အသက်ရှည်ရှည် နေချင်ရင်၊ အိပ်တဲ့အခါတိုင်း ဖုန်းနဲ့အဝေးဆုံးမှာ အိပ်ဖို့ ပညာရှင်အကြံပြု

Pexels/Healthline

သင်ဟာ အိပ်ရာမဝင်ခင်မှာ ဖုန်းသုံးတဲ့ အလေ့အကျင့်ရှိနေပြီဆိုရင် ဒါက အတော်လေး သတိထားသင့်တဲ့ ကိစ္စဖြစ်ပါတယ်။ ဖုန်းကို စွဲလန်းနေပြီဆိုရင် အရင်ဆုံး အနှောက်အယှက်ပေးမှာက သင့်ရဲ့ကောင်းကောင်းမွန်မွန် အိပ်စက်ခြင်းကို ဖြစ်ပါတယ်။ ဖုန်းကို စွဲလန်းတဲ့ ဒီဂရီအနိမ့်အမြင့်ပေါ်မူတည်ပြီး သင့်ရဲ့ အိပ်စက်ဖို့အချိန်ဟာ အနည်းနဲ့အများတော့ ထိခိုက်မှာပါ။

အိပ်စက်ချိန်ကို ထိခိုက်ခြင်းဟာ လူတစ်ယောက်အတွက် ကျန်းမာရေးဆိုင်ရာနဲ့ပတ်သက်ရင် ကောင်းတဲ့ လက္ခဏာ တစ်ခုမှာ မပေးစွမ်းနိုင်ဘူးလို့ ဆိုပါတယ်။ အိပ်စက်မှုဆိုင်ရာ ကမောက်ကမရောဂါတွေနဲ့ပတ်သက်ပြီး ကျွမ်းကျင်ပညာရှင် Harneet Walia က လူတစ်ယောက် ကျန်းမာဖို့အတွက် အိပ်စက်ခြင်းက အလွန်အဓိကကျတယ်လို့ ဆိုပါတယ်။

YouTube/Yourerie

သူမက လူတစ်ယောက် ငြိမ်းချမ်းတဲ့စိတ်အခြေအနေဟာ တစ်ညတာကို ကောက်းကောင်းအိပ်ပျော်စေဖို့ ကျေးဇူးပြုပါတယ်တဲ့။ သူမက ကောင်းကောင်းအိပ်ချင်တယ်၊ ဒါမှမဟုတ် အိပ်စက်ခြင်းကနေ ပေးတဲ့ ကျန်းမာရေးကောင်းကျိုးကို အပြည့်အဝခံစားချင်တယ်ဆိုရင် ဖုန်းအသုံးပြုခြင်းမလုပ်ဖို့ အကြောင်းပြချက်(၃)မျိုးနဲ့ အကြံပေးခဲ့ပါတယ်။

(၁) ဖုန်းက သင့်ရဲ့စိတ်ပင်ပန်းမှုကို မပြေပျောက်စေဘူး

ဖုန်းတွေဟာ အဓိကအားဖြင့် သင့်ကို သတင်းအချက်အလက်တွေပေးဖို့ ထုတ်လုပ်ထားတာတွေ ဖြစ်ပါတယ်။ သင့်ဟာ အိပ်ရာထက်မှာ ဘယ်လောက်ပဲ သက်တောင့်သက်သာ ဖြစ်နေစေကာမူ၊ ဖုန်းထဲက သတင်းအချက်အလက်တွေကို ဦးနှောက်က မှတ်ယူနေပါတယ်။ သင့်ရဲ့ စိတ်ခံစားမှုကလည်း သင် မြင်နေရတဲ့ အကြောင်းအရာတွေကို လိုက်ပြီး ခံစားနေတတ်ပါတယ်။

(၂) ဖုန်းကထုတ်လွှတ်တဲ့ အပြာရောင်အလင်းတန်းက Melatonin ဟိုမုန်းတွေက သေဆုံးစေတယ်

READ
ဝက်ခြံညှစ်ခြင်းဟာအသက်အန္တရာယ်အထိ ထိခိုက်စေနိုင်ကြောင်းပညာရှင်များသတိပေး

လူ့ခန္ဓာကိုယ်အတွက် အလွန်အရေးပါတဲ့ Melatonin ဟိုမုန်းကို ဦးနှောက်က ထုတ်လတ်ပေးပါတယ်။ အဲဒီဟိုမုန်းရဲ့ လုပ်ဆောင်ချက်က အိပ်စက်ခြင်းသံသရာကို ပုံမှန်လည်ပတ်အောင် ဦးနှောက်ကို စေ့ဆော်ပေးတာ ဖြစ်ပါတယ်။ သို့သော်လည်း ဖုန်းက ထုတ်လွှတ်တဲ့ အပြာရောင်အလင်းတန်းတွေက ဒီဟိုမုန်းဖြစ်စဉ်ကို အလွန်အနှောက်အယှက် ပေးရာက အိပ်စက်ချိန်တွေ ကမောက်ကမ ဖြစ်ကုန်တာပါ။

နောက်ပြီး မျက်လုံးအမြင်ကို အချိန်တိုအတွင်း ထိခိုက်စေသလို၊ မကြာသေးခင်က စစ်တမ်းအရ အဲဒီအပြောရောင်အလင်းတန်က ဦးနှောက်ဆဲလ်တွေကိုပါ သေဆုံးစေနိုင်ပါသတဲ့။ အိပ်ရေးပျက်ခြင်း၊ အိပ်စက်ချိန် ကမောက်ကမ စဖြစ်ပြီဆိုတာနဲ့ သင့်ရဲ့ ကျန်မားရေးဟာ သိသိသာသာ ဆိုးရွားလာတာကို သင်ကိုယ်တိုင် သတိထားမိမှာပါ။

Pixabay/Michel

(၃) လက်တလော ခံစားမှုတွေကို လွှမ်းမိုးတယ်

သင့်ဟာ မအိပ်စက်ခင်မှာ ဘယ်လောက်ပဲ စိတ်ကောင်းဝင်နေပါစေ၊ သင့်ရဲ့ လက်တလော ခံစားမှုကို ဖုန်းတွေက တက်နိုင်သလောက် အနှောက်အယှက် ပေးမှာပါ။ သင်ဟာ အားငယ်ဝမ်းနည်းတတ်သူဆိုရင် သင့်ကို ဝမ်းနည်းစရာ သတင်းတွေက ပိုပြီးဝမ်းနမ်းအောင် ဖန်းတီးမှာပါ။ သင်က ဒေါသထွက်လွယ်သူဆိုရင်လည်း ဒီအတိုင်းပါဘဲ၊ သာမန် ဒေါသထွက်စရာ သတင်းတွေက သင့်ကို အနှောက်အယှက်ပေးမှာပါ။

ဒီနည်းအားဖြင့် သင်ဟာ တိုက်ရိုက်သော်လည်းကောင်း၊ သွယ်ဝိုက်၍သော်လည်းကောင်း အိပ်စက်ချိန်မှာ စိတ်ပိုင်းဆိုင်ရာ အနှောက်အယှက်တွေ ခံစားရမှာ ဖြစ်ပါတယ်။ အိပ်စက်မယ့်လူတစ်ယောက်ဟာ ဖြစ်နိုင်သမျှ ဦးနှောက်ထဲမှာ ရှင်းရှင်းလင်းလင်း ဖြစ်နေဖို့ လိုပါတယ်။

ဒါကြောင့် ဒီလို ခက်ခဲတဲ့အခြေအနေတွေကို ကျော်လွှားနိုင်ဖို့ သင်ဟာ ဖြစ်နိုင်ရင် ဖုန်းနဲ့ အဆက်အသွယ်မျိုးတောင် ဖြတ်သင့်ပါတယ်။ Walia ကတော့ သင့်အနေနဲ့ ကောင်းကောင်းအိပ်စက်ချင်တယ်ဆိုရင် မအိပ်ခင် ဖုန်းနဲ့တစ်နာရီလောက် အဆက်အသွယ် ကြိုဖြတ်ထားသင့်ကြောင်း၊ ဒီနည်းအားဖြင့် စိတ်ပိုင်းဆိုင်ရာ၊ ရုပ်ပိုင်းဆိုင်ရာ ကျန်းမာရေးကို ပိုပြီးတိုးတက်အောင် လုပ်သင့်တယ်လို့ အကြံပေးခဲ့ပါတယ်။

လင်းဇော်ကို

SHARE