အွန်လိုင်းရှော့ပင်းကို စွဲလန်းခြင်းဟာ စိတ်ရောဂါတစ်ခုဖြစ်ကြောင်း လေ့လာတွေ့ရှိ

Unsplash/Harper

ဂျာမနီနိုင်ငံရှိ Hannover ဆေးပညာကျောင်းက စိတ်ရောဂါပညာရှင်တစ်ဦးဖြစ်တဲ့ ဒေါက်တာ Müller ကအွန်လိုင်းရှော့ပင်း စွဲလမ်းမှုတွေနဲ့ပတ်သတ်ပြီး ပြောကြားခဲ့ပြီးတဲ့နောက် သူမနဲ့အတူသူမရဲ့ လုပ်ဖော်ကိုင်ဖက် တွေက ဒီကိစ္စနဲ့ပတ်သက်ပြီး လေ့လာမှုတစ်ခုကိုလုပ်ခဲ့ပါတယ်။အွန်လိုင်းရှော့ပင်းစွဲလမ်းမှုဖြစ်နေတဲ့ လူနာ(၁၂၂)ယောက် ကလည်း ဒီရောဂါနဲ့ပတ်သက်ပြီး အကူအညီ တောင်းခံခဲ့ကြပါတယ်။

သုတေသနပြုလုပ်နေစဉ်အတွင်း သိပ္ပံပညာရှင်တွေက ဒီစွဲလမ်းမှုရောဂါဖြစ်ပွားသူ တော်တော်များများကိုတွေ့ရှိခဲ့ ပါတယ်။

ဒီလိုဈေးဝယ်တဲ့စွဲလမ်းမှုဟာ အိမ်အရောက်ပစ္စည်းပို့ဆောင်မှုတွေ၊ အွန်လိုင်းစတိုးတွေကြောင့် ပိုမိုများပြားလာတာ ကြောင့် အခုလိုဖြစ်တာလို့ သုတေသီတွေက သတ်မှတ်ကြပါတယ်။ ဘာလို့ဆို အင်တာနက်ဟာ အမြဲတမ်းရရှိနေတဲ့အတွက် အချိန်မရွေး အိမ်အပြင်ထွက်စရာမလိုပဲ အွန်လိုင်းကနေ ဈေးဝယ်နိုင်တာကြောင့်ပဲ ဖြစ်ပါတယ်။

Unsplash/GT

အွန်လိုင်းစတိုးတွေဟာ လွယ်လွယ်နဲ့လူကြိုက်များတဲ့ပစ္စည်းတွေကိုရောင်းချတဲ့အတွက် လူစိတ်ဝင်စားမှုပိုများပါတယ်။

ဒီလိုအွန်လိုင်းရှော့ပင်းမှာဈေးဝယ်သူ BSD(Buying-shopping disorder) ရောဂါသည်တော်တော်များများဟာ လူငယ်တွေဖြစ်ပြီး ဂျာမနီနိုင်ငံရဲ့(၅)ရာခိုင်နှုန်းလာက်သောသူတွေဟာ အွန်လိုင်းကနေဈေးဝယ်သူတွေဖြစ်ပါတယ်။

BSD ရောဂါဟာ ဆယ်စုနှစ်တစ်ခုကြာသတ်မှတ်ခံရပေမယ့်လည်း သီးသန့်ရောဂါဆိုပြီးတော့လည်း သတ်မှတ်ထားခြင်း မရှိပါဘူး။ စွဲလမ်းမှုကို ထိန်းချုပ်လို့မရနိုင်တဲ့ရောဂါလို့လည်း သတ်မှတ်ကြပါတယ်။ ဒါဟာ ဆိုးဝါးတဲ့စိတ်ပိုင်းဆိုင်ရာ အခြေအနေဖြစ်တယ်လို့လည်း ဒေါက်တာ Müller နဲ့ သူမရဲ့အဖွဲ့က သတ်မှတ်ခဲ့ကြောင်း DailyMail သတင်းစာက ဖော်ပြခဲ့ပါတယ်။

Unsplash/Xpress

BSD ရောဂါဟာ အွန်လိုင်းကနေ ပစ္စည်းတွေကို အလွန်အကျူးဝယ်ယူဖို့ စွဲလန်းတာဖြစ်တဲ့အပြင် ပိုက်ဆံဖြုန်းတီးလိုက် ရတဲ့အတွက် ကျေနပ်သလို ရှိသွားတဲ့ရောဂါတစ်မျိုးလည်း ဖြစ်ပါတယ်။

အဓိကကတော့ ကိုယ့်ကိုကိုယ်ထိန်းချုပ်နိုင်တဲ့ စွမ်းရည်ပျက်ပြားပြီး စိတ်ပိုင်းဆိုင်ရာ ပြဿနာတွေ ဖြစ်လာတာပဲ ဖြစ်ပါတယ်။ ဒါ့အပြင် ပေါင်းသင်းဆက်ဆံရေး ခက်ခဲမှုတွေ ဖြစ်လာမယ့်အပြင် အကြွေးတွေ တင်လာမယ်၊ စိတ်ရှုတ်ထွေးမှုတွေဖြစ်လာမှာ အသေအချာပါပဲ …..

Thae Su

SHARE