ရုပ်ဆိုးလေလေ ၊ သူများထက်လစာပိုကောင်းလေ လို့ စစ်တမ်းတွေဖော်ပြ

Shutterstock

အလုပ်တစ်ခုလျှောက်လို့ သင်က တခြားသူတွေထက် အရမ်းတွေပိုပြီး ကြည့်ကောင်းနေရင်၊ အရမ်းတွေ စမတ်ကျနေရင် လစာပိုရမယ်လို့ ထင်နေပါသလား။ အဲဒါဆိုရင်တော့ သင့်ရဲ့အတွေးတွေ မှားနေပြီလို့သာ သိလိုက်ပါ။ တကယ့်လက်တွေ့မှာတော့ လုံးဝကို ဆွဲဆောင်မှုမရှိတဲ့သူတွေဟာ တခြားသူတွေထက် ပိုကောင်းတဲ့လစာမျိုးကို ရကြတာဖြစ်တယ်လို့ စစ်တမ်းတွေက တွေ့ရှိထားခဲ့တာပါ။

(၂၀၁၈)ခုနှစ်တုန်းက လုပ်ခဲ့တဲ့ စစ်တမ်းတစ်ခုမှာ အမေရိကန်နိုင်ငံက လူငယ်ပေါင်း (၂၀၀၀၀)ကျော်ကို စစ်တမ်းကောက်ယူခဲ့ပြီး အရမ်းကြည့်ကောင်းပြီး ရုပ်ချောတဲ့သူတွေအနေနဲ့ အလုပ်မှာ လစာကောင်းကောင်း ရကြသလားဆိုတာကို အဖြေရှာခဲ့ကြတာပါ။

တွေ့ရှိမှုကတော့ အထက်မှာ ဖော်ပြခဲ့တဲ့အကြောင်းပါပဲ။ အရမ်းကို ဆွဲဆောင်မှုမရှိဘူးလို့ သတ်မှတ်ခံထားရသူတွေဟာ တော်ရုံဆွဲဆောင်မှုမရှိသူတွေ၊ ကြည့်ကောင်းသူတွေထက်ပိုပြီး များပြားတဲ့လစာကို ရရှိနေတာ တွေ့ခဲ့ရပါတယ်။

© Ugly Betty / ABC

ဒါက ရှင်းပြဖို့ ခက်ခဲတဲ့အကြောင်းပြချက်လို့ ပြောရမှာဖြစ်ပေမယ့် လုပ်ငန်းရှင်အများစုရဲ့ စိတ်ထဲမှာ ကြည့်ကောင်းပြီး အရမ်းချောမောနေသူတွေက အလုပ်ကို လက်ကြောတင်းတင်းနဲ့ လုပ်မှာမဟုတ်ဘူးဆိုတဲ့ ခံစားချက်မျိုး ရှိနေကြတယ်လို့ စစ်တမ်းက ဖော်ပြပါတယ်။ ရုပ်ချောသူတွေဟာ သူတို့ကိုယ်သူတို့ ချောမောအောင် ပြင်ဆင်နေရတာနဲ့တင် လုပ်ငန်းခွင်ကို အကူအညီပေးနိုင်မှာမဟုတ်ဘူးလို့ အလုပ်ရှင်တွေက သုံးသပ်ထားကြပါတယ်။

READ
သင့်ရဲ့ ကြောင်လေးကို ဘယ်တော့မှ အလွန်အကျွံ မကျွေးသင့်တဲ့ အစာများ

တစ်ဖက်မှာကြည့်လိုက်ရင်တော့ အရမ်းကို ရုပ်ဆိုးပြီး ဆွဲဆောင်မှုမရှိတဲ့သူတွေဟာ အလုပ်ကို တခြားသူတွေထက်ပိုပြီး အားသွန်ခွန်စိုက်လုပ်လိမ့်မယ်လို့ အလုပ်ရှင်တွေက ယုံကြည်ထားကြပါတယ်။ ဘာကြောင့်လဲဆိုတော့ သူတို့က ပိုက်ဆံရှာဖို့အတွက်ပဲ အားသန်သူတွေဖြစ်ကြပြီး ပိုက်ဆံကသာ သူတို့ရဲ့ဘ၀ကို ပြောင်းလဲပေးနိုင်မှာဖြစ်တယ်လို့ ခံယူသူတွေဆိုပြီး အလုပ်ရှင်တွေက သုံးသပ်ထားကြတာပါ။

© Ugly Betty / ABC

ဒါပေမယ့် (၂၀၁၁)ခုနှစ်မှာ လုပ်ခဲ့တဲ့ စစ်တမ်းတစ်ခုကျပြန်တော့လည်း ကြည့်ကောင်းတဲ့သူတွေဟာ ပုံဆိုးပန်းဆိုးတွေထက်ပိုပြီး အလုပ်ရတာ လွယ်တယ်လို့ ဖော်ပြနေပြန်ပါတယ်။

ဒီတော့ ဒီနှစ်ခုကို ပူးတွဲပြီး ကောက်ချက်ချနိုင်တာက ရုပ်ချောသူတွေဟာ အလုပ်ရနိုင်တာ လွယ်ပေမယ့် လခ မကောင်းကြပဲ၊ ရုပ်ဆိုးသူတွေအနေနဲ့တော့ အလုပ်ရှာရတာ ခက်ကောင်းခက်နိုင်ပေမယ့် သူတို့ရတဲ့အလုပ်တွေမှာ တခြားသူတွေထက် လစာကောင်းကြတယ်လို့ သတ်မှတ်ရမလိုပါပဲ။

ကဲ…သင့်မှာ အခွင့်အရေးရှိတယ်ဆိုရင်ရော ရုပ်ချောတဲ့သူ လုပ်မလား၊ လစာကောင်းတဲ့သူ လုပ်မလား…။

READ
နယ်သာလန်နိုင်ငံရဲ့ စိတ်ဝင်စားဖွယ် သိကောင်းစရာအချက်များ

Linn

SHARE