NASA အာကာသယာဉ်မှူးများ သမိုင်းဝင် အာကာသခရီးစဉ်ကနေ ကမ္ဘာမြေကို ရောက်ရှိ

Twitter/SpaceX

NASA အာကာသယာဉ်မှူးနှစ်ယောက်ဖြစ်တဲ့ Robert Behnken နဲ့ Douglas Hurley တို့ကတော့ သမိုင်းဝင်အာကာသခရီးစဉ် ပြီးဆုံးလို့၊ ကမ္ဘာမြေဆီကို အောင်မြင်စွာ ပြန်လည်ဆင်းသက်နိုင်ခဲ့ပြီ ဖြစ်ပါတယ်။ သူတို့နှစ်ယောက်ဟာ Demo-2 mission အဖြစ် နိုင်ငံတကာအာကာသစခန်းဆီကို SpaceX ကုမ္ပဏီက ထုတ်လုပ်တဲ့ အာကာသယာဉ်နဲ့ သွားရောက်ခဲ့ကြတာပါ။

 

အဆိုပါအာကာသယာဉ်မှူးနှစ်ယောက်ဟာ အာကာသအတွင်းမှာ (၂)လကြာနေထိုင်ပြီး၊ သုတေသနလုပ်ငန်းစဉ်တွေနဲ့ သတင်းအချက်အလက်တွေ ရယူပြီး ပြန်လာခဲ့တာပါ။ NASA ရဲ့သမိုင်းမှာတော့ (၄၅)နှစ်အတွင်းမှာ ဒါဟာ ပထမဆုံး ကမ္ဘာမြေဆီကို အောင်မြင်စွာ ဆင်းသက်နိုင်ခြင်း ဖြစ်ပါတယ်။

 

အမေရိကန် အာကာသယာဉ်မှူးတွေဖြစ်ကြတဲ့ Robert Behnken နဲ့ Douglas Hurley တို့ဟာ (၉)နှစ်အတွင်း NASA ရဲ့ ပထမဆုံးလူလိုက်ပါတဲ့ အာကာသခရီးစဉ်တွေကို ကိုယ်တိုင်ကိုယ်ကျ သွားရောက်ခွင့် ရခဲ့တာပါ။ အသုံးပြုခဲ့တဲ့အာကာသယာဉ် Crew Dragon ကို ကမ္ဘာကျော်သူဌေးကြီး အီလွန်မက်စ်ပိုင်ဆိုင်တဲ့ SpaceX ကနေ ထုတ်လုပ်ခဲ့တာပါ။

 

အာကာသယာဉ်မှူးနှစ်ယောက်စလုံး ဖလော်ရီဒါကမ်းရိုးတန်းနဲ့ မနီးမဝေး ပင်လယ်ပြင်ထဲကို လေထီးတွေအကူအညီနဲ့ ဆင်းသက်ခဲ့တာ ဖြစ်ပါတယ်။ Behnken နဲ့ Hurley တို့ကတော့ သူတို့အနေနဲ့ ဒီခရီးစဉ်ထွက်ခွင့်ရခဲ့တာဟာ “အလွန်ဂုဏ်ယူစရာဖြစ်တယ်”လို့ မှတ်ချက်ပေးခဲ့ပါတယ်။

အာကာသယာဉ်မှူးနှစ်ယောက်စလုံး ဆင်းသက်လာမယ့်နေရာကို ရေယာဉ်တွေနဲ့ အသင့်စောင့်ဆိုင်းနေပြီး၊ ကုန်းမြေဆီကို ပြန်လည်ခေါ်ဆောင်လာခဲ့တာ ဖြစ်ပါတယ်။ နောက်ပြီး အဲဒီအနီးတဝိုက်မှာ အာကာသယာဉ်ဆီကနေ ထွက်တဲ့ အဆိပ်အတောက်တွေ ကင်းစင်သွားအောင်လည်း ဆောက်ရွက်ခဲ့ရပါတယ်။ ယင်းနောက် အာကာသယာဉ်ငယ်တွေကို Go Navigator သင်္ဘောနဲ့ ပြန်လည်သယ်ဆောင်ခဲ့ကြောင်း သိရပါတယ်။

လင်းဇော်ကို

SHARE