ဂျပန်မှာ ဇနီးမောင်နှံတွေ အိမ်ထောင်ရေးအဆင်ပြေလည်း ခွဲအိပ်ကြတဲ့ အကြောင်းအရင်း

Freepik- freepik

လက်ထပ်ပြီးသားစုံတွဲတွေဆိုတာ သွားအတူစးအတူ အိပ်အတူပဲ ကြားဖူးပေမယ့်လို့ ဂျပန်မှာတော့ လက်ထပ်ပြီးသားစုံတွဲတွေရဲ့ အိပ်ယာခွဲအိပ်တဲ့ အလေ့အထတစ်ခုရှိနေပါတယ်။ ဘာကြောင့်မို့လို့ ခွဲအိပ်ရတာလဲဆိုတော့..

Freepik- beststudio

မတူညီတဲ့ အိပ်ချိန်တွေကြောင့်

ဂျပန်လူမျိုးတွေဟာ အလုပ်ကြိုးစားတဲ့သူတွေဖြစ်ပြီး များသောအားဖြင့် ဇနီးရော အမျိုးသားရောပါ အလုပ်လုပ်လေ့ရှိကြပါတယ်။ အလုပ်ချိန်တွေဟာလည်း တစ်ခုနဲ့တစ်ခုမတူညီနိုင်တာကြောင့် ကိုယ်အိပ်ယာထလိုက်ရင် တစ်ဖက်က နိုးသွားတာမျိုးတွေမဖြစ်စေချင်လို့ ခွဲအိပ်ကြရတာပါတဲ့။ ဟိုးအရင်တုန်းကတော့ အိမ်မှုကိစ္စတွေကို အမျိုးသမီးတွေ အစောကြီးထလုပ်ရတဲ့အတွက်ကြောင့် ခင်ပွန်းသည်နိုးသွားမှာဆိုးလို့ပဲဖြစ်ပါတယ်။

Freepik- soloco280

ကလေးကြောင့် 

များသောအားဖြင့် အာရှနိုင်ငံတွေမှာက ကလေးတွေကို မိခင်နဲ့အတူတူအိပ်စေတာပါ။ ဒါကြောင့် အလုပ်သွားရတဲ့ဖခင်ဖို့ အနှောက်အယှက်ဖြစ်နိုင်တာတွေကြောင့် အခုလို ခွဲအိပ်တာပါတဲ့။

Freepik- noxos

ငြိမ်းချမ်းလို့

ဂျပန်တွေရဲ့အယူအဆတစ်ခုကတော့ တစ်ယောက်တည်း အိပ်စက်ခြင်းဟာ လွတ်လွတ်လပ်လပ်ရှိပြီး နှစ်ခြိုက်စွာအိပ်ပျော်နိုင်တာကြောင့် ငြိမ်းချမ်းခြင်းတစ်ပါးပါပဲတဲ့။ ဒါကြောင့် လက်ထပ်ပြီးတဲ့အခါမှာလည်း နားလည်မှုယူကာ အခုလိုမျိုး ခွဲအပ်တယ်လို့ ဆိုပြန်ပါတယ်။

READ
ပြောမယုံ,ကြုံဖူးမှ ယုံကြမယ့် လက်ရှိကျင့်သုံးနေဆဲ အရပ်ရပ်ကထူးဆန်းတဲ့ဓလေ့ထုံးတမ်းများ

ဂျပန်နိုင်ငံမှာ ဟိုးရှေးနှစ်တွေထဲကိုမှ လက်ထပ်ပြီးသားစုံတွဲတွေအနေနဲ့ အခုလိုခွဲအိပ်တဲ့ အလေ့အကျင့်တွေ ရှိခဲ့ဖူးပါတယ်။ အရင်တုန်းက ရှိခဲ့တဲ့ အိပ်ယာလိပ်ဆိုတာ လူတစ်ယောက်စာအရွယ်ပဲရှိတာပါ။ ဒါကြောင့် အိပ်မပျော်ခင်မှာတော့ ချစ်ချစ်ခင်ခင်နဲ့ ဖက်ထားတော့ ပူးပူးကပ်ကပ်နဲ့ ဘာမှမဖြစ်ပေမယ့်လို့ အိပ်ပျော်သွားတဲ့အခါမှာတော့ အိပ်ယာလိပ်ပေါ်ကနေ ကျသွားပြီးတော့ အေးစက်စက်ကြမ်းပြင်ပေါ်မှာ အိပ်မိတာမျိုးတွေ ဖြစ်ကြတဲ့အတွက်ကြောင့် လက်ထပ်ပြီးလည်း စုံတွဲတွေဟာ ခွဲအိပ်ကြတာပါတဲ့။

Penny

SHARE