ကမ္ဘာတစ်လွှားကစိတ်ဝင်စားစရာကောင်းတဲ့ ထူးထူးဆန်းဆန်းပြတိုက်များ

သင်ယူလေ့လာခြင်းကိုနှစ်သက်တဲ့သူတွေအဖို့ ပြတိုက်တွေဆိုတာ အသိပညာဗဟုသုတများစွာကိုပေးနိုင်တဲ့ တက္ကသိုလ်ကြီးတွေပါ။ ဒါပေမယ့် ပြတိုက်တွေအကုန်လုံးက အနုပညာ၊ သမိုင်းနဲ့သိပ္ပံပညာရပ်တွေချည်းပဲ ပြသထားတာတော့မဟုတ်ပါဘူး။ တချို့ပြတိုက်တွေမှာဆိုရင် သာမန်လူတွေမစုဆောင်းတတ်ကြတဲ့အကြောင်းအရာတွေနဲ့ပတ်သက်တဲ့ ဗဟုသုတဖြစ်ဖွယ်တွေကို ထိန်းသိမ်းပေးထားကြပါတယ်။ အောက်ဘက်မှာတော့ ကမ္ဘာတစ်လွှားမှာရှိကြတဲ့ စိတ်ဝင်စားဖွယ်ရာပြတိုက်တွေကို ဖော်ပြပေးလိုက်ပါတယ်။

Clown Hall of Fame and Research Center – Baraboo, Wisconsin

http://2.bp.blogspot.com

ကမ္ဘာပေါ်မှာလူပြက်တွေကိုကြောက်တတ်တဲ့သူတွေရှိပါတယ်။ ဒါပေမယ့် တကယ်လို့စာဖတ်သူက လူပြက်တွေကိုနှစ်သက်တဲ့သူဆိုရင်တော့ Clown Hall of Fame and Research Center ကိုအလည်သွားသင့်ပါတယ်။ ပြတိုက်ထဲမှာဆိုရင် ကမ္ဘာတစ်ဝှမ်းမှာရှိတဲ့ထူးချွန်တဲ့လူပြက်တွေရဲ့သမိုင်းနဲ့ သူတို့ရဲ့အောင်မြင်မှုတွေကိုတွေ့ရှိနိုင်မှာဖြစ်ပါတယ်။ လူပြက်တွေရဲ့ဓာတ်ပုံတွေ၊ ရုပ်ပုံကားချပ်တွေနဲ့အသုံးအဆောင်ပစ္စည်းတွေကိုတွေ့ရမယ့်အပြင် ပြတိုက်ထဲမှာဧည့်သည်တွေကို အထူးပွဲကြည့်အစီအစဉ်တွေနဲ့လည်းဖျော်ဖြေပါသေးတယ်။

The Momofuku Ando Instant Ramen Museum – Japan

http://www.nissin.com

တကယ်လို့စာဖတ်သူက ရာမန်ခေါက်ဆွဲကြိုက်နှစ်သက်သူတစ်ဦးဆိုရင် အခုပြောပြမယ့်ဂျပန်ခေါက်ဆွဲပြတိုက်ကိုစိတ်ဝင်စားမှာပါ။ ယင်းပြတိုက်ဟာ ဒုတိယကမ္ဘာစစ်အတွင်းက အစာငတ်မွတ်ခေါင်းပါးနေသူတွေအတွက် ဈေးသက်သက်သာသာနဲ့ရနိုင်တဲ့ဟင်းလျာကိုတီထွင်ဖန်တီးခဲ့တဲ့ မိုမိုဖူကုအန်ဒိုကိုဂုဏ်ပြုတဲ့အနေနဲ့ ပြတိုက်အမည်ပေးထားခဲ့တာဖြစ်ပါတယ်။ မိုမိုဖူကုအသင့်စားရာမန်ခေါက်ဆွဲပြတိုက်ဟာ ထုတ်လုပ်ပြီးတဲ့နစ်ဆင်ခေါက်ဆွဲတွေကိုပြသရုံတင်မကပဲ ပြတိုက်အလည်လာတဲ့သူတွေဟာ ပြတိုက်ရဲ့ အများပိုင်မီးဖိုဆောင်ထဲမှာ ကိုယ်တိုင်ခေါက်ဆွဲလုပ်လို့လည်းရပါသေးတယ်။

READ
မိသားစုထဲမှာ 'အငယ်ဆုံး' လေးတွေရဲ့ ရင်နင့်စရာခံစားချက်များ

Cancun Underwater Museum – Mexico

https://s.hdnux.com

စာဖတ်သူသာ ရေကူးကျွမ်းကျင်သူတစ်ယောက်ဆိုရင် မက္ကစီကိုနိုင်ငံမှာရှိတဲ့ Cancun Underwater Museum ကိုသွားရောက်လည်ပတ်သင့်ပါတယ်။ ပြတိုက်ဟာ ရေအောက်ထဲမှာဖြစ်ပြီး ပင်လယ်ရေကြမ်းပြင်မှာရုပ်ထုပေါင်း(၅၀၀) ကျော်ကိုခင်းကျင်းပြသထားပါတယ်။ ဒါ့အပြင် ပင်လယ်ကျောက်တန်းအတုတွေကိုလည်း တွေ့ရပြီး ပင်လယ်ထဲမှာရှိတဲ့သဘာဝအတိုင်းပေါက်ရောက်နေတဲ့သန္တာကျောက်တန်းတွေကြီးထွားစေဖို့ အကူအညီများစွာပေးပါတယ်။ ဧည့်သည်တွေဟာ ရေငုပ်နိုင်တဲ့အပြင် ၀မ်းဗိုက်အောက်ခြေကိုမှန်နဲ့ပြုလုပ်ထားပြီး ရေအောက်ထဲဖောက်ထွင်းမြင်နိုင်တဲ့လှေနဲ့ ကြည့်ရှုလေ့လာနိုင်မှာဖြစ်ပါတယ်။

The Mummy Museum – Mexico

https://i.ytimg.com

စာဖတ်သူက လူသေတွေကိုကြောက်တတ်တယ်ဆိုရင်တော့ မက္ကစီကိုက မံမီပြတိုက်ကိုနှစ်သက်မှာမဟုတ်ပါဘူး။ ဒီမံမီပြတိုက်မှာ (၁၉)ရာစုအလယ်တုန်းက မံမီတွေကိုပြသထားပါတယ်။ ထိုခေတ်တုန်းက သဂြိုလ်စရိတ်မတတ်နိုင်ကြတဲ့မိသားစုဝင်တွေဟာ လူသေအလောင်းတွေကို မြေအောက်ခန်းထဲသွင်းထားကြပါတယ်။ အလောင်းတွေကို သဘာဝနည်းနဲ့မံမီပြုလုပ်ထားပြီး ကလေးမံမီတွေကနေ သက်ကြီးရွယ်အိုမံမီတွေအဆုံး အရိုးစုပေါင်း(၁၀၀) လောက်ကို ပြတိုက်ထဲမှာပြသထားလျက်ရှိပါတယ်။

The Dog Collar Museum – England

http://www.leeds-castle.com

ခွေးတွေဟာ လူတွေရဲ့အကောင်းဆုံးသူငယ်ချင်းလို့ဆိုကြပါတယ်။ Leeds Castle မှာရှိတဲ့ပြတိုက်မှာဆိုရင်တော့ ခွေးကော်လာပေါင်း(၁၀၀) နဲ့အခြားပစ္စည်းတွေကိုတွေ့ရှိနိုင်ပါတယ်။ လွန်ခဲ့တဲ့(၁၅)ရာစုတုန်းကရှိခဲ့တဲ့အချွန်အတက်တွေနဲ့ ခွေးကော်လာလည်ပတ်အမျိုးမျိုးကိုလည်း တွေ့ရပါလိမ့်မယ်။

READ
ကြက်ဥကို တစ်နေ့တစ်မျိုးမရိုးအောင် စားကြမယ်.....

Museum of Enduring Beauty – Malaysia

https://www.flickr.com

အလှအပရေးရာနဲ့ပတ်သက်လို့လူအမျိုးမျိုးက စံအမျိုးမျိုးသတ်မှတ်ကြပါတယ်။ မလေးရှားနိုင်ငံမှာရှိတဲ့ အလှအပဆိုင်ရာပြတိုက်တစ်ခုမှာဆိုရင် ယဉ်ကျေးမှုအမျိုးမျိုးက လူတွေရဲ့အလှအပစံညွှန်းတွေကိုဖော်ပြပေးထားပါတယ်။ ရှေးခေတ်တုန်းကရှိခဲ့တဲ့ အလှအပဆိုင်ရာဝတ်စားဆင်ယင်မှုတွေနဲ့အတူ ယနေ့ခေတ်မှာပါပေါ်ပြူလာဖြစ်နေသေးတဲ့ ၀တ်စားဆင်ယင်မှုတွေကိုပါပြတိုက်ထဲမှာတွေ့ရမှာဖြစ်ပါတယ်။

လင်းလင်း (ShweMom)

Ref: shared.com

SHARE