ကလေးတွေစာသင်နိုင်ဖို့ ကိုယ်ပိုင်ကျောင်းတည်ထောင်ခဲ့တဲ့ လေးစားဖွယ်(၁၂) နှစ်သား

အာဂျင်တီးနားနိုင်ငံသားလေးဖြစ်တဲ့ Nicanor Quinteros ဟာ အဖွားဖြစ်သူ ရာမိုနာနဲ့ နေထိုင်ပါတယ်။ သူဟာ ကျောင်းသားလေးတစ်ယောက်ဖြစ်ပြီး နွားနို့နဲ့ ကွတ်ကီးကို ကြိုက်နှစ်သက်ပါတယ်။ Nicanor Quinteros ဟာ ကိစ္စတစ်ခုကြောင့်သာမဟုတ်ခဲ့ရင် ရွယ်တူကလေးတွေနဲ့ ဘာမှမခြားနားတဲ့ ကောင်လေးတစ်ယောက် ဖြစ်မှာပါ။ Nicanor ရဲ့ ထူးခြားချက်က သူ့မှာ သူ့ကိုယ်ပိုင်ကျောင်းလေး ရှိတာပါ။ ကျောင်းစာသင်ချင်ပေမယ့် မသင်နိုင်တဲ့ကလေးတွေကို ကူညီပေးလိုတာကြောင့် ဒီကျောင်းကို သူကိုယ်တိုင် တည်ထောင်ထားတာပါ။ အခုဆိုရင် ကျောင်းဖွင့်ထားတာ (၄) နှစ်လောက် ရှိနေပါပြီ။

© Estudio 8 / Canal 8 San Juan

အသက်ငယ်ပေမယ့်လည်း စိတ်သာရှိရင် ကမ္ဘာကြီးကို တစ်ထောင့်တစ်နေရာကနေ ပိုကောင်းမွန်အောင် လုပ်နိုင်တယ်ဆိုတာ Nicanor က ပြသခဲ့ပါတယ်။ Nicanor အသက်(၉) နှစ်အရွယ်မှာ သူက အဖွားကိုအိမ်ဘေးမှာ ကျောင်းဆောက်ချင်တယ်ဆိုပြီး ပြောပြပါတယ်။ Nicanor က တချို့ကလေးတွေဟာ အိမ်လဲမရှိ၊ ကျောင်းသွားဖို့ လမ်းစရိတ်တောင်မရှိ၊ ဖိနပ်တောင်မရှိနဲ့ ဖြစ်နေကြာင်း၊ ဒီလိုကလေးတွေကို စာသင်ပေးချင်ကြောင်း အဖွားကို တိုင်ပင်ခဲ့တာပါ။ အဖွားကလည်း လိုလိုလားလားနဲ့ သဘောတူခဲ့ပြီး မြေးအဖွားနှစ်ယောက် အစီအစဉ်ကို အကောင်အထည် ဖော်ခဲ့ပါတယ်။

© Estudio 8 / Canal 8 San Juan

ကျောင်းလေးကို Patria y Unidad လို့ သူတို့က နာမည်ပေးခဲ့ပါတယ်။ စာသင်ခန်းတွေအဖြစ် ဖန်တီးဖို့ ရွက်ဖျင်တွေနဲ့ တုတ်တွေကို အသုံးပြုပြီး သစ်သီးပုံးခွံတွေကိုတော့ ထိုင်ခုံတွေအဖြစ် အသုံးပြုခဲ့ပါတယ်။ Nicanor ဟာ အိမ်နီးချင်းတွေနဲ့ ကြင်နာတတ်တဲ့သူတွေရဲ့ အကူအညီကိုယူပြီး စာသင်ခန်းနောက်ထပ် (၂) ခန်း၊ ကျောက်သင်ပုန်း၊ စာကြည့်တိုက်အသေးလေးတစ်ခုနဲ့ ခေါင်းလောင်းတစ်ခုကိုပါ ဖန်တီးနိုင်ခဲ့ပါတယ်။ စာသင်ပေးတဲ့ဆရာအချို့ ကတော့ Nicanor ရဲ့ အတန်းဖော်တွေဖြစ်ကြပြီဒ Nicanor ဟာ ကိုယ်ပိုင်ကျောင်းအုပ်ရုံးခန်းတောင် ရှိပါသေးတယ်။

READ
ပင်ပန်းဆင်းရဲလွန်းတဲ့ ဆပ်ကပ်သမားဘ၀က လွတ်မြောက်သွားပြီဖြစ်တဲ့ ၀က်ဝံမလေး
© Estudio 8 / Canal 8 San Juan

METRO: Tiene 12 años y fundó su propia escuela para ayudar a los más necesitados

Tiene 12 años y fundó su propia escuela para ayudar a los más necesitados

Posted by Metro Ecuador on Monday, March 11, 2019

ကျောင်းကို လာတက်တဲ့ ကလေးတွေက လိမ္မာကြပါတယ်။ ကျောင်းမတက်ခင် ကျောင်းအုပ်ကြီး Nicanor ရဲ့ တံခါးကို လာခေါက်ပြီး  သူတို့ ကျောင်းရောက်ပြီဆိုတာ အသိပေးတတ်ပါတယ်။ ကျောင်းမှာတော့ ကျောင်းသား(၃၆) ယောက်ရှိပါတယ်။ Nicanor ရဲ့ ကောင်းမှုကုသိုလ်တွေက ဒီမှာတင်အဆုံးသတ်တာ မဟုတ်ပါဘူး။ သူဟာ နေ့တိုင်း (၄) ကီလိုမီတာဝေးတဲ့ ကျောင်းကို စက်ဘီးစီးသွားပြီး ကျောင်းတက်ပါသေးတယ်။ သူ့ရဲ့ ကိုယ်ပိုင်ကျောင်းမှာလည်း သူက စာပြန်ပြပါတယ်။ တစ်ခါတစ်လေ ပုံမှန်ချိန်လာပြီး ကျောင်းမတက်နိုင်တဲ့ ကလေးတွေအတွက် ညပိုင်းအတန်းတွေကိုလည်း ဖွင့်လှစ်ထားပါတယ်။

READ
မင်္ဂလာဓာတ်ပုံရိုက်နေစဉ်၊ ရေနစ်နေတဲ့ကလေးမလေးကို ကယ်ဆယ်နိုင်ခဲ့တဲ့စုံတွဲ
© Estudio 8 / Canal 8 San Juan

ဒါ့အပြင် သူရတဲ့ မုန့်ဖိုးတွေကိုစုပြီး Nicanor ဟာ သူ့ကျောင်းက ကျောင်းသူကျောင်းသားလေးတွေအတွက် လက်ဖက်ရည်နဲ့ ကွတ်ကီးလို မုန့်တွေကို ကျွေးမွေးပါသေးတယ်။ Nicanor ရဲ့ ကောင်းသတင်းဟာ တဖြည်းဖြည်းနဲ့ ကျော်ကြားလာပြီး San Juan မြို့ဝန်တောင် လာပြီး သူ့ကို တွေ့ဆုံရတဲ့အထိ ဖြစ်ခဲ့ပါတယ်။ အသက်ငယ်ပေမယ့် စွမ်းဆောင်ရည်မသေးလှတဲ့ Nicanor ကတော့ အာဂျင်တီးနားတစ်နိုင်ငံတည်းတင်မဟုတ်ပဲ ကမ္ဘာအရပ်ရပ်က လူငယ်တွေအဖို့ပါ အတုယူစရာ ဖြစ်လာခဲ့ပါတယ်။

© Estudio 8 / Canal 8 San Juan

လင်းလင်း (ShweMom)

Ref: brightside , CNN

SHARE