ဂျပန်လူငယ်တွေကြားထဲ အရမ်းခေတ်စားနေတဲ့ အသေးတကာ့ အသေးဆုံးတိုက်ခန်းလေးများ

Twitter/CaseyBassel

Ququri စတူဒီယိုတိုက်ခန်းလေးတွေဟာ စတုရန်းမီတာ (.၆၄) သာရှိပါတယ်။ အခန်းလေးတွေက အရမ်းကျဉ်းပေမယ့် ဂျပန်လူငယ်အများစုက ဒီအခန်းလေးတွေကို နှစ်သက်ကြပါတယ်။ ဈေးသက်သာတာကြောင့်လည်း ပါပါတယ်။ လူတွေ များသောအားဖြင့် သိကြတာက ဂျပန်နိုင်ငံက တိုက်ခန်းလေးတွေဟာ ကျဉ်းတယ်ဆိုတာကိုပါ။ ဒါပေမယ့် ထူးခြားတာက နဂိုတည်းက နေရာကျဉ်းကျဉ်းမှာပဲ နေကြလေ့ရှိတဲ့ ဂျပန်လူမျိုးတွေကတောင် ဒီတိုက်ခန်းတွေဟာ သေးလွန်းတယ်လို့ ထုတ်ပြောရလောက်တဲ့အထိ Ququri အခန်းလေးတွေဟာ သေးပါတယ်။

Twitter/CaseyBassel
Twitter/CaseyBassel

ဂျပန်အိမ်ခြံမြေအကျိုးဆောင်ကုမ္ဗဏီတစ်ခုဖြစ်တဲ့ Spilytus က ဒီ Ququri အခန်းတွေကို ငှားပါတယ်။ တိုကျိုနားတစ်ဝိုက်မှာတော့ ဒီလိုအခန်းလေးတွေ (၁၂၀၀) လောက် ရှိပါတယ်။ အခန်းလေးတွေက အသက်(၂၀) ကနေ (၃၀) ၀န်းကျင် လူငယ်တွေကြား ခေတ်စားပါတယ်။ အခန်းငှားတဲ့သူ (၉၀) ရာခိုင်နှူန်းလောက်က အဲ့ဒီအသက်အပိုင်းအခြားတွေပါ။ Ququri အခန်းတွေရဲ့ နေထိုင်သူ(၄၀) ရာခိုင်နှူန်းဟာ အမျိုးသမီးတွေ ဖြစ်ပါတယ်။

Twitter/CaseyBassel
Twitter/CaseyBassel

Ququri စတူဒီယိုခန်းတွေကို တိုကျိုရဲ့ လူနေများတဲ့ခရိုင်တွေဖြစ်တဲ့ ရှင်ဂျုကု၊ ရှီဘူယာ၊ အီဘီစုနဲ့ နာကာမီဂူရိုတို့မှာ ဆောက်လုပ်ထားပါတယ်။ အခန်းလေးတွေဟာ တစ်ကိုယ်ရည်တစ်ကာယနေထိုင်လို့ ကောင်းရုံတင်မကပဲ မြို့ထဲက ကျောင်းတွေ၊ ရုံးတွေကိုသွားရာမှာလည်း လွယ်ကူစေအောင် အဓိကရထားလိုင်းကြီးတွေနဲ့ နီးတဲ့နေရာမှာ ရှိပါတယ်။ သိရတာက အခန်းငှားတဲ့သူ (၆၀) ရာခိုင်နှူန်းဟာ ရုံးဝန်ထမ်းတွေဖြစ်ပြီး (၃၀) ရာခိုင်နှူန်းကတော့ ကျောင်းသားတွေဖြစ်တယ်ဆိုတာပါ။

Twitter/CaseyBassel
Twitter/CaseyBassel

Ququriအခန်းတွေနဲ့ပတ်သက်ပြီး နောက်ထပ်ကောင်းတာတစ်ခုက ဈေးချိုတာပါ။ နေရာပေါ်မူတည်ပြီး တစ်လကို အနည်းဆုံး ယန်း ငါးသောင်း (အမေရိကန်ဒေါ်လာ ၄၅၅) လောက်ကနေ ငှားရမ်းနိုင်ပါတယ်။ တကယ်လို့ ချမ်းသာတဲ့ လူနေရပ်ကွက်ထဲမှာ ငှားနေမယ်ဆိုရင်တောင် Ququri အခန်းတွေဟာ ယန်း ရှစ်သောင်းဝန်းကျင်ပဲ ရှိနိုင်ပါတယ်။ နောက်တစ်ခုက ငှားရမ်းသူဟာ စပေါ်ငွေတင်စရာမလိုသလို ဂျပန်ကတိုက်ခန်းတွေမှာ () နှစ်တစ်ကြိမ်ပေးရတဲ့ အိမ်ငှားစာချုပ်အသစ်ဖိုးလည်း ပေးစရာမလိုပါဘူး။ ပြီးတော့ အင်တာနက်ဖိုးလည်း အခမဲ့ဖြစ်ပါတယ်။

Twitter/CaseyBassel
Twitter/CaseyBassel

Ququri အခန်းတွေကတော့ ပုံမှာတွေ့ရမယ့်အတိုင်းပဲ နေချင်စရာလေးတွေပါ။ များသောအားဖြင့် လူတွေက အောက်ထပ်မှာ သူတို့ရဲ့တစ်ကိုယ်ရည်အသုံးအဆောင်ပစ္စည်းတွေကို ထားလေ့ရှိပြီး ထပ်ခိုးကိုတော့ အိပ်ခန်းအဖြစ် ထားကြတာ များပါတယ်။ ဂျပန်မှာရှိတဲ့ အခြားတိုက်ခန်းသေးသေးလေးတွေနဲ့ မတူတာက အခန်းထဲမှာ အ၀တ်လျှော်စက်ထည့်ပေးထားပါတယ်။ ဟင်းချက်ဖို့နေရာလည်း ရှိသလို ရေချိုးခန်း၊ အိမ်သာလည်း ပါတာကြောင့် Ququri အခန်းလေးတွေဟာ ဂျပန်လူငယ်တွေကြားထဲမှာတော့ ရေပန်းစားလျက်ရှိကြောင်း soranews24 ကတဆင့် ဖော်ပြပေးလိုက်ရပါတယ်။

Twitter/CaseyBassel

လင်းလင်း (ShweMom)

SHARE