သွားတိုက်တဲ့အခါ ရှောင်ကြဉ်သင့်ပေမယ့် လူတွေ လုပ်လေ့လုပ်ထရှိတဲ့ အမှားများ

သွားတိုက်တဲ့အလုပ်ကို လူတွေဟာ ငယ်ငယ်ကတည်းက လုပ်လာခဲ့ကြပေမယ့် တချို့လူတွေရဲ့ သွားတိုက်ပုံဟာ ယနေ့အချိန်အထိ လွဲမှားနေဆဲ ဖြစ်ပါတယ်။ အောက်ဘက်မှာတော့ ရှောင်ကြဉ်သင့်တဲ့ လွဲမှားတဲ့ သွားတိုက်ပုံအယူအဆတွေကို ဖော်ပြပေးလိုက်ပါတယ်။ တကယ်လို့ စာဖတ်သူလည်း အောက်မှာဖော်ပြထားတဲ့ အချက်တွေထဲက တစ်ချက်မဟုတ် တစ်ချက်နဲ့ ငြိနေတဲ့အခါ ပြင်ဆင်နိုင်အောင်လို့ ဖြစ်ပါတယ်။

သွားတိုက်ကြမ်းခြင်း

Flickr – nishantcm

သွားတွေကို ခပ်ကြမ်းကြမ်းပွတ်ရင် သွားတွေပြောင်စင်သွားမယ်ဆိုတဲ့ အယူအဆဟာ လွဲမှားတဲ့ အယူအဆဖြစ်ပါတယ်။ အမေရိကန် အိုဟိုင်းယိုးပြည်နယ်က သွားဆရာဝန်တစ်ဦးဖြစ်သူ မက်တ်မက်စီနာကတော့ သွားတွေကို အရမ်းပွတ်တိုက်တာဟာ ဘာအကျိုးကျေးဇူးမှ ဖြစ်မလာပါဘူးလို့ ဆိုပါတယ်။ တကယ်လို့ သွားတွေကို ဖွဖွလေးတိုက်တဲ့အခါ လူတွေက သွားမပြောင်ဘူးလို့ စိတ်ထဲ ထင်ကြကြောင်းနဲ့ တကယ်တမ်းတော့ သွားကို အရမ်းဖိတိုက်တာက အဓိကမကျပဲ သွားတိုက်ပုံကသာ အဓိကကျကြောင်း ဆိုခဲ့ပါတယ်။

သွားတိုက်တံမလဲခြင်း

Flickr – Martin Abegglen

သွားတိုက်တံတွေကို (၃) လတစ်ကြိမ် လဲလှယ်ပေးသင့်ပါတယ်။ သွားတိုက်တံဟာ အမွှေးတွေဖွာထွက်နေတာ၊ အရောင်ပြောင်းနေတာ၊ ညစ်ပတ်နေတာတွေ ရှိနိုင်တာကြောင့် အနည်းဆုံး (၃) လတစ်ကြိမ်တော့ အသစ်လဲလှယ်ပေးသင့်ပါတယ်။

READ
ခါးနာခြင်းအတွက် အိမ်တွင်းဆေး(၆)မျိုး

သွားတိုက်တံအရွေးမှားခြင်း

Flickr – Judith Doyle

စတိုးဆိုင်မှာတော့ ရွေးချယ်စရာသွားတိုက်တံတွေဟာ အများကြီး ရှိတာကြောင့် ပုံစံချင်းသိပ်မကွာဘူးထင်ရရင် ပိုဈေးသက်သာတဲ့ သွားတိုက်တံကိုပဲ ရွေးချယ်မိကြပါတယ်။ သွားဆရာဝန်တစ်ဦးဖြစ်တဲ့ ကင်ဘာလေဟမ်းမ်ကတော့ သွားတိုက်တံရွေးတဲ့အခါ သွားပွတ်တံရဲ့ အမျှင်အရှည်၊ သွားပွတ်တံခေါင်း အရွယ်အစားနဲ့ သွားဖုံးတွေဆီ ဘယ်လိုရောက်မလဲဆိုတာ စစ်ဆေးပြီးမှ ၀ယ်ယူသင့်ကြောင်း ဆိုပါတယ်။ အဓိကကတော့ သွားတိုက်တံရွေးတဲ့အခါ နူးညံ့ပျော့ပြောင်းတဲ့ အမျှင်တွေပါတဲ့ သွားတိုက်တံကိုသာ ရွေးချယ်ဝယ်ယူသင့်ပါတယ်။

ဘေးတိုက်သွားတိုက်ခြင်း

Flickr – Paul Huxley

သွားတိုက်တဲ့အခါ သွားတိုက်တံကို ရွေ့လျားပေးရတဲ့အနေအထားဟာ တကယ်တော့ ရိုးရှင်းလှပါတယ်။ သွားတွေကို သွားဖုံးနေရာကနေ စလို့ အပေါ်အောက် ရွေ့လျားကာ သွားတိုက်ရမှာ ဖြစ်ပါတယ်။ ဘေးတိုက်ကြီးမတိုက်ရပါဘူး။ တကယ်လို့ ဘေးတိုက်တိုက်မယ်ဆိုရင်တော့ သွားတွေပြောင်စင်မှာ မဟုတ်တဲ့အပြင် သွားကို ပျက်စီးနိုင်တယ်လို့ သိရပါတယ်။

လင်းလင်း (ShweMom)

Ref: shared

SHARE