စိတ်ကူးထဲက တည်ဆောက်မှုတွေကို လက်တွေ့အတိုင်း ဖြစ်စေမယ့် HoloLens 2

ဘာစီလိုနာမှာ ကျင်းပတဲ့ MWC အလက်ထရောနစ် ပြပွဲကြီးမှာတော့ Microsoft ကုမ္ပဏီက ၎င်းကနေ နောက်ဆုံးထွက်ရှိလာတဲ့ HoloLens 2 virtual reality headset ကို မိတ်ဆက်ပြသခဲ့ပါတယ်။ ယခု HoloLens 2 ဟာ ၂၀၁၅ ခုနှစ်က စတင်ထွက်ရှိခဲ့တဲ့ HoloLens ထက် resolution ပိုများတာရယ်၊ တပ်ဆင်လို့ ပိုအဆင်ပြေလာတာရယ်နဲ့ view ပိုကျယ်ဝန်းလာတာရယ်တို့မှာ အားသာချက်ေတွ ရှိနေပါတယ်။

techcrunch

Microsoft က ထုတ်တဲ့ HoloLens အကြောင်းကို သေချာမသိသေးသူတွေနဲ့ အရင်မိတ်ဆက်ပေးချင်ပါတယ်။ HoloLens ဆိုတာ virtual reality headset ဖြစ်ပြီး တပ်ဆင်အသုံးပြုသူတွေကို 3D ပုံရိပ်တွေ မြင်စေနိုင်တဲ့ သုံးဖက်မြင် ကွန်ပြူတာတစ်လုံးလို လုပ်ဆောင်ပေးနိုင်ပါတယ်။ တကယ့်လက်တွေ့ပတ်ဝန်းကျင်နဲ့ သုံးဖက်မြင် ဒေတာပုံရိပ်တွေကို ပေါင်းစည်း မြင်တွေ့ခံစားနိုင်စေတဲ့ device တစ်မျိုးပါ။ ဒီဇိုင်းတွေ၊ အချက်အလက်ခွဲခြမ်းစိတ်ဖြာမှုတွေ၊ ဆေးဘက်ဆိုင်ရာ ပုံရိပ်တွေနဲ့ ဂိမ်းကစားခြင်းတွေမှာ အသုံးပြုဖို့ ရည်ရွယ်ထုတ်လုပ်ထားတဲ့ headset ဖြစ်ပါတယ်။

techcrunch

အသစ်ထွက်ရှိလာတဲ့ HoloLens 2 ကတော့ ၂၀၁၉ နှစ်နှောင်းပိုင်းကစလို့ ယူအက်စ်၊ ဂျပန်၊ တရုတ်၊ ဂျာမနီ၊ ကနေဒါ၊ ယူကေ၊ အိုင်ယာလန်၊ ပြင်သစ်၊ သြစတေးလျ၊ နယူးဇီလန် စတဲ့ နိုင်ငံတွေမှာ ဝယ်ယူနိုင်ပါပြီ။ ယခု HoloLens 2 မှာတော့ ယခင် HoloLens မှာ ပါတဲ့ screen view ကျဉ်းတဲ့ ပြဿနာကို အဓိက ဖြေရှင်းပေးထားပါတယ်။

READ
Facebook Messenger မှာ dark mode ကို ဘယ်လိုပြောင်းရမလဲ
techcrunch

Microsoft ကနေ HoloLens 2 အတွက် hardware ပိုင်းမှာသာမက software ပိုင်းမှာပါ ပြင်ဆင်ထားတာပါ။HoloLens 2 နဲ့ ချိတ်ဆက်အသုံးပြုနိုင်ဖို့ Windows အထူးဗားရှင်းကိုပါ ထုတ်ထားပါတယ်။ ဒီဗားရှင်းအသစ်မှာဆိုရင်တော့ HoloLens headset ထဲမှာ မြင်နေရမယ့် 3D ပုံရိပ်တွေကို လက်နဲ့ပါ ထိတွေ့နိုင်မှာဖြစ်ပြီး အသုံးပြုသူ အာရုံစိုက်ကြည့်တဲ့နေရာပေါ် မူတည်ပြီး ပုံရိပ်တွေက လိုက်ညှိပေးမှာလည်း ဖြစ်ပါတယ်။ HoloLens 2 ရဲ့ ဈေးနှုန်းကတော့ အမေရိကန်ဒေါ်လာ ၃,၅၀၀ ဖြစ်ပါတယ်။

techcrunch

“Hololens 2 က သင့်နဲ့ လိုက်ညှိပေးနိုင်ပါတယ်။ လူတွေက 3D ပုံရိပ်တွေအပေါ် ဘယ်လိုတုံ့ပြန်လဲဆိုတဲ့ပေါ် မူတည်ပြီး အဆင့်မြှင့်ပေးထားပါတယ်” လို့ Hololens ရဲ့ အမှုဆောင် Alex Kipman က ပွဲမှာ ပြောသွားခဲ့ပါတယ်။Microsoft ရဲ့ စီအီးအို Satya Nadella ကတော့ Hololens 2 ကနေ ရရှိနိုင်မယ့် လက်တွေ့ကမ္ဘာနဲ့ ကွန်ပြူတာပုံရိပ်တွေ ပေါင်းစပ်ခြင်းအတွေ့အကြုံက ယနေ့ခေတ်ကမ္ဘာကြီးရဲ့ လုပ်ငန်းဆောင်တာလည်ပတ်မှုတွေကို အဆင့်မြှင့်တင်ပေးနိုင်မယ်လို့ ယုံကြည်ထားပါတယ်။

READ
Nintendo အတွက် အောင်မြင်မှုမှတ်တိုင်ဖြစ်လာတဲ့ Nintendo Switch

Ref: Tech Crunch

SHARE