တစ်ပတ်လုံးလုံး ရုပ်ရှင်ကြည့်နိုင်မယ့်ကံထူးရှင်ကို ရွေးချယ်နေတဲ့ ဆွီဒင်ရုပ်ရှင်ပွဲတော်

youtube/The Isolated Cinema

၂၀၂၁ ခုနှစ်ဟာ virtual events တွေနဲ့ ပြည့်နှက်နေမယ့် အရိပ်အယောင်ပေါ်နေပါတယ်။ ဒါပေမဲ့ ဆွီဒင်က Göteborg ရုပ်ရှင်ပွဲတော်ကတော့ ထူးခြားတဲ့အစီအစဉ်တစ်ခုကိုပြုလုပ်ခဲ့ပါတယ်။ အဲ့ဒါကတော့ လူသူအလှမ်းဝေးတဲ့ကျွန်းပေါ်မှာ တစ်ပတ်တာသွားနေထိုင်ပြီး ရုပ်ရှင်တွေကြည့်ဖို့ ကံထူးရှင်ရွေးချယ်မှာဖြစ်ပါတယ်။

Göteborg ရုပ်ရှင်ပွဲတော်မှာ လူတိုင်း အွန်လိုင်းကနေပါဝင်ကြည့်ရှုနိုင်မှာဖြစ်ပါတယ်။ ဒါပေမဲ့ ၄င်းပရိသတ်တွေထဲက ကံထူးသူတစ်ယောက်ကတော့ ရုပ်ရှင်ပွဲတော်အခေါ် The Isolated Cinema ကို ကိုယ်တိုင်ကိုယ်ကျတက်ရောက်ခွင့်ရရှိမှာ ဖြစ်ပါတယ်။ ကံထူးရှင်ကိုတော့ ဆွီဒင်ကျွန်းတစ်ကျွန်းဖြစ်တဲ့ Pater Noster ဆီ လှေနဲ့ သွားရောက်ပို့ဆောင်ပေးမှာဖြစ်ပါတယ်။ အဲ့ဒီမှာတော့ မီးပြတိုက်အစောင့်ဟောင်းတစ်ယောက်နေသွားတဲ့အ်ိမ်ရှိပါတယ်။ အစားအသောက်ကစလို့ ရုပ်ရှင်ကားတွေအဆုံး အားလုံးကို ရုပ်ရှင်ပွဲတော်က ထောက်ပံ့ပေးမှာဖြစ်ပါတယ်။

 

တစ်ခုရှိတာက ကံထူးရှင်က ဖုန်းတွေ၊ လက်ပ်တော့နဲ့ စာအုပ်တောင် ယူလာလို့မရပါဘူး။ အာရုံလွှဲပြောင်းစေမယ့်အရာမျိုးတွေမလုပ်ရပါဘူး။ Göteborg ရုပ်ရှင်ပွဲတော်ရဲ့ ဒါရိုက်တာ Jonas Holmberg ကတော့ ကပ်ရောဂါအတွင်း လူတွေက ရုပ်ရှင်တွေနဲ့အပန်းဖြေကြတာကို ကြည့်ရင်း The Isolated Cinema ကို ပြုလုပ်ဖိုိ့စိတ်ကူးပေါ်လာကြောင်းဆိုပါတယ်။ ‘တစ်ချို့အခြေအနေတွေမှာ ပရိသတ်တွေနဲ့ ရုပ်ရှင်တွေရဲ့ဆက်နွယ်နေမှုကို ကျွန်တော်တို့စိတ်ဝင်စားပါတယ်။ ကျွန်တော်တို့အဆုံးစွန်ထိ စမ်းသပ်ဖို့စိတ်ကူးရပါတယ်။ လူတစ်ယောက်ကို လူမရှိတဲ့ကျွန်းပေါ်မှာ တစ်ယောက်တည်း တစ်ပတ်နေစေမယ်။ သူ့အဖော်ကတော့ ရုပ်ရှင်တွေပဲရှိမယ်ပေါ့ဗျာ။”

READ
ချစ်သူတို့အတွက် နိုင်ငံပေါင်း(၁၁)နိုင်ငံကို ခုတ်မောင်းမယ့် ဒ်ါလာ၁.၂သန်းတန် သင်္ဘောခရီးစဉ်

ရုပ်ရှင်ပွဲတော်ရဲ့ကံထူးရှင်ကို အာရုံအနှောင့်အယှက်ကင်းကင်းနဲ့ထားဖို့ ပွဲတော်စီစဉ်သူတွေက ရည်ရွယ်ထားပေမယ့် ခရီးစဉ်တစ်လျှောက်လုံးရဲ့အတွေ့အကြုံကိုတော့ ဗီဒီယိုဒိုင်ယာရီရိုက်ကူးဖို့နဲ့ ကမ္ဘာတစ်ဝန်းကလူတွေကို မျှဝေဖို့တော့ ခွင့်ပြုတယ်လို့သိရပါတယ်။ လုံခြုံရေးအရ ကျွန်းပေါ်မှာ လူတစ်ယောက်က အစောင့်အဖြစ်ရှိနေမှာဖြစ်ပြီး ထိုသူနဲ့လည်း ခပ်ဝေးဝေးမှာနေရမှာဖြစ်ပါတယ်။ “ကျွန်းက လုံခြုံစိတ်ချရပါတယ်။ ကံထူးရှင်ကို အိပ်ရာကောင်းကောင်း အစားအသောက်ကောင်းကောင်းပေးမှာပါ။” လို့ Holmberg ကဆိုပါတယ်။

 

ကံစမ်းမယ့်လျှောက်လွှာတွေကိုတော့ ၂၀၂၁ ခုနှစ် ဇန်နဝါရီ ၁၇ ရက်အထိ လက်ခံမှာဖြစ်ပါတယ်။ အရွေးချယ်ခံရရင်တော့ ဇန်နဝါရီ ၃၀ ကနေ ဖေဖော်ဝါရီ ၆ ရက်ကြား ကျွန်းပေါ်မှာ တစ်ဦးတည်းသွားပြီး ရုပ်ရှင်ကြည့်ရမှာဖြစ်ပါတယ်။ စိတ်ဝင်စားသူတွေအနေနဲ့ Göteborg ရုပ်ရှင်ပွဲတော်ရဲ့ ဝက်ဒ်ဆိုက်မှာ သွားရောက်လျှောက်ထားနိုင်ပြီး အသေးစိတ်အချက်အလက်တွေကို စုံစမ်းနိုင်ကြောင်း travelandleisure သတင်းအရ ဖော်ပြပေးလိုက်ပါတယ်။

READ
ကမ္ဘာပတ်ပြီး မှတ်စုစာအုပ်တွေထဲမှာ အံ့မခန်းအနုပညာတွေဖန်တီးခဲ့တဲ့အမျိုးသား

ShweMom

SHARE