ရည်းစားတစ်ယောက် ဖြစ်ဖြစ်မြောက်မြောက် မရသေးခြင်းရဲ့ အကြောင်းအရင်း

Shutterstock

လူရယ်လို့ ဖြစ်လာပြီဆိုရင် သီးချိန်တန် သီးရမယ်၊ ပွင့်ချိန်တန် ပွင့်ရမယ်လို့ ဆိုပါတယ်။ သစ်ပင်တွေကို ရည်ရွယ်တဲ့ စကားမဟုတ်တာတော့ လူတိုင်း သိမှာပါ။ ဒါပေမယ့် သစ်ပင်နဲ့ နှိုင်းယှဉ်တဲ့ခါ သီးချိန်တန် မသီးရင်၊ ပွင့်ချိန်တန် မပွင့်ရင် ဒီသစ်ပင် မြုံနေလို့လား၊ ဖိုနေလို့လားစသဖြင့် စိုက်ပျိုးသူတွေမှာ ဦးနှောက်ခြောက်ရပါတယ်။

အမျိုးသားတွေအနေနဲ့တော့ အသက်(၃၀)လောက်မှ ချစ်သူခင်သူ ကောင်းကောင်းမရှိသေးဘူးဆိုရင် ကိုယ့်မှာ ဘာမှားနေလဲ စဉ်းစားဆင်ခြင်စရာတွေ ရှိပါတယ်။ တကယ်လို့ ကိုယ်က အိမ်ထောင်ဘက် လိုလိုလားလား ရချင်နေတယ်ဆိုရင် အောက်ဖော်ပြပါ အားနည်းချက်လေးတွေ ပြင်ပေးဖို့ လိုပါမယ်။

(၁) မိဘကိုချစ်လွန်းသူ

မိဘကို လူတိုင်းချစ်ကြမှာပါ။ များများချစ်နိုင်လေ များကောင်းလေပါဘဲ။ ဒါပေမယ့် ခွဲခြားရမယ့် အပိုင်းတွေလည်း ရှိပါတယ်။ ဘယ်သူပဲဖြစ်ဖြစ် လူတစ်ယောက်က ကိုယ့်ကို ဂရုမစိုက်ဘူး၊ အလေးမပေးဘူးထင်ရင် အဲဒီလူနားကို သိပ်မကပ်တာကိုလည်း နားလည်ထားသင့်ပါတယ်။ ဒီတော့ ကိုယ်သဘောကျတဲ့ ကောင်မလေးကိုလည်း အရေးပေးပါလို့။

Shutterstock

(၂) အတ္တကြီးလွန်းသူ

သူငယ်ချင်းအပေါင်းအသင်း ဆက်ဆံရေးမှာတောင် အတ္တကြီးလွန်းသူတွေဟာ ပေါင်းသူခင်သူမရှိ၊ တစ်ကိုယ်ရေ ထီးထီး ဖြစ်တတ်ပါတယ်။ အတ္တ၊ပရ မျှတတဲ့ စိတ်ထားရှိသူတွေဟာ လူချစ်လူခင်များပါတယ်။ တကယ်လို့ သင်ဟာ အတ္တကြီးလွန်းသူ ဖြစ်နေရင် သင့်ကို စိတ်ဝင်စားမယ့် ကောင်မလေးဆိုတာကလည်း ရှိမှာ မဟုတ်ပါဘူး။

Shutterstock

(၃) ခဲမှန်ဖူးတဲ့ စာသူငယ်

တကယ်လို့ သင်ဟာ အချစ်နဲ့ပတ်သက်ရင် အတိတ်မှာ အကြီးအကျယ် ဒဏ်ရာရခဲ့တယ်ဆိုပါက လက်တွေ့မှာ တစ်စုံတစ်ယောက်ကို ထပ်ချစ်ဖို့ မလွယ်ပါဘူး။ တကယ်လို့ ချစ်ခဲ့မိရင်တောင် သင့်အနေနဲ့ အတိတ်က နာကျင်ခဲ့ဖူးတဲ့ ဒဏ်ရာတွေက သတိပေးသလိုလို၊ တားဆီးသလိုလိုနဲ့ သင်ကိုယ်တိုင်က ချစ်ရမှာ ကြောက်နေမှာပါ။

(၄) စိတ်ပိုင်းဆိုင်ရာ မပြည့်စုံသူ

ဒါကတော့ ခပ်ရှင်းရှင်းပြောရရင် စိတ်သဘောထား မပြည့်ဝသူလို့ ဆိုလိုတာပါ။ တစ်ချို့က ကိုယ် စိတ်သဘောထား မပြည့်ဝတာကို သူများက ထောက်ပြလည်း သိပ်ကြိုက်တာတော့ မဟုတ်ပါဘူး။ ဒါပေမယ့် သင်ဟာ သင်ယူလိုစိတ်၊ ပြုပြင်လိုစိတ် ရှိသူဆိုရင် ဒီလို စိတ်သဘောထား မပြည့်ဝမှုက ပြင်ရတာ အဲလောက် မခက်ပါဘူး။

Shutterstock

(၅) အရိပ်ပြလို့ အကောင်မထင်သူ

တစ်ချို့ကကျတော့ အချစ်နဲ့ပတ်သက်ရင် ဒုံးဝေးကြပါတယ်။ ကောင်မလေးတွေက သူတို့ဘက်က ဖွင့်ပြောဖို့ အခွင့်မသာတဲ့အခါ သူတို့ သဘောကျတဲ့သူကို အထာပေးကြပါတယ်။ ချစ်ရည်ရွှန်းနေတဲ့ မျက်လုံးကြီး ပေကလပ်ပေကလပ်နဲ့ ကြည့်တတ်ကြပါတယ်။ ဒါပေမယ့် ကိုယ်က ဒါမျိုးမြင်ပြီး “ဘာအထာလဲဟ”ဆိုပြီး အဓိပ္ပါယ်အပေါက်လွဲနေရင်တော့ ဒီတစ်သက် ကျွတ်ဖို့မလွယ်ပါဘူး။

နတ်စည်တော်

SHARE