ဖုန်းကထုတ်လွှတ်တဲ့ အပြာရောင်အလင်းက ဦးနှောက်ကို ပျက်စီးစေနိုင်သတဲ့

twitter / NYpost

ဖုန်းအသုံးများတဲ့သူတွေ၊ ကွန်ပျူတာနဲ့ တစ်နေကုန် အလုပ်လုပ်ရသူတွေအနေနဲ့ မျက်လုံးအတွင်းကို တိုက်ရိုက်အလင်းတွေမဝင်စေဖို့ မျက်မှန်အသုံးပြုသင့်ကြောင်းကို ပညာရှင်တွေက မကြာခဏ သတိပေးလေ့ရှိပါတယ်။ အလင်းရောင်တစ်ခုဟာ သာမန်အားဖြင့် ဒုက္ခမရောက်နိုင်ဘူး ထင်ရပါတယ်။

ဒါပေမယ့် အဲဒီအလင်းတွေဟာ အလင်းအားများရင်များသလောက် မျက်လုံးတွေအတွက်တော့ မြင်ဖန် ကြည့်ဖန်များရင် ဆိုးကျိူးတွေ ပေးနိုင်ပါတယ်။ ဖုန်းနဲ့လက်ပ်တော့တွေကနေ ထုတ်လွှတ်တဲ့ အပြာရောင်အလင်းတန်းဟာ ဦးနှောက်ကို ပျက်ဆီးစေနိုင်ပြီး၊ အသက်ကြီးရင့်မှုကိုလည်း မြန်နှုန်းမြင့်စေပါတဲ့။

သိပ္ပံပညာရှင်တွေဟာ Fruit fly လို့ခေါ်တဲ့ ယင်ကောင်တွေကို အလင်း Exposure များများနဲ့တိုက်ရိုက်ထိတွေ့စေပြီး၊ စမ်းသပ်ခဲ့ရာ အလင်းရောင်က သူတို့ရဲ့ လှုပ်ရှားမှုကို ထိခိုက်စေသလို၊ ဦးနှောက်ဆဲလ်တွေကိုလည်း ဖျက်ဆီးပစ်ကြောင်း တွေ့ရှိခဲ့ပါတယ်။

သိပ္ပံပညာရှင်တွေဟာ ယင်ကောင်တွေကို (၁၂)နာရီ အလင်းထဲမှာ ထားပြီး၊ (၁၂)နာရီကိုတော့ အမှောင်ထဲမှာထားကာ စမ်းသပ်ခဲ့တာပါ။ အလင်းထဲမှာ ထားတဲ့အချိန်မှာတော့ သူတို့တစ်တွေရဲ့ မျက်လုံးဆဲလ် ပျက်စီးမှုတွေဟာ ပိုသိသာခဲ့ပြီး၊ ဦးနှောက်ဆဲလ်တွေလည်း ပျက်စီးကုန်ကြပါတယ်။ နောက်ပြီး သက်တမ်းလည်း တိုကုန်တာကို တွေ့ရပါတယ်။

ဒါကြောင့် သိပ္ပံပညာရှင်တွေဟာ ဖုန်းသမား ကွန်ပျူးတာသမားတွေအနေနဲ့ မျက်မှန်ကို မမေ့မလျှော့တပ်ဆင်သင့်တယ်လို့ ထပ်မံတိုက်တွန်းမှုတွေ ရှိခဲ့ပါတယ်။ Oregon State University တက္ကသိုလ်မှ ပါမောက္ခ Jaga Giebultowicz က လူသားတွေဟာ အခုနောက်ပိုင်း အပြာရောင် ရောင်စဉ်လှိုင်းနဲ့ ထိတွေ့မှု ပိုများလာခဲ့ပြီလို့ ဆိုပါတယ်။

LED အခြေခံနည်းပညာပစ္စည်းတွေမှာ အပြာရောင်အလင်းတန်းကို လွန်ကဲများပြားစွာ ထုတ်လွှတ်ပေးလေ့ရှိကြပြီး၊ ဒါဟာ လူသားတွေအတွက်တော့ ကောင်းကျိုးမျှော်လို့ရတဲ့အရာတွေ မဟုတ်ကြောင်း ပါမောက္ခက Jaga က ပြောခဲ့တာပါ။ မိမိမျက်လုံးကို ဂရုစိုက်သူတွေ၊ အသက်ရှည်လိုသူတွေ၊ ဦးနှောက်မပျက်လိုသူတွေအနေနဲ့တော့ တိုက်တွန်းချက်တွေကို လိုက်ပြီးလုပ်သင့်တဲ့ အချိန်ပါဘဲ။

လင်းသုတ

SHARE