Great Barrier သန္တာကျောက်တန်းတွေနားက ရေအောက် အနုပညာပြတိုက်

[email protected] moua_museum_of_underwater_art

နိုင်ငံတိုင်းမှာ အနုပညာပြတိုက်တွေဆိုတာ ရှိပါတယ်။ နိုင်ငံတစ်နိုင်ငံရဲ့ တန်ဖိုးနဲ့ သမိုင်းအကြောင်းကို သိချင်ရင် အဲဒီနိုင်ငံရဲ့ အနုပညာပြတိုက်ကို သွားရောက်လေ့လာတာ အကောင်းဆုံးပါပဲ။ အနုပညာပြတိုက်တွေဟာ များသောအားဖြင့် ကုန်းပေါ်မှာ တည်ရှိကြတာပါ။ ဒါပေမယ့် အခုပြောပြချင်တဲ့ အနုပညာပြတိုက်ကတော့ ပင်လယ်ရေအောက် ကြမ်းပြင်မှာ တည်ရှိတာပဲ ဖြစ်ပါတယ်။ အဲဒီ ရေအောက်အနုပညာပြတိုက်ဟာ သြစတြေးလျနိုင်ငံရဲ့ နာမည်ကြီး Great Barrier သန္တာကျောက်တန်းတွေ အနီးမှာ ဖွင့်လှစ်ခဲ့တာဖြစ်ကြောင်း Insider သတင်းဌာနရဲ့ ဖော်ပြချက်အရ သိရှိရပါတယ်။

အဆိုပါ ရေအောက်အနုပညာပြတိုက်ရဲ့ နာမည်ကတော့ MOUA (Museum Of Underwater Art) ဖြစ်ပြီး သြတြေးလျနိုင်ငံ၊ Queensland ပြည်နယ်ရှိ Townsville ကမ်းရိုးတန်းအနားမှာ တည်ရှိတာပဲ ဖြစ်ပါတယ်။ သြစတြေးလျနိုင်ငံရဲ့ နာမည်ကြီး Great Barrier သန္တာကျောက်တန်းတွေ အနားမှာရှိတဲ့ ဒီရေအောက် အနုပညာပြတိုက်ကို သွားရောက်လေ့လာချင်တယ်ဆိုရင်တော့ Townsville ကမ်းရိုးတန်းကနေ လှေနဲ့ (၂)နာရီကျော်လောက် သွားရပါတယ်။

READ
ဗန်ဂိုးရဲ့ Starry Night ပုံစံအတိုင်း ပန်းချီကားတွေကို ရေးဆွဲလိုက်တဲ့ ပန်းချီဆရာမ

 

အဲဒီနားရောက်ရင်တော့ ရေငုပ်ဝတ်စုံ အပြည့်ဝတ်ပြီး ရေအောက် အနုပညာပြတိုက်က လက်ရာတွေကို ရေငုပ်ကြည့်ရှု့နိုင်တဲ့အပြင် Great Barrier သန္တာကျောက်တန်းတွေရဲ့ အလှကိုပါ ခံစားနိုင်မှာ ဖြစ်ပါတယ်။ MOUA ပြတိုက်မှာရှိတဲ့ ပန်းပု ရုပ်တုတွေ အကုန်လုံးကိုတော့ နာမည်ကြီး ရေအောက်ပန်းပုပညာရှင် ဗြိတိန်လူမျိုး Jason deCaried Taylor က ထုလုပ်ထားတာပဲ ဖြစ်ပါတယ်။

 

“ဒီလိုရေအောက်ပန်းပုရုပ်တုတစ်ခု ထုလုပ်ဖို့က မလွယ်ကူပါဘူး။ ဘာကြောင့်လဲဆိုတော့ ရုပ်တုတွေဟာ ပင်လယ်ကြမ်းပြင်မှာ အချိန်ပြည့်ရှိနေမှာဆိုတော့ ရေဖိအားဒဏ်ကို ခံနိုင်မှ ရပါမယ်။ ပြီးတော့ ရုပ်တုတွေမှာ ဓာတုဗေဒဓာတ်လုံးဝ ပါဝင်လို့ မရပါဘူး။ ကျွန်တော်တို့ ကုန်းပေါ်မှာ ထုလုပ်တဲ့ အရုပ်တွေဆိုရင် ရေရှည်ခံအောင်၊ တောက်ပြောင်နေအောင်၊ မအက်ကွဲအောင် ဓာတုဗေဒ ပစ္စည်းတွေနဲ့ ဆောက်လုပ်ရပါတယ်။ ရေအောက်က ရုပ်တုတွေမှာဆိုရင်တော့ စတီးရုပ်တု ဒါမှမဟုတ် ph-neutral ဘိလပ်မြေမှုန့်တွေ သုံးပြီး ရုပ်တုကို ဆောက်လုပ်ရပါတယ်။ ဒါမှလည်း ရေအောက်မှာရှိတဲ့ ပင်လယ်သတ္တဝါတွေ ဘေးကင်းရမှာပါ” လို့ Jason က ပြောကြားခဲ့ပါတယ်။

READ
ခန္ဓာကိုယ်ပေါ်က အမာရွတ်တွေ၊ အမှတ်တွေကို ဖုံးအုပ်နိုင်ဖို့ တက်တူးစိတ်ကူးကောင်းများ

 

Pyi Hein Kyaw

SHARE