အာနိသင်ကောင်းပြီး အင်းဆက်တွေကို ဝေးဝေးပြေးစေတဲ့ အိမ်စိုက်အပင်များ

အိမ်ထဲမှာ ခြင်၊ ယင်နဲ့ ပိုးဟပ်တွေပေါလို့ စိတ်ညစ်နေတယ်ဆိုရင်တော့ အောက်မှာဖော်ပြထားတဲ့ အပင်တွေကို စိုက်ပျိုးကြည့်ဖို့ အကြံပြုလိုက်ပါရစေ။ လူတွေက ခြင်၊ယင်တွေ့တာနဲ့ ဓာတုဗေဒဖြန်းဆေးတွေလောက်ပဲ အားကိုးနေတာ များပြီး ဒီဖြန်းဆေးတွေကြောင့် ကိုယ်ကိုတိုင်ရော ကျန်းမာရေးထိခိုက်နိုင်တယ်ဆိုတာ မသိကြပါဘူး။ အခုဖော်ပြပေးမှာကတော့ fabiosa ကနေ ကောက်နုတ်ထားတဲ့ အိမ်တွင်းမှာ ပိုးမှက်ခြင်ယင်တွေပြေးစေနိုင်တဲ့ အစွမ်းသတ္တိနဲ့ အပင်တွေအကြောင်းပဲ ဖြစ်ပါတယ်။ တချို့အပင်တွေဆိုရင် ဆေးဘက်လည်းဝင်တဲ့အတွက် ပိုးကောင်မွှားကောင်တွေကို ရှင်းလင်းစေရုံတင်မကပဲ လူတွေအတွက် ဆေးဖက်ဝင်ကာ စားသုံးလို့လည်း ရပါတယ်။

စပါးလင်

NUM LPPHOTO

ခြင်ပြေးဆေးတွေ ပြုလုပ်ရာမှာ အဓိကပါဝင်ပစ္စည်းက စပါးလင်ဖြစ်ပါတယ်။ စပါးလင်အပင်ကို အိုးတွေထဲထည့်ပြီး စိုက်ပျိုးနိုင်ပါတယ်။ ပြီးတော့ အပင်က တယုတယထားစရာ မလိုပါဘူး။ ပစ်ထားလို့ရပြီး အချိန်တန်ရင် သူ့ဘာသာသူ ပွင့်လန်းလာတဲ့ အပင်မျိုး ဖြစ်ပါတယ်။

ကြောင်ဆေးပင်

Anna Hoychuk

ကြောင်ဆေးပင်ဟာ ဈေးကွက်ထဲမှာ တွေ့ရတဲ့ ခြင်ပြေးဆေးဖြန်းဘူးတွေထက် (၁၀) ဆ ပိုမိုအာနိသင်ရှိပါတယ်။ သူကတော့ နည်းနည်းဂရုစိုက်ဖို့လိုတဲ့ အပင်တစ်မျိုးဖြစ်ပြီး လေတိုက်တာ သိပ်မကြိုက်ပါဘူး။

READ
အလှမွေးငါးကန်ထဲက သန္တာကျောက်ကြောင့် လူ(၁၀)ဦးဆေးရုံတင်ခဲ့ရ

ပင်စိမ်း

This Is Me

ပင်စိမ်းကို ဂရိနိုင်ငံမှာတော့ အိမ်တိုင်းလိုလို စိုက်ပျိုးကြပါတယ်။ သူ့ကို စိုက်ထားရင် တော်တန်ရုံပိုးကောင်တွေ မလာပါဘူး။ ပင်စိမ်းနံ့ကို ပိုးကောင်တွေက ကြောက်ပါတယ်။ ဥပမာ ပင်စိမ်းရွက် ခပ်သေးသေးတစ်ရွက်ကို ပြတင်းပေါင်ပေါ် တင်ထားရုံနဲ့ ပိုးကောင်တွေက ဝေးဝေးပြေးကြပါတယ်။ ရိုးရာမြေထဲပင်လယ်ဒေသ ဟင်းခွက်တွေထဲမှာလည်း ပင်စိမ်းဟာ မပါမဖြစ်တဲ့ ဟင်းခတ်အမွှေးအကြိုင်တစ်မျိုး ဖြစ်ပါတယ်။

လာဗင်ဒါ

Igor Marusichenko

လာဗင်ဒါပန်းရဲ့ ရနံ့ကို ဖြန်းဆေးတွေအဖြစ် နေရာအများအပြားမှာ သုံးကြပါတယ်။ ပန်းရနံ့က စူးတာကြောင့် သူ့ကို ခြင်တွေ၊ ယင်ကောင်တွေ မကြိုက်ကြပါဘူး။ လာဗင်ဒါပန်းကိုတော့ ပြတင်းပေါင်တွေ၊ လေသာဆောင်တွေပေါ်မှာ ကောင်းကောင်းစိုက်ပျိုးနိုင်ပါတယ်။ ပန်းခြံထဲမှာတော့ မရှိမဖြစ် ထားသင့်တဲ့ အပင်မျိုးပါပဲ။

အခြားအပင်များ

nnattalli

ကြက်သွန်ဖြူပင်၊ ကရဝေးပင်၊ ရို့စ်မေရီပင်နဲ့ ကြောင်ဆေးပင်တို့ဟာ ပိုးဟပ်ပြေးစေတဲ့ အပင်တွေ ဖြစ်ပါတယ်။ တချို့အပင်တွေကိုတော့ နကျယ်ကောင်တွေ၊ ပျားတွေလည်း ကြောက်ကြပါတယ်။ ဥပမာ ဒေါနပင်ဆိုရင် အင်းဆက်တွေကြောက်တဲ့ အပင်ဖြစ်ပါတယ်။ ဒီအပင်ကို လေသာဆောင်နဲ့ ဆင်ဝင်တွေမှာ စိုက်ထားရင် ပိုးကောင်မွှားကောင်တွေ အိမ်ထဲမလာနိုင်တော့ပါဘူး။ အိန္ဒိယကာနေးရှင်း၊ ဟင်းမွှေးရွက်နဲ့ ပူဒီနာရွက်တွေဟာလည်း လူတွေအတွက် အကျိုးပြုတာကြောင့် စိုက်ပျိုးသင့်တဲ့ အပင်လေးတွေဖြစ်ကြောင်း ဖော်ပြပေးလိုက်ပါတယ်။

READ
အတူတူသောက်လေ့ရှိတဲ့စုံတွဲတွေ အိမ်ထောင်ရေးပိုတည်မြဲလေ့ရှိကြောင်းတွေ့ရှိ

လင်းလင်း (ShweMom)

SHARE