သင့်ကလေးကို အပြုအမူဆိုးသူတစ်ယောက် မဖြစ်စေချင်ရင် ဒီလိုပျိုးထောင်ပါ

unsplash/Guillaume de Germain

လူမှုပတ်ဝန်းကျင်တွင် တစ်ယောက်နဲ့တစ်ယောက် ဆက်ဆံရာမှာ အပြုအမူဟာ အရေးပါပါတယ်။ ဒါကြောင့် မိဘတွေအနေနဲ့ သားသမီးတွေကို အပြုအမူ၊ အပြောအဆိုမှာ လိမ္မာပါးနပ်စေဖို့ ငယ်စဉ်ကတည်းက လမ်းညွှန်ပေးသင့်ပါတယ်။ အခုအခါမှာတော့ ကလေးတွေကို အပြုအမူဆိုးသူတွေအဖြစ် လူမှုဝန်းကျင်မှာ အသတ်မှတ်မခံရလေအောင် asiaone ကနေတဆင့် လိုက်နာသင့်တဲ့ အချက်အလက်လေးတွေကို ဖော်ပြပေးလိုက်ပါတယ်။

ကလေးကို ငယ်တုန်းမှာ မပြတ်သွန်သင်ဆုံးမပါ

တစ်ခါတစ်လေ ကလေးက ဒေါသထွက်ပြီး ဆိုးဆိုးဝါးဝါးအပြုအမူတွေပြုလုပ်တဲ့အခါ သူတို့ကို ကလေးပဲဆိုပြီးတော့ ဒီအတိုင်း လွှတ်မထားသင့်ပါဘူး။ ဆုံးမသင့်တဲ့အချိန်မှာ ဆုံးမရပါမယ်။ ဒီလိုမှမဟုတ်ပဲ ကလေးကို လွှတ်ထားရင် ကလေးရဲ့အပြုအမူဆိုးကို တစ်ဖက်လှည့်နဲ့ တွန်းအားပေးရာ ရောက်ပါတယ်။ ကလေးဟာ အသက်ကြီးလာတာနဲ့အမျှ ဒီလိုအပြုအမူဆိုးတွေကို သွန်သင်ဖို့လည်း ခက်လာပါလိမ့်မယ်။

ကလေးကို မဖျက်ဆီးပါနဲ့

မိဘတွေအနေနဲ့ ကိုယ့်ကလေး အသက်ကြီးလာတဲ့အခါ အသုံးတည့်စေဖို့ ကျန်းမာတဲ့အလေ့အကျင့်တွေများ ပျိုးထောင်ပေးနေရဲ့လားဆိုတာ အစဉ် ဆန်းစစ်သင့်ပါတယ်။ ဥပမာ လေးစားမှုရဲ့တန်ဖိုး၊ စည်းကမ်းတန်ဖိုးနဲ့ တာဝန်ယူမှုတွေအကြောင်းကို သင်ကြားပေးတတ်ရပါမယ်။

READ
အနံ့ဆိုးတွေပျောက်ပြီး သဘာဝအတိုင်း ကောင်းမွန်တဲ့ ခံတွင်းရနံ့ရဖို့ နည်းလမ်းများ
unsplash/Picsea

တစ်ပါးသူတွေကိုလည်း ကိုယ့်ကလေးကို ဆုံးမခွင့်ပေးလိုက်ပါ

အရင်ခေတ်တွေတုန်းက  ကလေးတစ်ယောက်ကို မိဘတွေအပါအ၀င် ဆရာသမားတွေ၊ ဆွေမျိုးနီးစပ်မတော်ပေမယ့် မိသားစုနဲ့ခင်မင်ရင်းနှီးကြတဲ့ လူကြီးသူမတွေ၊ အသက်အရွယ်ကြီးသူ အဖိုးအဖွားတွေက ၀ိုင်းဝန်းဆုံးမလေ့ရှိပါတယ်။ ဒါပေမယ့် ဒီဘက်ခေတ်ရောက်လာတော့ မိခင်အများစုက သူတို့ကလေးကို သူများက စေတနာနဲ့ ပြောဆိုဆုံးမတာတောင် မကြိုက်ချင်ကြတော့ပါဘူး။ ဒါကြောင့် မိခင်တွေအနေနဲ့ ကိုယ့်သားသမီးရဲ့ အပြုအမူက မှားနေလို့ သူများက ၀င်ထောက်ပြပေးရင် နားလည်လက်ခံနိုင်ဖို့ လိုပါတယ်။

ကလေးငိုမှာ ကြောက်မနေပါနဲ့

တကယ်လို့ သင့်ကလေးက တစ်ခုခုလိုချင်တယ်လို့ဆိုတိုင်း သူလိုချင်တာမှန်သမျှ အကုန် ဖြည့်ဆည်းပေးနေတယ်ဆိုရင် ရေရှည်မှာ ကလေးအတွက် မကောင်းနိုင်ပါဘူး။ ကလေးက သူငိုတာ၊ ပစ္စည်းတွေပစ်ပေါက်တာ၊ ပေါက်ကွဲပြတာနဲ့ မိဘတွေက သူအလိုရှိရာကို ယူဆောင်ပေးတယ်ဆိုတဲ့ တလွဲစိတ်ဝင်သွားနိုင်ပါတယ်။ ဒါကြောင့် မိဘတွေအနေနဲ့ ကလေးတွေကို သူတို့မရသင့်တဲ့ အခွင့်အရေးမျိုး မပေးသင့်ပါဘူး။ လိုချင်တာနဲ့ လိုအပ်တာကို ခွဲခြားနားလည်အောင် ကလေးတွေကို သင်ပေးသင့်ပါတယ်။

READ
ချစ်တာတော့ ချစ်ပါ ... ပတ်ဝန်းကျင်ကိုလည်း အားနာပါ
unsplash/Anna Earl

 

ဖြတ်လမ်းနည်းတွေ မပေးပါနဲ့

မိဘတိုင်းဟာ သားသမီးတွေရဲ့ ဘ၀ကို အမြဲတမ်းလွယ်ကူချောမွေ့စေလိုကြတာချည်းပါ။ ဒါပေမယ့် ငွေရဖို့ အောင်မြင်မှုရဖို့ တစ်ခုလည်းနဲ့ ဘယ်တော့မှ ဖြတ်လမ်းနည်းတွေ မပေးမိအောင် ဆင်ခြင်သင့်ပါတယ်။ ကလေးတွေကို စိတ်ရှည်သည်းခံဖို့၊ အလုပ်တစ်ခုမှာ အမြဲတမ်းဇွဲထားပြီးလုပ်ကိုင်ဖို့ သင်ပေးရမှာ ဖြစ်ပါတယ်။ ဒါ့အပြင် ယခုခေတ်ပေါ် ဆက်သွယ်ရေးနဲ့ အပန်းဖြေရာမှာ အသုံးပြုတဲ့ တီဗီ၊ ဖုန်းတွေ ကွန်ပြူတာတွေ မရှိပဲလည်း ပျော်ရွှင်မှုရအောင် ရှာတတ်ဖို့ သင်ပေးရမှာ ဖြစ်ပါတယ်။ လုပ်အားတန်ဖိုးကို နားလည်စေဖို့အတွက် အိမ်မှာ အကူတွေရှိနေတာတောင် ကလေးကို အိမ်အလုပ်တွေလုပ်တတ်အောင် မိဘတွေက သင်ပေးထားသင့်ကြောင်း ဖော်ပြပေးလိုက်ပါတယ်။

လင်းလင်း (ShweMom)

SHARE