စာရေးတာ ၀ါသနာပါပေမယ့် ရေးရခက်နေတဲ့လူတွေ လိုက်နာသင့်တဲ့အချက် ၆ ချက်

pixabay

စာရေးခြင်းဟာ ယနေ့ခေတ်ရဲ့ လုပ်ငန်းတွထဲမှာ အရေးပါအရာအရောက်တဲ့ လုပ်ငန်းတစ်ခုလို့သတ်မှတ်လို့ရနိုင်ပါတယ်။ လူတော်တော်များများဟာ အခုအချိန်အထိ စာရေးတယ်ဆိုတာနဲ့ ဝတ္ထုဆောင်းပါးနဲ့ စာရေးစရာတွေကို အရင်ဆုံးစိတ်ကူးထဲပေါ်ကြမှာပါ။ ခေတ်တွေပြောင်းလဲလာတာနဲ့အမျှစီးပွားရေးလုပ်ငန်းတွေဟာလည်း နည်းပညာတွေနဲ့လိုက်ပြီး ပြောင်းလဲကုန်ကြပါပြီ။ ဒါကြောင့်မို့လို့လည်း စားရေးတယ်ဆိုတဲ့ လုပ်ငန်းခေါင်းစဉ်အောက်မှာ ဝတ္ထုဆောင်းပါးတွေအပြင် ဘာသာပြန်တွ၊ ဇမ်းညွှန်းရေးတာတွေ၊ သတင်းရေးတာ၊ အွန်လိုင်းသတင်းဌာနတွေအတွက် ဗဟုသုတရဖွယ်စာတွေရေးတာ၊ ကြော်ငြာစာရေးတာ အစရှိသဖြင့် အမျိုးအစားပေါင်းများစွာ ကွဲထွက်လာခဲ့ပါတယ်။

အကယ်၍ကိုယ်ဟာ စာရေးရတာဝါသနာထုံတဲ့လူ၊ သို့မဟုတ် စာရေးတဲ့အလုပ်နဲ့ အသက်မွေးဝမ်းကျောင်းပြုချင်နေပေမယ့် ဘယ်ကနေစရမှန်းမသိဘူး၊ စာဘယ်လိုရေးရမှန်းမသိဘူးဆိုတဲ့လူတွေအတွက် ၂၀၁၀ တုန်းက The New York Times မှာ ပါခဲ့တဲ့ ဆောင်းပါးလေးတစ်ခုနဲ့ အထောက်အကူဖြစ်စေဖို့အတွက် မိတ်ဆက်ပေးချင်ပါတယ်။ ဆောင်းပါးပိုင်ရှင်ကတော့ Elmore Leonard ပါ။ 10 Rules of Writing ဆိုတဲ့ ကိုယ်တိုင်ရေးဆောင်းပါးတစ်ပုဒ်ဟာ စာရေးသူတွေကြားထဲ တော်တော်လေးကို ပေါက်ရောက်ခဲ့တဲ့ ဆောင်းပါးတစ်ပုဒ်လို့ပြောနိုင်ပါတယ်။ ဒီဆောင်းပါးကိုမှီငြမ်းပြီး စာရေးဆရာတွေတော်တော်တော်များများဟာ စာရေးတဲ့အခါလိုက်နာရမယ့်အချက်တွေဆိုပြီး ဆောင်းပါးတော်တော်များများကို ရေးထုတ်ခဲ့ကြပါသေးတယ်။

READ
သမိုင်းဝင်ဖေဖော်ဝါရီ(13)သို့မဟုတ် ကျွန်တော်တို့ရဲ့လွတ်လပ်ရေးဖခင်ကြီးမွေးသည့်နေ့

အခုဖော်ပြပေးမှာကတော့ Neil Gaiman ဆိုတဲ့ နာမည်ကြီး စာရေးဆရာတစ်ယောက် မျှဝေပေးခဲ့တဲ့ သူကိုယ်တိုင်ကျင့်သုံးတဲ့ အချက်လေးတွေပဲ ဖြစ်ပါတယ်။

Neil Gaiman

(၁) စာရေးချင်ပါသလား။ ဘာသာပြန်ပဲဖြစ်ဖြစ်၊ တစ်ခုခုစိတ်ကူးထဲပေါ်လာလို့ပဲဖြစ်ဖြစ်၊ အကြောင်းအရာတစ်ခုခုကိုတွေးမိလို့ပဲဖြစ်ဖြစ် ကိုယ်ဟာစာရေးတဲ့အလုပ်မရှိသေးရင်တောင်၊ ဖတ်မယ့်ပရိတ်သတ်မရှိသေးရင်တောင် ကိုယ့်စိတ်ကူးနဲ့ကိုယ် ပေါ်လာသမျှကို ချရေးကြည့်ပါ။ ပါးစပ်ကစာရေးတတ်ချင်တယ်ပြောပြီး လက်တွေ့မလုပ်ရင် ဘယ်အရာမှ အကောင်အထည်ပေါ်လာမှာမဟုတ်ပါဘူး။

(၂) စာတစ်ပုဒ်လက်စသတ်ပြီးတဲ့အခါ ကိုယ့်ရဲ့စာကို ကိုယ်ပြန်ဖတ်ကြည့်ပါ။ အမြန်ဖတ်ခိုင်းတာမျိုးမဟုတ်ဘဲ စိတ်ဝင်တစားနဲ့ တစ်ခါမှမဖတ်ဖူးတဲ့စာတစ်ပုဒ်လို သဘောထားပြီး ဖတ်ကြည့်ပါ။ ဖြစ်နိုင်ရင် သူငယ်ချင်းတွကို ပြကြည့်ပြီး ဝေဖန်ခိုင်းပါ။

pixabay

(၃) ကိုယ်ရေးတဲ့စာကို တစ်ယောက်ယောက်က မှားနေတယ်၊ မကောင်းဘူးစသည်ဖြင့် ဝေဖန်ထောက်ပြတဲ့အခါ စိတ်မဆိုးဘဲ လက်ခံပါ။ ဒီလိုအဖြစ်မျိုးတွေဟာ သတင်းတို့၊ ဗဟုသုတရာဖွယ်ရာစာတို့ရေးတဲ့အခါမှ ဖြစ်လေ့ဖြစ်ထရှိတဲ့အရာမျိုးတွေပါ။ စိတ်ဆိုးစရာ၊ စိတ်ဓာတ်ကျစရာမလိုပဲ ဝေဖန်မှုတွေကို နားစွင့်နေပါ။

(၄) ဝေဖန်မှုတွေကိုနားစွင့်နေရုံနဲ့မပြီးသေးဘဲ အမှားတွေကို ပြင်ဆင်ပါ။ စာလုံးပေါင်းသတ်ပုံအမှား၊ ဂရုမစိုက်မိလို့ မှားသွားတဲ့အချက်အလက်တွေကို နောက်တစ်ခါပြန်ရှာပြီး တတ်နိုင်သလောက် မြန်မြန်ပြန်ပြင်လိုက်ပါ။ အကယ်၍ ပြင်ဖို့မလိုဘဲ သက်သက်လာဝေဖန်နေတယ်ဆိုရင်တာ့ ပြင်စရာမလိုဘဲ ဝေဖန်မှုကို လက်ခံပြီး နှုတ်ဆိတ်နိုင်ပါစေ။

READ
(၂၃.၆.၁၈)မှ (၂၉.၆.၁၈)အတွင်း Shwemom မှ ရွေးချယ်ပေးတဲ့ အဖတ်သင့်ဆုံးဆောင်းပါး (၅)ပုဒ်
pixabay

(၅) အကယ်၍ စာထဲမှာဟာသတွေပါနေခဲ့ရင် အဲဒီဟာသတွေကို ပြန်ဖတ်ကြည့်ပြီး တကယ်ရယ်ရသလား၊ မရယ်ရသလားဆိုတာကို ပြန်စမ်းစစ်ပါ။

(၆) အရေးအကြီးဆုံးအချက်အနေနဲ့တော့ ကိုယ့်ကိုယ့်ကိုယုံကြည်မှုရှိပြီး အလုပ်တစ်ခုကို သေသေချာချာလုပ်ပါက စာရေးတဲ့အလုပ်မှမဟုတ်ပါဘူး၊ ဘယ်မလုပ်မှာမဆို ကောင်မွန်စွာဆောင်ရွက်နိုင်ပြီး ရလဒ်ကောင်းကို ပိုင်ဆိုင်ရမှာပါ။ ဒါကြောင့် ကိုယ်ရေးလိုက်တဲ့အလုပ်မှန်သမျှကို လူရှေ့ချပြဖို့အတွက် မဝံ့မရဲမဖြစ်ကြပါနဲ့လို့ ပြောချင်ပါတယ်။

pixabay

Source: Brain Pickings

Penny

SHARE