုဟာ စိုစွတ်ခြင်းမရှိဘဲ အောက်ဆီဂျင်နည်းပါးတာကြောင့် အပြင်ထွက်ရင် အသက်ရှူဖို့တောင် ခက်ခဲလေ့ရှိပါတယ်။

@CyprienVerseux/Twitter
@CyprienVerseux/Twitter

အလုပ်အားနေတဲ့အချိန်တွေကျ ဘာမှလုပ်စရာမရှိတာကြောင့် သူ့ Blog မှာ ပြန်တင်ဖို့အတွက် အပြင်ထွက်ပြီး အစားအသောက်ချက်ပြတာတွေ၊ အန္တာတိကဒေသရဲ့ အလှအပရှုခင်းတွေ၊ ကြယ်တာရာအောက်မှာ နေရတဲ့ခံစားချက်မျိုးတွေ၊ ရေပက်လိုက်ရင် ချက်ချင်းအေးသွားတာတွေစတဲ့ သာမန်ဒေသတွေမှာ ဖြစ်ခဲတွေ့ခဲလှတဲ့ မြင်ကွင်းနဲ့ ပုံရိပ်တွေအတွက် ဓာတ်ပုံရိုက်ကူးလေ့ရှိပါတယ်။

@CyprienVerseux/Twitter
@CyprienVerseux/Twitter

ကြက်ဥဖောက်လိုက်တာ ချက်ချင်းခဲသွားတာတို့၊ ခေါက်ဆွဲစားဖို့ ခက်ရင်းကို မြှောက်လိုက်တဲအခါ ခေါက်ဆွဲကြီးက တောင့်သွားတာတို့ စတဲ့ ဓာတ်ပုံလေးတွေကို ခံစားကြည့်လိုက်ပါဦးနော်။

@CyprienVerseux/Twitter
@CyprienVerseux/Twitter
@CyprienVerseux/Twitter
@CyprienVerseux/Twitter
@CyprienVerseux/Twitter

Source: Boredpanda, @CyprienVerseux/Twitter

Penny

SHARE