ကိုယ်ကျိုးစွန့်လုပ်ရပ်တစ်ခုကြောင့် လူအများရဲ့လေးစားချီးကျူးခံရတဲ့ လမ်းပြပုလိပ်

twitter/Newsmeter

Hyderabad မြို့ကလမ်းပြပုလိပ်တစ်ဦးဟာ သူ့ရဲ့ကိုယ်ကျိုးစွန့်လုပ်ရပ်ကြောင့် ဆိုရှယ်မီဒီယာတစ်ခွင်မှာ ချီးမွမ်းခံနေရကြောင်း storypick သတင်းစာမျက်နှာအရ သိရပါတယ်။ အဆိုပါ လမ်းပြပုလိပ်ဟာ အသက် ၃၈ နှစ်ရှိပါပြီ။ G Babji အမည်ရပါတယ်။ သူဟာ အရေးပေါ်လူနာတင်ယာဉ်တစ်စီးအတွက် GPO junction ကနေ Koti ဆီကို ၂ ကီလိုမီတာလောက်ပြေးပြီး ယာဉ်ကြောတွေရှင်းကာ လမ်းရှင်းပေးခဲ့တာ ဖြစ်ပါတယ်။

အရေးပေါ်ယာဉ်ထဲက လူနာ အမြန်ဆုံးဆေးရုံရောက်ဖို့အရေး စွမ်းစွမ်းတမံကြိုးစားအားထုတ်ခဲ့တဲ့ သူ့ကိုတော့ Hyderabad ရဲစခန်းက နိုဝင်ဘာ၅ရက်နေ့မှာပဲ ဂုဏ်ပြုဆုချီးမြှင့်ခဲ့တာဖြစ်ပါတယ်။ G Babji ဟာ အလုပ်အပေါ်ကို စိတ်မြှုပ်နှံထားသူဖြစ်တဲ့အပြင် သူ့ရဲ့လုပ်ရပ်က လေးစားစရာကောင်းပြီး ချီးကျူးဖွယ်ရာဖြစ်ကြောင်း၊ အဖိုးတန်တဲ့လူ့အသက်တစ်ချောင်းကိုကယ်တင်ပေးခဲ့ကြောင်းနဲ့ သူ့အတွက် Hyderabad ရဲစခန်းက ဂုဏ်ယူရကြောင်း ပြောပြခဲ့ကြတာပါ။


G Babji ရဲ့ ၇နှစ်အရွယ်သမီးကလေး Sharanya ကတော့ အိမ်မှာ သူ့အဖေကိုဂုဏ်ပြုကြိုဆိုဖို့စောင့်နေခဲ့ပါတယ်။ ဖခင်ဖြစ်သူက ည၁၀နာရီမှ တာဝန်ချိန်ပြီးဆုံးမှာမို့ Sharanya က မအိပ်ဘဲ ဆုရပြီးပြန်လာတဲ့ဖခင်ကို ပွေ့ဖက်ကြိုဆိုဖို့စောင့်နေတာပါ။
Babji ကတော့ “ကျွန်တော့် သမီးလေးရယ်၊ ဇနီးရယ်နဲ့ အိမ်နီးချင်းတွေက ကျွန်တော့်ကိုကြိုဆိုဖို့စောင့်နေကြတာမြင်ရတော့ အရမ်းဝမ်းသာသွားတယ်။ အွန်လိုင်းမှာ ကျွန်တော့်အကြောင်း ဗီဒီယိုတွေပြန့်နေတော့ သူတို့သိသွားတာပါ။ ကျွန်တော့်သမီးက ကျွန်တော့်ကို ဂုဏ်ပြုတဲ့စာတိုလေးရေးထားတယ်။ သမီးဆီက စာကိုဖတ်ရတော့အရမ်းပီတိဖြစ်မိတယ်။ ဒီအချိန်လေးကို တစ်သက်လုံးမေ့နိုင်တော့မှာမဟုတ်ဘူး။ ကျွန်တော့်အိမ်နီးချင်းတွေကလည်း ကျွန်တော့်ကိုဖတ်ပြီးဂုဏ်ပြုကြတယ်။”

“ကျွန်တော် သိပ်ကျေနပ်မိတယ်။ အကျေနပ်ဆုံးကတော့ အရေးပေါ်ကားပေါ်မှာပါလာတဲ့ လူနာရဲ့ဇနီးက ကျွန်တော့်ကိုဆက်သွယ်တယ်။ သူ့အမျိုးသားက အသက်အန္တရာယ်လွတ်သွားပါပြီတဲ့။ ကျွန်တော်ကူညီပေးလိုက်လို့ သူများအဆင်ပြေသွားတာ တကယ်ဝမ်းသာမိတယ်။ ကျွန်တော်က ဒီအကြောင်းကို မိသားစုကလွဲလို့ ဘယ်သူမှမပြောပြခဲ့ပါဘူး။ ဒါပေမဲ့ ဆေးရုံကားပေါ်လိုက်လာတဲ့လူတစ်ယောက်က ကျွန်တော့်ကိုဗီဒီယိုရိုက်ပြီး အွန်လိုင်းပေါ်တင်ခဲ့ရာကနေ လူတွေသိသွားတာပါ။” လို့လည်း ပြောပြခဲ့ပါသေးတယ်။

READ
ခွေးလေးတွေအတွက် Stick Library တစ်ခု ဆောက်လုပ်ပေးထားတဲ့ အမျိုးသား

ShweMom

SHARE