ကိုယ်ဝန်ဆောင်မိခင်တွေ ပါရာစီတမောသောက်ရင် ရင်သွေးမှာအန္တရာယ်ရှိသတဲ့

Twitter "Hindustan Times"

 အမျိုးသမီးတွေဟာ ကိုယ်ဝန်ဆောင်ချိန်မှာ ပါရာစီတမောအကိုက်အခဲပျောက်ဆေး အလွန်အကျွံသောက်သုံးပါက မွေးလာမယ့်ကလေးအတွက် စိတ်နဲ့ဆိုင်တဲ့အပြုအမူပြဿနာတွေဖြစ်ပေါ်နိုင်ပါတယ်။

ပါရာစီတမောအကိုက်အခဲပျောက်ဆေးသောက်သုံးတဲ့ ကိုယ်ဝန်ဆောင်မိခင်တွေနဲ့ သူတို့ကလေးတွေကြားဆက်နွယ်မှုကို လေ့လာကြည့်တဲ့အခါ ကလေးတွေမှာလိုတာထက်ပိုပြီးတက်ကြွတဲ့ဖြစ်စဉ်နဲ့ စိတ်ပိုင်းဆိုင်ရာပြဿနာတစ်ချို့ရှိနေတာကိုသိပ္ပံပညာရှင်တွေကတွေ့ရှိခဲ့တာဖြစ်ပါတယ်။

 

ပါရာစီတမောဟာ ကမ္ဘာမှာ လူကြိုက်အများဆုံးအကိုက်အခဲပျောက်ဆေးတစ်မျိုးဖြစ်ပြီး၊ မိန်းကလေးတွေကိုယ်ဝန်ဆာင်စဉ်အတွင်း စိတ်ချသောက်သုံးလို့ရတဲ့တစ်ခုတည်းသောဆေးဖြစ်ခဲ့ပါတယ်။ ဒါပေမယ့် အခုအခါ သံသယဖြစ်စရာကိစ္စတွေထွက်ပေါ်လာခဲ့တာမို့သတိထားဖို့ လိုအပ်လာပါပြီ။

ဒီဆေးဟာ ကလေးတွေရဲ့ဖွံ့ဖြိုးတိုးတက်မှုကို ထိခိုက်စေနိုင်ပြီး၊ပန်းနာရင်ကျပ်ရောဂါ၊ သားအိမ်ရောဂါ၊ မျိုးမပွားနိုင်ခြင်းနဲ့ စိတ်ကျဝေဒနာတွေကိုဖြစ်စေနိုင်တယ်လို့ ပညာရှင်တွေက သုံးသပ်ထားပါတယ်။

ဒါတွေဟာ ခြောက်လနဲ့၁၁နှစ်ကြားအရွယ်ကလေး(၁၄၀၀၀)ရဲ့ မှတ်ဥာဏ် ၊ပင်ကိုယ်စရိုက်လက္ခဏာနဲ့ အပြုအမူတွေကိုစမ်းသပ်လေ့လာထားတဲ့အချက်အလက်တွေဖြစ်သလို၊ မိခင်တွေ ကိုယ်ဝန်ဆောင်ချိန်ကာလ(၁၈)ပတ်နဲ့(၃၂)ပတ်ကြားအချိန်မှာ ပါရာစီတမောသောက်သုံးလို့ ဖြစ်လာတဲ့ ရလဒ်တွေလို့ဆိုပါတယ်။

ဆေးရဲ့ဆိုးကျိုးသက်ရောက်မှုဟာ ကလေးအသက်(၃)နှစ်အရွယ်မှာအပြင်းထန်ဆုံးဖြစ်ပေမယ့်၊မူလတန်းကျောင်းပြီးချိန်အရွယ်မှာတော့ ပြသာနာတွေလျော့ကျသွားပြီလို့ဆိုပါတယ်။

နောက်ပြီး ဆေးရဲ့အကျိုးသက်ရောက်မှုက မ်ိန်းကလေးတွေထက်ယောက်ျားလေးတွေမှာပိုအဖြစ်များတယ်လို့ Paediatric and Perinatal Epidemiology ဂျာနယ်မှာဖော်ပြထားပါတယ်။

ဒါကြောင့် အချုပ်ပြောရရင်ကိုယ်ဝန်ဆောင်မိခင်တွေ အနေနဲ့ ပါရာစီမောအကိုက်အခဲပျောက်ဆေးတွေကို လျော့သောက်ကြဖို့နဲ့ဖြစ်နိုင်ရင်မသောက်သုံးဖို့ သတိပေးချက်အသစ်ထုတ်ပြန်ထားပါတယ်။

Khaing

SHARE