အစားသောင်းကျန်းလွန်းတဲ့ ခင်ပွန်းကို မီးတိတ်တွေနဲ့ ပညာပြခဲ့တဲ့ အမျိုးသမီး

Facebook/Tammy Johnson

အမျိုးသမီးတစ်ယောက်ဟာ အစားသောင်းကျန်းလွန်းတဲ့ သူမရဲ့ယောကျာ်းကို ပညာပြတဲ့အနေနဲ့ ရှိသမျှ အစားအသောက်တွေပေါ်မှာ တိတ်တွေကပ်ခဲ့ကြောင်း ladbible အရ သိရပါတယ်။ တမ်မီဂျွန်ဆန်ဆိုသူ အမျိုးသမီးက သူမရဲ့အမျိုးသားဟာ မီးဖိုဆောင်ထဲက ထွက်လာတိုင်း ပါးစပ်ထဲ အစားတစ်ခုခုမပါပဲဘယ်တော့မှ ထွက်မလာဘူးလို့ ပြောပြခဲ့တာပါ။

တစ်နေ့တော့ တမ်မီရဲ့ မောင်တစ်ယောက်ဟာ သူမအိမ်ကို မီးတိတ်ယူပြီး ခဏအလည်လာရာက တမ်မီဟာ အကြံတစ်ခုရသွားပါတယ်။ တမ်မီက “ကျွန်မအမျိုးသားက တော်တော်စားပါတယ်။ သူ့မျက်စိရှေ့မှာ တွေ့သမျှ မြင်သမျှ အကုန်စားတာပဲ။ တကယ်လို့ ကလေးတွေက သူ့အနားမှာ စားစရာတစ်ခုခုသွားထားရင် သူစားပစ်လိုက်တာပဲ။ အဲ့လိုစားလိုက်တာ သူ့ဘာသာသူလည်း မသိဘူး။ အစားမြင်တာနဲ့ ပါးစပ်ထဲထည့်တော့တာ….” လို့ ပြောပြပါတယ်။

Facebook/Tammy Johnson

ဒါကြောင့် တမ်မီဟာ ဒီလောက်တောင် စားနိုင်သောက်နိုင်လွန်းတဲ့ အမျိုးသားဖြစ်သူကို အမြင်ကတ်တာနဲ့ မီးဖိုဆောင်မှာထဲ ရှိသမျှ မုန့်တွေကို တစ်ခုမကျန် တိတ်နဲ့လိုက်ကပ်ခဲ့တာ ဖြစ်ပါတယ်။ တမ်မီတို့မောင်နှမဟာ တမ်မီရဲ့အမျိုးသားညဘက်အိပ်ရာဝင်ပြီးနောက်မှာ မုန့်တွေကို မီးတိတ်တွေနဲ့ ကပ်ခဲ့တာ ဖြစ်ပါတယ်။

READ
ပြင်သစ်ကမ်းခြေတွင် ထူးဆန်းသည့် ဘောလုံးအရွယ် အညိုနုရောင်ရေမြှုပ်များ သောင်တင်
Facebook/Tammy Johnson

မနက်မိုးလင်းလို့ တမ်မီရဲ့အမျိုးသား သောမတ်စ်နိုးလာပြီး မုန့်လိုက်ရှာတဲ့အခါမှာတော့ တိတ်ကပ်ထားတဲ့ မုန့်တွေကိုသာ တွေ့လိုက်ရပါတယ်။ ဒါပေမယ့်လည်း တမ်မီရဲ့ ကြိုးစားအားထုတ်မှုဟာ သောမတ်စ်ရဲ့ အစားကြူးလွန်းတဲ့စိတ်ကို အနှောင့်အယှက်မဖြစ်စေခဲ့ပါဘူး။ သောမတ်စ်ဟာ အစားအစာတွေကို မီးတိတ်တွေပတ်ထားတဲ့ကြားက မီးတိတ်တွေကို ခွာပြီး စားပစ်ခဲ့တာ ဖြစ်ပါတယ်။

Facebook/Tammy Johnson

သောမတ်စ်က “ရယ်စရာတော့ကောင်းသားဗျ။ ကျွန်တော့်မိန်းမ ဘာလို့ ဒီလိုလုပ်လဲဆိုတာ ကျွန်တော်နားလည်ပါတယ်။ ဘာကြောင့်လဲဆိုတော့ ကျွန်တော်က မီးဖိုဆောင်ကို သွားတိုင်း ဘီဒိုထဲကနေ စားစရာတစ်ခုခု ယူလာတတ်တယ်။ သူကလည်း ကျွန်တော့်ပါးစပ်ထဲ အမြဲတမ်းမုန့်ရှိနေတာကို ဘ၀င်မကျဘူး။ ကျွန်တော့်ကို ရူးနေပြီလို့လည်း ထင်ရင်ထင်မှာပါ။ ဒါပေမယ့် ကျွန်တော်ကလည်း ကျွန်တော့်မိန်းမ ရူးနေပြီပဲ ထင်တယ်။ ခင်ဗျားစဉ်းစားကြည့်ပေါ့။ ဒီမီးတိတ်တွေကို အစားအသောက်တွေမှာ အချိန်(၁) နာရီလောက်ကြာအောင် လိုက်ကပ်နေတာကိုသာ ကြည့်။ ကျွန်တော်ရူးလား၊ သူရူးလားဆိုတာ။ ကျွန်တော်က အဆာပြေအစားအစာတွေကို အရမ်းကြိုက်တယ်ဗျ…” လို့လည်း ပြောပြပါသေးတယ်။

READ
ဟာဝိုင်ရီကမ်းခြေမှာ စိတ်အေးလက်အေးအပန်းဖြေနေတဲ့ အိုဘားမားတို့ဇနီးမောင်နှံ

လင်းလင်း (ShweMom)

SHARE