နယူးယောက်ခ်ကနေ လန်ဒန်ရောက်ဖို့ (၄)နာရီနီးပါးသာ ကြာမြင့်မယ့် Supersonic လေယာဉ်

aerionsupersonic.com

Supersonic နည်းပညာနဲ့ ထုတ်လုပ်ဖို့ ပြင်ဆင်နေတဲ့ လေယာဉ်အသစ်တစ်မျိုးဟာ နယူးယောက်ခ်ကနေ လန်ဒန်ကို ပျံသန်းဖို့အတွက် အချိန် (၄)နာရီနီးပါးသာ ကြာမြင့်မယ်လို့ ဆိုပါတယ်။ အချိန် (၄)နာရီထက် နည်းမယ်လို့ သတင်းမှာ ဆိုထားတာပါ။ သာမန်အားဖြင့်တော့ အဲဒီခရီးစဉ်ဟာ အချိန်(၇)နာရီခွဲလောက် ယူရပါတယ်။

Son of Concorde လို့ တင်စားရမယ့် မြန်နှုန်းမြင့်လေယာဉ်ဟာ လာမယ့်ဆယ်စုနှစ် (၂)စုလောက်အတွင်းမှ အဆင်သင့်ဖြစ်မယ်လို့ ယူဆရပါတယ်။ ဒီအခွင့်အလမ်းကိုသာ ကြုံခဲ့ရရင်တော့ ကြောက်ခမန်းလိလိ မြန်နှုန်းနဲ့လေယာဉ်တွေဟာ ကမ္ဘာမှာ တကယ်ရှိလာတော့မှာပါလားလို့ တွေးမိစေမှာပါ။

ဒီလေယာဉ်ကို အမေရိကန်ရဲ့ ထိပ်သီးလေယာဉ်ထုပ်လုပ်ရေးကုမ္ပဏီဖြစ်တဲ့ Aerion Corpporation က စီမံကိန်းနဲ့ အကောင်အထည် ဖော်နေတာပါ။ လေယာဉ်ပေါ်မှာ ခရီးသည် (၈)ယောက်ကနေ (၁၂)ယောက်အထိသာ ဝင်ဆန့်မှာပါ။ AS2 Supersonic jet ဖြစ်ပြီး၊ လာမယ့် (၂၀၂၅)မှာ လက်တွေ့လုပ်ငန်းခွင် ဝင်ရောက်နိုင်မယ်လို့ ယူဆရပါတယ်။

ဒီလေယာဉ်ရဲ့မြန်နှုန်းဟာ Mach 1.4 အထိ ရှိမှာပါ။ Mach ဆိုတာ အသံရဲ့မြန်နှုန်းအဆနဲ့ အလျှင်ကို တိုင်းတာတဲ့စနစ်ဖြစ်ပါတယ်။ ဒီမြန်နှုန်းဟာ မိုင်အားဖြင့်ဆိုလျှင် တစ်နာရီကို (၁၀၇၄)မိုင်အထိ ပျံသန်းနိုင်မယ့် သဘောဖြစ်ပါတယ်။ အလွန်အံ့အားသင့်ဖွယ်ရာကောင်းတဲ့ မြန်နှုန်းပါ။

Aerion Corporation ကုမ္ပဏီဟာ မော်ဒန်လေယာဉ်ထုတ်လုပ်ရေးကို ဦးဆောင်နေတဲ့ ကုမ္ပဏီတစ်ခု ဖြစ်ပါတယ်။ အရင်တုန်းကတော့ ဆီအင်မတန်စားတဲ့ လေယာဉ်တွေခေတ်မှသည် ဆီစားနှုန်းသက်သာတဲ့ ဂျက်အင်ဂျင်တွေကို အဆင့်မြင့်တင်နိုင်ခဲ့ရာကနေ၊ အသံကျယ်လောင်မှုနှုန်းကိုလည်း မျက်မှောက်ခေတ်မှာ လျှော့ချနိုင်ခဲ့ပါတယ်။

နောက်ပိုင်းမှာတော့ ခရီးသည်တွေရဲ့ တန်ဖိုးရှိတဲ့အချိန်တွေအတွက်ကိုပါက ထည့်သွင်းတွက်ချက်လာခဲ့ပါတယ်။ လက်ရှိအချိန်မှာတော့ ခရီးသည်တင်လေယာဉ်တွေထဲမှာ အမြန်ဆုံးအဖြစ် သတ်မှတ်ထားတဲ့ Boeing 747-8i လေယာဉ်ကတော့ Mach 0.86 မြန်နှုန်းရှိပါတယ်။မူလအော်ရီဂျင်နယ် Concorde လေယာဉ်တွေဟာ (၁၉၇၆)ခုနှစ်ကတည်းက ဝေဟင်လုပ်ငန်းခွင် ဝင်ရောက်ခဲ့တာဖြစ်ပြီး၊ အခုအချိန်မှာတော့ အိုလွန်းဟောင်းလွန်နေပြီလို့ ဆိုရမှာပါ။ (၂၀၀၃)ခုနှစ်မှာ ပျံသန်းမှုကို ရပ်ဆိုင်းလိုက်ပြီး၊ အဓိကအားဖြင့်တော့ ပတ်ဝန်းကျင်ညစ်ညမ်းစေမှုနဲ့ ဘဏ္ဍာရေးဆိုင်ရာ ကိစ္စရပ်တွေကြောင့် ရပ်နားလိုက်ရတာပါ။

YouTube/Codex

Aerion Corporation ရဲ့ CEO ဖြစ်တဲ့ဘ Tom Vice က “ Concorde လေယာဉ်တွေဟာ အလွန်ကောင်းမွန်တဲ့ စက်တွေနဲ့ လည်ပတ်ခဲ့တာပါ … ကောင်းမွန်တဲ့ စမ်းသပ်မှုတစ်ခုဖြစ်ခဲ့ပါတယ် .. သို့သော်လည်း ပတ်ဝန်းကျင်နဲ့ မလျော်ညီအောင် ထုတ်လွှတ်မှုက အလွန်များပါတယ် …

အသံလည်း အလွန်ဆူပြီး ပတ်ဝန်းကျင် နားမခံသာပါဘူး .. နောက် လုပ်ငန်းလည်ပတ်ဖို့ကလည်း စရိတ်စက အလွန်ကြီးပါတယ် … ”လို့ ပြောခဲ့ပါတယ်။ သူဆိုလိုတာက ကျနော်တို့အနေနဲ့ ဒီလို ခေတ်မမီတော့တဲ့ ဒီလို ပြစ်ချက်တွေရှိနေတဲ့ စနစ်တွေကနေ သူတို့မှာ ရုန်းထွက်ဖို့ လုံလောက်တဲ့ အခြေအနေတွေကို ပိုင်ဆိုင်ထားပြီမို့ မကြာမီမှာ အသံထက်မြန်တဲ့ လေယာဉ်တွေ စီးပွားရေးလုပ်ငန်းသုံးမှာ တွေ့မြင်ရဖို့ရှိပါတယ်။

လင်းသူရိန်

SHARE